புதுச்சேரியில் முதலமைச்சர் ரங்கசாமி தலைமையில் என்.ஆர். காங்கிரஸ் - பா.ஜனதா கூட்டணி ஆட்சி நடந்து வருகிறது. கூட்டணி அமைச்சரவையில் பா.ஜனதா சார்பில் அங்கம் வகித்த ஆதிதிராவிடர் நலத்துறை அமைச்சர் சாய் ஜெ. சரவணன் குமார் நேற்று முன்தினம் பதவியை ராஜினாமா செய்தார். அவருக்கு பதிலாக புதிய அமைச்சராக ஜான் குமார் நியமிக்கப்பட்டுள்ளார்.

இதேபோல் புதுச்சேரியில் பாஜக நியமன எம்எல்ஏவாக இருந்து வந்த வி.பி.ராமலிங்கம், சு.வெங்கடேசன், அசோக் பாபு ஆகியோர் திடீரென தங்களது எம்எல்ஏ பதவியை கடந்த ஜூன் 27-ஆம் தேதி ராஜினாமா செய்து, அது தொடர்பான ராஜினாமா கடிதத்தை புதுச்சேரி முதல்வர் ரங்கசாமியிடம் வழங்கினர்.

இதையும் படிங்க: புதுச்சேரியில் மதுக்கூடங்களுக்கான லைசன்ஸ் கட்டணம் உயர்வு..!

இதற்கான பரிந்துரை கடிதத்தை முதலமைச்சர் ரங்கசாமி நேற்று மாலை ஆளுநர் கைலாஷ்நாதனை சந்தித்து அளித்தார். இதனை ஆளுநர் மத்திய உள்துறை அமைச்சகத்தின் ஒப்புதலுக்கு அனுப்பி வைத்த நிலையில், இதற்கு மத்திய உள்துறை அனுமதி வழங்கியுள்ளதாக கூறப்படுகிறது.

புதுச்சேரி பாஜக மாநிலத் தலைவராக இருந்து வந்த சு.செல்வகணபதி, மாநிலங்களவை உறுப்பினராக இருந்து வருகிறார். இவருக்கு பதிலாக மற்றொருவரை புதுச்சேரி பாஜக மாநிலத் தலைவராக நியமிப்பதற்கு பாஜக தலைமை முடிவு செய்தது. அதன்படி, பாஜக கட்சியைச் சேர்ந்த ஏராளமானோர் மாநிலத் தலைவர் பதவிக்கு வேட்பு மனுக்களை தாக்கல் செய்திருந்தனர்.

இந்த நிலையில், வேட்பு மனு தாக்கல் செய்திருந்தவர்களில் வி.பி. ராமலிங்கத்தை புதுச்சேரி பாஜக மாநிலத் தலைவராக நியமிப்பதற்கு கட்சி தலைமை முடிவு செய்தது. அதன்படி, கே.பி.ராமலிங்கம் நாளை (ஜூன் 30) புதுச்சேரியில் உள்ள தனியார் திருமண மண்டபத்தில் நடைபெறும் நிகழ்ச்சியில் புதுச்சேரி மாநில பாஜக தலைவராக பதவி ஏற்க உள்ளார். புதுச்சேரி பாஜக மாநிலத் தலைவராக பதவி ஏற்க உள்ள கே.பி. ராமலிங்கம் இதற்கு முன்பு புதுச்சேரி பாஜக நியமன எம்எல்ஏக்களில் ஒருவராக இருந்து வந்தார். 

வரும் சட்டப்பேரவைத் தேர்தலுக்காக புதுச்சேரி பாஜகவில் பல்வேறு மாற்றங்கள் செய்யப்பட்டு வந்தன. இதில், ஒன்றாக புதுச்சேரி பாஜக தலைவரை மாற்றம் செய்வதற்கான பணிகளும் நடைபெற்று வந்தன. இந்த நிலையில் தான் புதுச்சேரி பாஜக தலைவராக இருந்து வந்த சு.செல்வகணபதி எம்.பி.க்கு பதிலாக பாஜக நியமன எம்.எல்.ஏ.வாக இருந்து வந்த வி.பி. ராமலிங்க நியமிக்கப்பட்டுள்ளார்.

இதையும் படிங்க: வெளியுறவுத்துறை அமைச்சருக்கே ஆப்பா? கட்சி தாவும் சசிதரூர்? புகைச்சலில் பாஜ- காங்கிரஸ்..!