மும்பை: சிவசேனா கட்சியில் பெரும் பிளவு ஏற்பட்டுள்ள நிலையில், கட்சித் தலைவர் பதவியில் இருந்து விலக தயார் என உத்தவ் தாக்கரே உருக்கமாக அறிவித்துள்ளார். இந்த அறிவிப்பு மகாராஷ்டிரா அரசியலில் பெரும் பரபரப்பை ஏற்படுத்தியுள்ளது.
அண்மையில் சிவசேனா எம்பிக்கள் 6 பேர் பாஜகவில் இணைந்தனர். பார்லி குழு கூட்டத்துக்கு அழைப்பு விடுத்தும் அவர்கள் அதை புறக்கணித்தது உத்தவுக்கு பெரும் அதிர்ச்சியை ஏற்படுத்தியது. இந்நிலையில் மும்பையில் நடைபெற்ற ஒரு நிகழ்ச்சியில் தொண்டர்கள் முன்னிலையில் உத்தவ் தாக்கரே உணர்ச்சிப் பெருக்குடன் பேசினார்.
“சிவசேனா தொண்டர்கள் மனச்சோர்வடையவில்லை, மாறாக உற்சாகமாக உள்ளனர். என்மீது உங்களுக்கு நம்பிக்கையும் விசுவாசமும் இல்லை என்றால், நான் கட்சித் தலைவர் பதவியில் இருந்து உடனடியாக விலக தயாராக இருக்கிறேன்” என அவர் தெரிவித்தார்.
இதையும் படிங்க: "நீட் வேண்டாம்"..! கொந்தளிக்கும் மாணவர் அமைப்பினர்..! வீதியில் இறங்கி போராட்டம்..!!
மேலும், “2024 லோக்சபா தேர்தலில் எங்களுக்கு வாக்களித்து, இப்போது கட்சியை விட்டு வெளியேறிய எம்பிக்களுக்கு வாக்களித்த வாக்காளர்களிடம் மன்னிப்புக் கேட்டுக்கொள்கிறேன்” என உத்தவ் வருத்தம் தெரிவித்தார்.
30 ஆண்டுகால பாஜக கூட்டணிக்குப் பிறகும் அவர்களுடன் இணையாமல் இருந்ததை சுட்டிக்காட்டிய உத்தவ், “அப்படியிருக்கும்போது எங்களால் எப்படி காங்கிரஸுடன் இணைய முடியும்?” என கேள்வி எழுப்பினார்.
சிவசேனா கட்சியில் தொடர்ந்து நடைபெறும் பிளவு மற்றும் எம்பிக்களின் தாவல் உத்தவ் தாக்கரேவுக்கு பெரும் சவாலாக மாறியுள்ளது. கட்சியின் எதிர்காலம் குறித்து தொண்டர்கள் இடையே கவலை நிலவும் நிலையில், உத்தவின் இந்த உருக்கமான உரை பெரும் கவனத்தை ஈர்த்துள்ளது.
உத்தவ் தாக்கரேவின் இந்த அறிவிப்பு கட்சியின் உள்மோதலை மேலும் அதிகரிக்கும் என அரசியல் வட்டாரங்கள் கருதுகின்றன. மகாராஷ்டிராவில் அடுத்தக்கட்ட அரசியல் மாற்றங்கள் எப்படி இருக்கும் என்பதை உறுதியாகக் கணிக்க முடியாத நிலை உருவாகியுள்ளது.
உத்தவ் தாக்கரேவின் தலைமையில் சிவசேனா தொடருமா அல்லது புதிய தலைமை உருவாகுமா என்பது விரைவில் தெரியவரும் என எதிர்பார்க்கப்படுகிறது. தொண்டர்கள் மத்தியில் உத்தவுக்கு இன்னும் பெரும் ஆதரவு இருப்பதாகக் கூறப்படும் நிலையில், அவரது முடிவு கட்சியின் எதிர்காலத்தை தீர்மானிக்கும் என்பது உறுதி.
இதையும் படிங்க: சவுமியா அன்புமணியை பாராட்டிய முதல்வர் விஜய்! பாமகவின் 46 ஆண்டுகால போராட்டத்திற்கு வெற்றி?