தமிழகத்தில் சரியான ஆட்சியை நடத்துவதற்கான வழிமுறைகளைக் கண்டறியாமல், எந்நேரமும் திமுகவையே குறை சொல்லிக் கொண்டிருப்பதாலேயே இங்கு நிலவும் சட்டம் ஒழுங்கு உள்ளிட்ட முக்கியப் பிரச்சினைகளை மக்கள் எப்போதும் மறந்துவிட மாட்டார்கள் என்று திமுக துணைப் பொதுச்செயலாளரும் நாடாளுமன்ற உறுப்பினருமான கனிமொழி அவர்கள், தவெக அரசுக்கும் முதலமைச்சர் விஜய்க்கும் அதிரடியாகப் பதிலடி கொடுத்துள்ளார்.

திருச்சி கிழக்கு தொகுதி நன்றி தெரிவிப்புக் கூட்டத்தில், தவெக தலைவரும் முதலமைச்சருமான ச. ஜோசப் விஜய் அரசியல் எதிரிகளை இலக்கு வைத்துப் பேசிய காரசாரமான பேச்சுக்குத் தற்பொழுது திமுக தரப்பில் இருந்து தொடர்ச்சியாகக் கடுமையான விமரிசனங்கள் முன்வைக்கப்பட்டு வருகின்றன. இந்நிலையில், செய்தியாளர்களைச் சந்தித்த திமுக எம்.பி. கனிமொழி, தவெக அரசின் நிர்வாகத் திறமையின்மையைக் கடுமையாகச் சாடிப் பேசினார்.

செய்தியாளர்கள் சந்திப்பில் கனிமொழி எம்பி பேசியதாவது, தவெக இன்றைக்குத் தமிழ்நாட்டில் ஆட்சிப் பொறுப்பில் அமர்ந்துள்ளார்கள். எனவே, ஆட்சிக்கு வந்துவிட்ட பிறகு மக்கள் நலனுக்காகவும், மாநிலத்தின் வளர்ச்சிக்காகவும் சரியான முறையில் ஆட்சியை நடத்துவதற்கான வழிமுறைகளைத்தான் அவர்கள் கண்டறிய வேண்டும். அதை விடுத்து, தங்களது நிர்வாகத் தோல்விகளை மறைப்பதற்காகத் தொடர்ந்து திமுக மீது மட்டுமே குறை சொல்லிக் கொண்டிருப்பதால், மாநிலத்தில் தற்பொழுது நிலவி வரும் சட்டம் ஒழுங்குப் பிரச்சினைகளை மக்கள் ஒருபோதும் மறந்துவிட மாட்டார்கள் என்று மிகத் தெளிவாகக் குறிப்பிட்டுள்ளார். 

இதையும் படிங்க: தியாகமும் இல்ல.. அர்ப்பணிப்பும் இல்ல..! உதகையில் திமுக ஆ.ராசா பேச்சு!

திருச்சி கூட்டத்தில் முதல்வர் விஜய் பேசிய பேச்சுக்கு, திமுகவின் மூத்த தலைவர்களான ஆ.ராசா மற்றும் கனிமொழி ஆகியோர் அடுத்தடுத்து அனல் பறக்கும் விமரிசனங்களை முன்வைத்துள்ளது தவெக - திமுக இடையேயான அரசியல் மோதலை மேலும் தீவிரப்படுத்தியுள்ளது

இதையும் படிங்க: திமுக-வின் 'உடன்பிறப்பின் குரல்' இணையதளத்தில் கருத்து தெரிவிக்க மே 31 கடைசி நாள்! மு.க.ஸ்டாலின் அறிவிப்பு!