மாற்றுத்திறனாளிகளின் உரிமைகளுக்கான போராட்டப் பயணத்தில் வரலாற்றுச் சிறப்புமிக்க மைல்கல்லை எட்டும் வகையில், வள்ளுவர் கோட்டத்தில் நடைபெற்ற “உலக மாற்றுத்திறனாளிகள் தினம் 2025” மற்றும் “உள்ளாட்சி அமைப்புகளில் மாற்றுத்திறனாளிகளுக்கு அதிகாரமளித்தல்” என்ற அறிமுக விழாவில் முதலமைச்சர் மு.க.ஸ்டாலின் கலந்துகொண்டு உரையாற்றினார்.

அறிமுக நிகழ்ச்சியில் பேசிய முதலமைச்சர் ஸ்டாலின்,  “மாற்றுத்திறனாளிகளுக்குத் தேவை கருணை அல்ல; உரிமை தான்” என்று அவர் திட்டவட்டமாகத் தெரிவித்தார்.

இதையும் படிங்க: மக்களின் துயரத்திற்கு தமிழக அரசு தான் காரணம்! வடிகால் பணிகள் முழுமையடையாதது ஏன்? தவெக தலைவர் விஜய் சரமாரி கேள்வி!

“உங்களைப் பார்த்தாலே போதும்… பேசாமல் பார்த்துக் கொண்டே இருந்தால் போதும்” என்று உருக்கமாக பேசத் தொடங்கிய முதலமைச்சர், இந்த நாள் வெறும் கொண்டாட்ட நாள் மட்டுமல்ல, சம உரிமை வழங்குவதை நினைவுறுத்தும் நாள் என்றும் வலியுறுத்தினார். திராவிட மாடல் ஆட்சியில், மாற்றுத்திறனாளிகளுக்கு சம வாய்ப்புகளை வழங்குவதில் தி.மு.க. அரசு உறுதியாக இருப்பதாகத் தெரிவித்த அவர், தன்னம்பிக்கையை உருவாக்கும் விதமாக ஒரு முக்கியச் சட்டத்தை அறிவித்தார்.

உள்ளாட்சி அமைப்புகளில் மாற்றுத்திறனாளிகளுக்கு அதிகாரமளிக்கும் சட்டம் உருவாக்கப்பட்டுள்ளது என்றும், இதன் மூலம் 9,000-க்கும் மேற்பட்ட மாற்றுத்திறனாளிகள் உள்ளாட்சிப் பிரதிநிதிகளாக நியமிக்கப்பட உள்ளனர் என்றும் முதல்வர் அதிரடியாக அறிவித்தார். இது இந்தியாவிலேயே முதல் முறையாக ஒரு மாநில அரசு கொண்டு வந்த சட்டம் என்றும், பிற மாநிலங்கள் இதைப் பின்பற்ற வேண்டும் என்றும் அவர் கேட்டுக்கொண்டார்.

டாக்டர் கலையரின் வரலாற்றுச் சிறப்புமிக்க சிந்தனையைத் தொடரும் வகையில், அவர்தான் 'மாற்றுத்திறனாளிகள்' என்ற சொல்லை முதலில் அறிமுகப்படுத்தினார் என்றும், 'இதய நீதிச் சட்டத்தின்' முதல் பிரிவை 50 ஆண்டுகளுக்கு முன்பே கொண்டுவந்தார் என்றும் முதல்வர் பெருமிதத்துடன் நினைவுகூர்ந்தார். வள்ளுவர் கோட்டத்தின் முதல் நிகழ்ச்சியாக 'சேஞ்ச் மேக்கர்ஸ் டே' (மாற்றுத்திறனாளிகள் தினம்) கொண்டாடப்படுவது, உலகிலேயே தமிழகம் சமூக நீதிப் பயணத்தில் அதிரடி வளர்ச்சிக்குச் சான்று என்றும் அவர் தெரிவித்தார்.

மேலும், மாற்றுத்திறனாளிகள் விளையாட்டுத் துறையில் சாதிக்கவும், அவர்களுக்கு முன்னுரிமை அடிப்படையில் பட்டா வழங்கவும் வழிவகை செய்யப்பட்டுள்ளது. அனைவருக்கும் சம உரிமை உண்டு என்பதை நிலைநாட்டுவதற்காகவே திராவிட இயக்கம் உருவானது என்று பெரியார், அண்ணா, கலைஞர் ஆகியோரின் பாரம்பரியத்தை நினைவுக்கூர்ந்த மு.க.ஸ்டாலின், தமிழக அரசுடன் இணைந்து மாற்றுத்திறனாளிகள் வரலாறு படைக்கப் போகிறார்கள் என்றும் உற்சாகம் தெரிவித்தார்.
 

இதையும் படிங்க: ஓசூர் விமான நிலையக் கனவு தவிடுபொடி! ஏன் இந்த முடிவை எடுத்தோம்? - மத்திய சிவில் விமானப் போக்குவரத்துத் துறை விளக்கம்!