திருப்பூர் மாவட்டம் தாராபுரம் சட்டமன்றத் தொகுதி இடைத்தேர்தலுக்கான வாக்கு எண்ணிக்கை விறுவிறுப்பாக நடைபெற்று வருகிறது. ஆளுங்கட்சியான தமிழக வெற்றிக் கழக வேட்பாளர் சத்யபாமா முன்னிலை பெற்றுள்ளார். இதுவரை எண்ணப்பட்ட வாக்குகளில் அவர் 13,213 வாக்குகளைப் பெற்று முன்னிலையில் இருக்கிறார்.முன்னதாக வாக்கு எண்ணிக்கையின் தொடக்க சுற்றுகளில் அதிமுக வேட்பாளர் பானுமதி முன்னிலை பெற்றிருந்தார். சில சுற்றுகள் வரை அந்த நிலை தொடர்ந்தது.

எட்டாவது சுற்று முடிவில் அதிமுக வேட்பாளர் பின்னடைவைச் சந்தித்தார். அதன் பின்னர் மீண்டும் தமிழக வெற்றிக் கழக வேட்பாளர் முன்னிலைக்கு வந்தார்.வாக்கு எண்ணிக்கை தொடர்ந்து நடைபெறும் நிலையில் சத்யபாமாவின் வாக்குகள் மேலும் உயர்ந்து 21,000-ஐக் கடந்துள்ளன. இதனால் தாராபுரம் தொகுதியிலும் தவெக முன்னிலை வகித்து வருகிறது. திமுக வேட்பாளர் சுகன்யா மூன்றாவது இடத்தில் இருக்கிறார்.

இந்த இடைத்தேர்தல் ஏற்பட்டதற்கு முக்கியக் காரணம், கடந்த சட்டமன்றத் தேர்தலில் அதிமுக சார்பில் வெற்றி பெற்ற சத்யபாமா பதவி விலகி தவெகவில் இணைந்ததே ஆகும். அதே தொகுதியில் இப்போது தவெக வேட்பாளராக அவர் மீண்டும் போட்டியிட்டார். வாக்குப்பதிவு அக்டோபர் 6 ஆம் தேதி நடைபெற்றது. சுமார் 80 சதவீத வாக்குகள் பதிவாகின.

இதையும் படிங்க: தாராபுரத்தில் திடீர் ஷாக்... வாக்கு எண்ணிக்கை தொடங்கும் முன்பே சலசலப்பு... என்ன ஆச்சு?

இது கடந்த பொதுத் தேர்தலை விட குறைவு.வாக்கு எண்ணிக்கை திருப்பூரில் உள்ள கல்லூரி வளாகத்தில் 23 சுற்றுகளாக நடைபெற்று வருகிறது. ஒவ்வொரு சுற்றின் முடிவிலும் முன்னிலை மாறி மாறி வந்ததால் பரபரப்பு நிலவியது. ஆரம்பத்தில் அதிமுக முன்னிலை பெற்றாலும், பின்னர் தவெக வேட்பாளர் முன்னிலைக்கு வந்து அதைத் தக்கவைத்துக் கொண்டார். ஏற்கனவே மதுராந்தகம் தொகுதியில் தமிழக வெற்றிக்கழகம் தொடர்ந்து முன்னிலை பெற்று வரும் நிலையில் சற்று ஏற்ற இறக்கங்களை சந்தித்து தாராபுரத்திலும் தமிழக வெற்றிக்கழகம் முன்னிலை பெற்று வருகிறது.

இதையும் படிங்க: மதுராந்தகம், தாராபுரம் இடைத்தேர்தல்: ஆதிக்கம் செலுத்தும் தவெக.. வேகமெடுத்து நெருங்கும் திமுக!! பரிதாபத்தில் அதிமுக..!!