பஹல்காமில் சமீபத்தில் நடந்த பயங்கரவாத தாக்குதலுக்கு பதிலளிக்கும் விதமாக சிந்து நதி நீர் ஒப்பந்தத்தை நிறுத்தி வைக்க இந்தியா எடுத்த முடிவைத் தொடர்ந்து, பாகிஸ்தான் மக்கள் கட்சி தலைவர் பிலாவல் பூட்டோ-சர்தாரி  கடுமையான எச்சரிக்கையை விடுத்தார்.

ஒரு பொது கூட்டத்தில் பேசிய பூட்டோ-சர்தாரி, "சிந்து நதி எங்களுடையது. அது எங்களுடையதாகவே இருக்கும் என்று நான் இந்தியாவிடம் சொல்ல விரும்புகிறேன். ஒன்று எங்கள் நீர் அதன் வழியாகப் பாயும் அல்லது இந்தியர்களின் ரத்தம் அதில் பாயும். அது அவர்களின் விருப்பம்'' என எச்சரிக்கை விடுத்துள்ளார்.

இஸ்லாமாபாத்துடனான இராஜதந்திர உறவுகளை குறைத்தல், பாகிஸ்தான் இராணுவ அதிகாரிகளை வெளியேற்றுதல், சிந்து நதி நீர் ஒப்பந்தத்தை நிறுத்துதல் மற்றும் அட்டாரி நில போக்குவரத்து சாவடியை மூடுதல் உள்ளிட்ட தொடர்ச்சியான இராஜதந்திர மற்றும் பொருளாதார நடவடிக்கைகளை இந்தியா தொடங்கிய சில நாட்களுக்குப் பிறகு அவர் இதனைத் தெரிவித்துளார். 

இதையும் படிங்க: இரத்தவெறி... இந்தியர்களின் தலையை அறுத்துடுவோம்... நேருக்கு நேர் மிரட்டிய பாகிஸ்தானி..!

ஜம்மு-காஷ்மீரின் பஹல்காமில் நடந்த தாக்குதலில் 26 பொதுமக்கள் கொல்லப்பட்டனர். லஷ்கர்-இ-தொய்பா (LeT) உடன் தொடர்புடைய ஒரு பினாமி குழுவான ரெசிஸ்டன்ஸ் ஃப்ரண்ட் (TRF), பாகிஸ்தானை தளமாகக் கொண்ட பயங்கரவாத வலையமைப்புகள் எல்லை தாண்டிய வன்முறையைத் தூண்டுவது குறித்த நீண்டகால கவலைகளை வலுப்படுத்தும் வகையில் பொறுப்பேற்றுள்ளது.

சிந்து நதியில் இருந்து பாகிஸ்தானுக்கு ஒரு சொட்டு தண்ணீர் கூட கிடைக்காதபடி உறுதி செய்ய இந்திய அரசு மூன்று படிநிலை திட்டத்தை செயல்படுத்தி வருவதாக கூறப்படுகிறது. மத்திய உள்துறை அமைச்சர் அமித் ஷா தலைமையில் அவரது இல்லத்தில் ஒரு கூட்டம் நடைபெற்றது. 1960 ஆம் ஆண்டு பாகிஸ்தானுடனான சிந்து நதி நீர் ஒப்பந்தம் தொடர்பான எதிர்கால நடவடிக்கை குறித்து முடிவு செய்வதே நிகழ்ச்சியின் முக்கிய நிரலாக இருந்தது. "இந்தியாவிலிருந்து பாகிஸ்தானுக்கு ஒரு சொட்டு தண்ணீர் கூட பாயாமல் இருப்பதை நாங்கள் உறுதி செய்வோம்" என்று உயர்மட்டக் கூட்டத்திற்குப் பிறகு ஜல் சக்தி அமைச்சர் சி.ஆர். பாட்டீல் கூறினார்.

செப்டம்பர் 19, 1960 அன்று கையெழுத்திடப்பட்ட சிந்து நீர் ஒப்பந்தம் எல்லை தாண்டிய நீர் ஒத்துழைப்பின் ஒரு முக்கிய எடுத்துக்காட்டாக நிற்கிறது. கிட்டத்தட்ட பத்தாண்டு கால பேச்சுவார்த்தைகளுக்குப் பிறகு உலக வங்கி முன் செய்த  ஒப்பந்தம் இந்தியாவின் பிரதமர் ஜவஹர்லால் நேரு,பாகிஸ்தான் ஜனாதிபதி அயூப் கான் ஆகியோரால் கையெழுத்தானது.

அதன் விதிமுறைகளின் கீழ், கிழக்கு நதிகள் - ரவி, பியாஸ் மற்றும் சட்லெஜ் - இந்தியாவிற்கும், மேற்கு நதிகள் - சிந்து, ஜீலம் மற்றும் செனாப் - பாகிஸ்தானுக்கும் ஒதுக்கப்பட்டன.

இதையும் படிங்க: விடவே கூடாது.. கனவிலும் நினைத்து பார்க்காத தண்டனை.. தீவிரவாத தாக்குதலுக்கு ரஜினி ஆவேசம்.!