2026 சட்டமன்றத் தேர்தல் நெருங்கியுள்ள நிலையில், தேர்தல் ஆணைய விதிமுறைகளுக்கு உட்பட்டு, வீடு வீடாக வாக்கு சேகரிப்பு, தெரு முனை கூட்டங்கள், பொதுக் கூட்டங்கள் என பல்வேறு வடிவங்களில் அரசியல் கட்சிகள் சார்பில்பிரச்சாரம் முன்னெடுக்கப்படுகிறது. பல தொகுதிகளில் வேட்பாளர்கள் தங்கள் கட்சித் தொண்டர்களுடன் சேர்ந்து வாக்காளர்களை நேரடியாக சந்தித்து, “ஒரு முறை வாய்ப்பு கொடுங்கள், தலைமுறைக்கும் மாற்றம் வரும்” என்ற முழக்கத்துடன் மக்களிடம் சென்று கொண்டிருக்கின்றனர். 

பரிசுப் பொருட்கள் பணம் உள்ளிட்டவற்றை பொதுமக்களுக்கு கொடுப்பதை தடுப்பதற்காக தேர்தல் ஆணையம் தீவிர நடவடிக்கைகளை மேற்கொண்டு வருகிறது. இருப்பினும் சில இடங்களில் பரிசு டோக்கன்கள், கூப்பன்கள், பண பட்டுவாடா ஆகியவை நிகழ்கின்றன.

தமிழ்நாட்டில் 2026 சட்டமன்றத் தேர்தல் நெருங்கி வரும் நிலையில், இத்தகைய சம்பவங்கள் தேர்தல் ஆணையத்தின் கண்காணிப்பை இறுக்கமாக்கின. பணப் பரிவர்த்தனை, லஞ்சம், இலவசங்கள் வழங்குதல் போன்றவற்றைத் தடுக்க பறக்கும் படைகள், நிலையான கண்காணிப்பு குழுக்கள் தீவிரமாகச் செயல்பட்டன. கடலூர் மாவட்டத்தில் மட்டுமின்றி, மாநிலத்தின் பல பகுதிகளிலும் இதுபோன்ற சந்தேகத்துக்குரிய பணப் பரிவர்த்தனைகள், கூப்பன்கள், டோக்கன்கள் தொடர்பான புகார்கள் எழுந்தன. 

இதையும் படிங்க: பூதாகரமாக வெடிக்கும் ரூ.10 ஆயிரம் பரிசு கூப்பன்..! களேபரமான ஜெயக்குமார் தொகுதி..!!

அதிமுக தரப்பில் பத்தாயிரம் ரூபாய்க்கான மாதிரி காசோலைகள் வழங்கப்படுவதாக இருந்த குற்றச்சாட்டின் அடிப்படையில் பல்வேறு இடங்களில் கையும் களவுமாக அதிமுகவினர் கூப்பன் கொடுக்கும் பொழுது திமுகவினர் பிடித்து தேர்தல் அதிகாரிகளிடம் ஒப்படைத்து வருகின்றனர். இந்த நிலையில், ராமநாதபுரத்தில் கூப்பன் கொடுக்கும் பொழுது அதிமுகவினர் விடுபட்டனர். ராமநாதபுரம் மாவட்டம் திருவாடானை சட்டமன்ற தொகுதியில் ஆர் எஸ் மங்கலத்தில் அதிமுகவினர் பத்தாயிரம் ரூபாய் காண மாதிரி காசோலை கூப்பன்களை வழங்கியதாக தெரிகிறது. அப்போது கையும் களவுமாக பிடிக்கப்பட்ட நிலையில் இது தொடர்பான வீடியோ காட்சிகளும் சமூக வலைதளங்களில் பரவி வைரலாகி வருகிறது. 

இதையும் படிங்க: அதிமுகவின் 10 ஆயிரம் ரூபாய் கூப்பன்..! கையும் களவுமாக பிடித்த திமுக நிர்வாகிகள்..!