அண்மையில் நடந்த தமிழக வெற்றி கழகத்தின் முதல் பொதுக்கூட்டத்தில் அதிமுக பாஜக தமிழகத்தில் இரண்டாவது பெரிய கட்சியாக இருக்க முடியாது, தமிழக வெற்றி கழகம் தான் இரண்டாவது பெரிய கட்சி என்று விஜய் கூறியிருந்தார். எனவே, தமிழகத்தில் இரண்டாவது கட்சி யார் என்பதில் தான் போட்டி நடந்து கொண்டிருப்பதாகவும், இந்த சூழ்நிலையில் தேசிய ஜனநாயக கூட்டணி தமிழகத்தில் ஆட்சி அமைக்கும் என்பது நகைச்சுவையாக உள்ளது என்றும் திருமாவளவன் விமர்சித்துள்ளார்.

சென்னை விமான நிலையத்தில் விடுதலை சிறுத்தைகள் கட்சியின் தலைவர் திருமாவளவன் செய்தியாளர்களை சந்தித்து பேசினார். அப்போது, 2026 இல் தேசிய ஜனநாயக கூட்டணி தமிழகத்தில் ஆட்சி அமைக்கும் என்று உள்துறை அமைச்சர் அமித்ஷா சமூக ஊடகங்களில் பதிவிட்டது தொடர்பாக கேள்வி எழுப்பப்பட்டது. வட இந்தியாவில் ஏதாவது ஒரு மாநிலத்தில் வரும் என்ற எண்ணத்தில் அமைச்சர் கூறி இருப்பார் என்றும் தமிழகத்தில் அதற்கான வாய்ப்பு இல்லை என்பதை அவருக்கே தெரியும் எனவும் திருமாவளவன் கூறினார்.

இதையும் படிங்க: திமுக கூட்டணியை உடைக்க கூலி வாங்கிக் கொண்டு சதி..! விசிக நிர்வாகிகள் மீது திருமா பரபர குற்றச்சாட்டு..!

எதிர்க்கட்சிகள் தமிழகத்தில் உறுதியான எந்த நிலைப்பாட்டையும் எடுக்க முடியாமல் தடுமாறிக் கொண்டிருப்பதாகவும் அதிமுகவும் இன்னும் அணியை உருவாக்கவில்லை என்றும் நடிகர் விஜய்யின் உறுதியான நிலைப்பாட்டை எடுத்ததாக தெரியவில்லை என்றும் தெரிவித்தார்.

மகாராஷ்டிரா மாநிலத்தை வட இந்தியாவோடு பார்ப்பதில்லை அதுவும் கிட்டத்தட்ட தென்னிந்தியாவோடு தான் இருக்கிறது என்றும் தாய் மொழி உணர்வு இப்போதுதான் தமிழகத்தில் தாண்டி பலருக்கு உருவாகி உள்ளது எனவும் தெரிவித்தார். சிந்தித்து இணைப்பை பார்க்காமல் இருந்ததால் வட இந்தியாவில் பூர்வகுடி மக்கள் பேசிய பல மொழிகள் அழிந்து போயிருப்பதாகவும், ராஜஸ்தான் மத்திய பிரதேசம் உத்தரப்பிரதேசம் போன்ற மாநிலங்களில் கூட இந்தியால் தங்கள் தாய்மொழி மதிக்கப்பட்டது என்று சட்டமன்றத்திலேயே பேசக்கூடிய அளவுக்கு மாற்றங்கள் நிகழ்ந்து வருவதாகவும் கூறினார்.

இதற்கெல்லாம் தமிழகம்தான் முன்னோடி மாநிலமாக இருக்கிறது என்பது, வெவ்வேறு மாநிங்களில் உள்ள மக்களுக்குப் புரியத் தொடங்கியிருக்கிறது என்றும் தெரிவித்தார்.

இதையும் படிங்க: பெரிய மன உளச்சலா இருக்கு... 'பானை'யை உடைச்சிடாதீங்க..! திருமா வேதனை