சட்டமன்றத்தில் தாக்கல் செய்யப்பட்ட 2026-ஆம் ஆண்டிற்கான தமிழ்நாடு அரசு பட்ஜெட் முற்றிலும் ஏமாற்றம் அளிப்பதாகவும், எந்தவித தொலைநோக்குத் திட்டங்களும் இல்லாத ‘புஸ்வாண’ பட்ஜெட்டாக அமைந்துள்ளதாகவும் திமுக தலைவர் மு.க.ஸ்டாலின் கடுமையாக விமர்சித்துள்ளார்.
மிகப்பெரிய வரவேற்பைப் பெறும் என எதிர்பார்த்த மக்களுக்கு 'வேஸ்ட் வேஸ்ட்' எனச் சொல்லும் அளவிற்கே இந்த பட்ஜெட் அமைந்துள்ளதாகத் தமது அதிகாரப்பூர்வ சமூகவலைதளப் பக்கத்தில் அவர் சாடியுள்ளார். மேலும், முந்தைய திராவிட மாடல் அரசின் திட்டங்களின் மறுபதிப்பாகவே (Remake) இது காட்சியளிப்பதாகக் குறிப்பிட்ட அவர், விவசாயிகள் பிரச்சினை, மின் கட்டணக் குளறுபடிகள் மற்றும் விலைவாசி உயர்வு போன்ற பொதுமக்கள் அன்றாடம் சந்திக்கக்கூடிய எந்தவொரு முக்கியப் பிரச்சினைகளுக்கும் இதில் தீர்வு காணப்படவில்லை என்று சுட்டிக்காட்டியுள்ளார்.
மாதம் ரூ.2,500 மகளிர் உரிமைத் தொகை, வேலையில்லாத இளைஞர்களுக்கு ரூ.4,000 நிதியுதவி, ஆண்டுக்கு 6 இலவச எரிவாயு உருளைகள் மற்றும் முழுமையான பயிர்க்கடன் தள்ளுபடி போன்ற பிரதான வாக்குறுதிகள் குறித்து இந்த பட்ஜெட்டில் எந்தவொரு அறிவிப்பும் வெளியாகவில்லை என அவர் போர்க்கொடி தூக்கியுள்ளார். சொந்தமாகச் சிந்திக்காமல், மக்களுக்கு அளித்த வாக்குறுதிகளையும் நிறைவேற்றாமல் இயங்கியுள்ள இந்த 'ரீல் அரசின்' முதல் பட்ஜெட், சுரத்தில்லாத பிசுபிசுப்பான அறிக்கையாக அமைந்துவிட்டது என அரசியல் களத்தில் அவர் அதிரடி குற்றச்சாட்டுகளை முன்வைத்துள்ளார்.
இதையும் படிங்க: உதயநிதி கைது..! வெடிக்கும் பிரச்சனை... திமுக தலைவர் ஸ்டாலின் அவசர ஆலோசனை.!
இதையும் படிங்க: கர்நாடகா கேட்டை இழுத்து மூடிட்டாங்க..! அனைத்துக் கட்சிக் கூட்டம் நடக்குமா.. நடக்காதா..? ஸ்டாலின் சரமாரி கேள்வி..!