தமிழக அரசியல் வரலாற்றில் கடந்த 59 ஆண்டுகளாக நிலவி வந்த திராவிடக் கட்சிகளின் ஆட்சி அதிகாரத்திற்குப் பிறகு, ஒரு புதிய சகாப்தம் இன்று தொடங்குகிறது. தமிழக வெற்றிக் கழகத்தின் (தவெக) தலைவர் விஜய், இன்று காலை தமிழகத்தின் புதிய முதலமைச்சராகப் பதவியேற்கிறார்.

பதவியேற்பு விழா இன்று காலை 10:00 மணிக்கு சென்னை, பெரியமேட்டில் உள்ள ஜவஹர்லால் நேரு உள்விளையாட்டு அரங்கில் நடைபெறவுள்ளது. தமிழகப் பொறுப்பு ஆளுநர் ராஜேந்திர விஸ்வநாத் அர்லேகர், விஜய்க்கு முதலமைச்சராகப் பதவிப்பிரமாணமும், ரகசியக் காப்புப் பிரமாணமும் செய்து வைக்கிறார். விஜய்யுடன் சேர்த்து தவெக-வைச் சேர்ந்த 9 அமைச்சர்கள் இன்று பதவியேற்க உள்ளனர். ஆளுநரிடம் சமர்ப்பிக்கப்பட்டுள்ள அமைச்சரவைப் பட்டியலில் இடம்பெற்றுள்ள முக்கிய நபர்கள்.

'புஸ்ஸி' என். ஆனந்த் (தியாகராய நகர்)

ஆதவ் அர்ஜுனா (வில்லிவாக்கம்)

கே.ஏ. செங்கோட்டையன் (கோபிசெட்டிபாளையம்)

சி.டி.ஆர். நிர்மல்குமார் (திருப்பரங்குன்றம்)

கே.ஜி. அருண்ராஜ் (திருச்செங்கோடு)

பி. வெங்கடரமணன் (மயிலாப்பூர்)

ஏ. ராஜ்மோகன் (எழும்பூர்)

டி.கே. பிரபு (காரைக்குடி)

எஸ். கீர்த்தனா (சிவகாசி)
இவர்களில் கீர்த்தனா பெண் பிரதிநிதியாகவும், ராஜ்மோகன் பட்டியல் இன (SC) பிரதிநிதியாகவும் அமைச்சரவையில் இடம்பெறுகின்றனர்.

இதையும் படிங்க: தமிழகத்தின் புதிய முதலமைச்சராக நாளை பதவியேற்கிறார் விஜய்! நேரு உள்விளையாட்டு அரங்கில் பிரம்மாண்ட விழா!

தவெக (108) இடங்களைப் பிடித்த நிலையில், காங்கிரஸ் (5), சிபிஐ (2), சிபிஎம் (2), விசிக (2) மற்றும் ஐயுஎம்எல் (1) ஆகிய கட்சிகளின் நிபந்தனையற்ற ஆதரவுடன் மொத்த பலம் 120-ஆக உயர்ந்துள்ளது. ஆளுநர் அறிவுறுத்தலின்படி, வரும் மே 13-ஆம் தேதிக்குள் விஜய் சட்டமன்றத்தில் தனது பெரும்பான்மையை நிரூபிக்க வேண்டும்.

நேரு உள்விளையாட்டு அரங்கத்தைச் சுற்றி வரலாறு காணாத பாதுகாப்பு ஏற்பாடுகள் செய்யப்பட்டுள்ளன. தமிழகம் முழுவதிலும் இருந்து லட்சக்கணக்கான ரசிகர்கள் மற்றும் தொண்டர்கள் சென்னை நோக்கிப் படையெடுத்து வருவதால், போக்குவரத்து மாற்றங்களும் அறிவிக்கப்பட்டுள்ளன.

இதையும் படிங்க: அரியணை ஏறும் விஜய்..!! தவெக அமைச்சரவை.. உத்தேச பட்டியல் வெளியீடு..!!