தமிழகத்தில் திமுக அரசால் கொண்டுவரப்பட்ட மகளிர் விடியல் பயணத்திட்டத்தை  தவெக அரசு விரிவாக்கம் செய்து மகளிருக்கான வெற்றிப் பயணம் திட்டம் அறிவித்திருந்தது. இந்த மகளிர் வெற்றிப் பயணத் திட்டத்தினை வேலூர் புதிய பேருந்து நிலையத்தில் இன்று  வேலூர் மாவட்ட ஆட்சியர் சு. லீலா அலெக்ஸ் பச்சைக்கொடி அசைத்து துவக்கி வைத்தார்கள் 

இந்த நிகழ்ச்சியில் வேலூர் மாநகராட்சி ஆணையர் கேத்தரின் சரண்யா கே.வி. குப்பம் சட்டமன்ற உறுப்பினர் பூ. தென்றல்குமார் உள்ளிட்டார் பங்கேற்றனர். அப்போது காஞ்சிபுரம் செல்ல இருந்த பேருந்தில் பயணித்த மகளிருக்கு கட்டணமில்லா பேருந்து பயணச் சீட்டை மாவட்ட ஆட்சியரும் சட்டமன்ற உறுப்பினரும் வழங்கினர்.

அப்போது திடீரென சட்டமன்ற உறுப்பினர் தென்றல் குமார் பேருந்தின்  ஓட்டுநரை அவர் சீட்ல இருந்து எழுந்துக்க சொல்லி எம்.எல்.ஏ அந்த பேருந்து ஓட்டுநர் சீட்ல உட்கார்ந்து இதுதான் கிளட்சா, இதுதான் கியரா, என அருகே நின்றிருந்த தனது உதவியாளர்களிடம் கேட்டு அந்த பேருந்தை இயக்க ஆரம்பித்தார். 

இதையும் படிங்க: தவெக எம்எல்ஏவை சூழ்ந்த மக்கள்.. கூட்டத்தில் திடீர் கல் வீச்சு!! பரபரப்பு சம்பவம்!!

​ பேருந்து நிலையத்தின் உள்ளே கொஞ்ச தூரம் பேருந்து போயிட்டே இருக்கும் போது திடீர்னு பிரேக் அடிச்சாரு. உடனே பேருந்துல இருக்குறவங்க எல்லாம் கத்தி கூச்சலிட்டனர். பயணிகள் அனைவருக்கும் மரண பயத்தை காட்டிய சட்டமன்ற உறுப்பினர் தென்றல் குமார். 

அதுக்கப்புறம் சாமர்த்தியமா அந்த பேருந்தை இயக்கி வந்து அந்த வேலூர் புதிய பேருந்து நிலையத்தை  சுற்றி வந்து நிறுத்தினார். எம்.எல்.ஏ இந்த அரசு பேருந்தை ஓட்டும்போது பேருந்தில் இருந்த பயணிகளுக்கும் சரி, கட்சிக்காரர்களுக்கும் சரி ஒரு பீதி மனசுக்குள்ள இருந்தது. 

அவர் பேருந்தை நிறுத்திய பிறகே பயணிகள் நிம்மதி பெருமூச்சுவிட்டனர். எப்போதும் ரீல்ஸ் மோகத்தில் திகழும் தவெகவினர், அரசு விழாக்களில் ரீல்ஸ் எடுப்பதற்காக மக்களுக்கு மரண பயத்தை காட்டி அட்ராசிட்டி செய்து வருகின்றனர்.

இதையும் படிங்க: சபாநாயகர் சேரில் தொப்பியுடன்.. இஸ்லாமியர்களுக்கு கிடைத்த மரியாதை!! தவெக முஸ்தபா பெருமிதம்!!