தமிழக சட்டமன்றத் தேர்தலை முன்னிட்டு, தமிழக வெற்றி கழகத்தின் தலைவர் விஜய் தமிழ்நாடு முழுவதும் தீவிர பிரச்சாரத்தில் ஈடுபட்டு வருகிறார். 2024 பிப்ரவரியில் கட்சியைத் தொடங்கிய விஜய், 2026 சட்டமன்றத் தேர்தலில் தனித்து போட்டியிடும் முடிவுடன், கட்சியின் வேட்பாளர்களை ஆதரித்து மாநிலம் தழுவிய பயணத்தை மேற்கொண்டுள்ளார்.
இந்தப் பிரச்சாரம், தமிழக அரசியலில் புதிய அலையை ஏற்படுத்தியுள்ளது என்று கூறலாம். கட்சியின் தேர்தல் பணிகள் சில மாதங்களுக்கு முன்பே தீவிரமடைந்தன. ஜனவரி 2026-ல் விஜய், தேர்தல் பிரச்சாரக் குழுவை அமைத்தார். இந்தக் குழு மாநிலம், மாவட்டம் மற்றும் தொகுதி அளவில் பிரச்சார நடவடிக்கைகளை ஒருங்கிணைக்கும் பொறுப்பை ஏற்றது.
பிப்ரவரியில் தேர்தல் அறிக்கை உருவாக்கும் பணிகள் வேகம் பெற்றன. மார்ச் இறுதியில், தமிழகத்தின் 234 தொகுதிகளுக்கான வேட்பாளர்கள் பட்டியலை விஜய் சென்னையில் அறிமுகப்படுத்தினார். தற்போது வேட்பாளர்களை ஆதரித்து தமிழகம் முழுவதும் விஜய் அனல் பிரச்சாரம் மேற்கொண்டு வருகிறார்.
இதையும் படிங்க: அமமுகவினர் ஆயிரத்துக்கும் மேற்பட்டோர் TVKவில் ஐக்கியம்..! காரைக்குடி வேட்பாளர் முன்னிலையில் இணைவு..!
இந்த நிலையில், நாளை தருமபுரியில் விஜய் ரோடு ஷோவுக்கு அனுமதி மறுக்கப்பட்டுள்ளது. தருமபுரியில் தவெக தலைவர் விஜய்யின் நாளைய ரோடு ஷோவுக்கு அனுமதி மறுக்கப்பட்டதால் ஒத்தி வைக்கப்பட்டு உள்ளதாக தவெக தரப்பு தகவல் தெரிவித்துள்ளது. மீண்டும் 16, 17ம் தேதிகளில் அனுமதி கோரப்பட்டுள்ளதாகவும் தகவல் வெளியாகி உள்ளது. பல்வேறு கட்டுப்பாடுகளுடன் விஜய் பரப்புரை மற்றும் ரோடு ஷோ ஆகியவற்றிற்கு அனுமதி வழங்கப்பட்டு வரும் நிலையில் தருமபுரி ரோடு ஷோ நடத்த விஜய்க்கு அனுமதி மறுக்கப்பட்டு உள்ளது.
இதையும் படிங்க: தளபதி கச்சேரி..! மீண்டும் பெரம்பூரில் விஜய் பரப்புரை..!! ஏற்பாடுகள் மும்முரம்..!!