தமிழக சட்டப்பேரவையில் இன்று ஒரு முக்கியமான அரசியல் மோதல் நடைபெற உள்ளது. முதலமைச்சர் விஜய், எதிர்க்கட்சித் தலைவர் உதயநிதி ஸ்டாலின் முன்வைத்த குற்றச்சாட்டுகளுக்கு விரிவான பதிலளிக்க இருக்கிறார். இது சட்டம் ஒழுங்கு தொடர்பான விவாதத்தின் தொடர்ச்சியாக அமைந்துள்ளது.கடந்த வாரத்தில் சட்டப்பேரவையில் சட்டம் ஒழுங்கு துறை மீதான கோரிக்கைகள் மீது விவாதம் நடைபெற்றது. அப்போது எதிர்க்கட்சித் தலைவர் உதயநிதி ஸ்டாலின் கடுமையான குற்றச்சாட்டுகளை முன்வைத்தார்.

அரசு ஆட்சிக்கு வந்த 116 நாட்களில் சட்டம் ஒழுங்கு முற்றிலும் சீர்குலைந்துவிட்டதாக அவர் குற்றம்சாட்டினார். கொலைகள், பாலியல் குற்றங்கள், காவலில் இறப்புகள், ஆணவக் கொலைகள் உள்ளிட்ட பல சம்பவங்களை சுட்டிக்காட்டிய அவர், அரசு புதிய திட்டங்களை அறிமுகப்படுத்தாமல் முந்தைய ஆட்சியின் திட்டங்களையே தொடர்ந்து செயல்படுத்துவதாகவும் விமர்சித்தார்.

போதைப்பொருள் கட்டுப்பாடு, போராட்டங்களை கையாளும் முறை ஆகியவற்றில் அரசின் அணுகுமுறையை கேள்விக்குள்ளாக்கினார். முதலமைச்சர் நேரடியாக பதிலளிக்க வேண்டும் என்றும், ரீல்ஸ் அல்லது சினிமா பாணியில் பேசாமல் உண்மையான விளக்கங்களை அளிக்க வேண்டும் என்றும் வலியுறுத்தினார்.இந்த குற்றச்சாட்டுகளுக்கு முதலமைச்சர் விஜய் உடனடியாக விரிவான பதில் அளிக்கவில்லை. மாறாக, திங்கட்கிழமை அன்று அனைத்து கேள்விகளுக்கும் தெளிவான விளக்கம் அளிப்பதாக உறுதியளித்தார். அப்போது அவர் சட்டப்பேரவையில் ஒரு கோரிக்கையை முன்வைத்தார்.

இதையும் படிங்க: குதிரை பேரம் பேசிய 'அந்த 2 பேர் யார்? முதலமைச்சருக்கு ஆர்.பி.உதயகுமார் கேள்வி!

தான் பதிலளிக்கும்போது யாரும் எழுந்து வெளியே செல்லக்கூடாது என்றும், எதிர்க்கட்சி உறுப்பினர்கள் முழுமையாக கேட்டுக்கொள்ள வேண்டும் என்றும் கூறினார். இந்த கருத்து எதிர்க்கட்சியினரிடையே எதிர்வினையை ஏற்படுத்தியது. உதயநிதி ஸ்டாலின், முதலமைச்சரே அவையை விட்டுச் சென்றதாக சுட்டிக்காட்டி, தயாராக இருந்தால் இப்போதே பதிலளிக்கலாம் என சவால் விடுத்தார்.இந்த பின்னணியில் இன்று சட்டப்பேரவை கூடியுள்ளது. முதலமைச்சர் விஜய், உதயநிதி ஸ்டாலின் எழுப்பிய ஒவ்வொரு குற்றச்சாட்டிற்கும் விளக்கம் அளிக்கும் என எதிர்பார்க்கப்படுகிறது.

இதையும் படிங்க: 3 நாட்கள் விடுமுறைக்குப்பின் கூடும் சட்டப்பேரவை: முதல்வர் ஜோசப் விஜயின் பதிலுக்கு எகிறும் எதிர்பார்ப்பு!