பின்விளைவு பயங்கரமா இருக்கும்..! புது நடுவர் மன்றம்… எச்சரிக்கும் கே.சி.பழனிசாமி..!!

காவிரி நதிநீர் பங்கீடு தொடர்பான நீண்டகால பிரச்னையில் ஒரு முக்கிய அத்தியாயமாக மேகதாது அணை திட்டம் விளங்குகிறது. கர்நாடகா மாநிலம் காவிரி ஆற்றின் குறுக்கே மேகதாது பகுதியில் சமநிலை நீர் தேக்க அணை கட்ட முயற்சி செய்து வரும் நிலையில், இது தமிழ்நாட்டின் நீர் உரிமைகளுக்கு பாதிப்பை ஏற்படுத்தும் என தமிழ்நாடு அரசு உறுதியாக எதிர்க்கிறது. இந்தப் பின்னணியில், சமீபத்தில் தமிழ்நாடு சட்டப்பேரவையில் நிறைவேற்றப்பட்ட தீர்மானத்தில் மேகதாது விவகாரத்துக்கு தீர்வு காண புதிய நடுவர் மன்றம் அமைக்க வேண்டும் என்ற திமுகவின் கோரிக்கையை தமிழக வெற்றிக் கழக அரசு ஏற்றுள்ளது. 

காவிரி நதியில் புதிய அணைகள் அல்லது புதிய கட்டமைப்புகளை அமைக்க வேண்டுமென்றால், கீழ்ப்பாசன மாநிலங்களான தமிழ்நாடு மற்றும் புதுச்சேரியின் ஒப்புதலைப் பெற வேண்டும் என்பதுதான் உச்சநீதிமன்றத்தின் தீர்ப்பு என்று கே. சி. பழனிசாமி தெரிவித்தார். அந்த அடிப்படையில், மேகதாது அணை உச்சநீதிமன்றத் தீர்ப்புக்கு எதிரானது என்றும் இதுவே இத்தனை நாட்களாக தமிழகத்தின் நிலைப்பாடாக இருந்தது எனவும் தெரிவித்துள்ளார். ஆனால், திடீரென 'புதிய தீர்ப்பாயம் அமைக்க வேண்டும்' என்ற நிலைப்பாட்டை தவெகவும் திமுகவும் எடுத்து இருப்பதாக கூறியுள்ளார்.

இது, மேகதாது அணை கட்டலாமா? கூடாதா? என்ற விவாதத்தை மீண்டும் ஒரு புதிய அமைப்பின் முன் கொண்டு செல்வதாக ஆகிவிடும் என்றும் அப்படி நடந்தால், புதிய தீர்ப்பாயம் 'அணை கட்டக்கூடாது' என்று கூறலாம். அல்லது, 'அணை கட்டலாம்., ஆனால் நீர் பகிர்வை மட்டும் உறுதி செய்ய வேண்டும்' என்றும் கூறலாம். இதில் இரண்டாவது நிலை ஏற்பட்டால், தமிழ்நாட்டுக்கு மிகப்பெரிய ஆபத்து உருவாகும் என்று தெரிவித்தார்.

இதையும் படிங்க: தீண்டாமைக்கு தீனி போட வேண்டாம்… செங்கோட்டையன் பேச்சுக்கு அப்பாவு கண்டனம்..!

எனவே, புதிய தீர்ப்பாயம் அமைக்கும் முயற்சியை அரசு ஒருபோதும் ஏற்றிருக்கக் கூடாது என்று கூறிய அவர், இந்த விவகாரத்தில் திமுக தவறான வழிநடத்தலை மேற்கொண்டுள்ளது என்றும் தவெக அரசும் அதன் பின்விளைவுகளை முழுமையாக உணராமல் அதை ஏற்றுக்கொண்டுள்ளது என்றும் கூறினார்.

இதையும் படிங்க: #BREAKING: திமுகவுக்கு குட்பை..! கூட்டணியிலிருந்து விலகுவதாக மதிமுக அதிரடி அறிவிப்பு..!!