பாஜக தலைமையிலான தேசிய ஜனநாயகக் கூட்டணியில் (NDA) திமுக ஒருபோதும் இடம்பெறாது என்று காங்கிரஸ் கட்சியின் செய்தித் தொடர்பு பொதுச் செயலாளர் ஜெயராம் ரமேஷ் திட்டவட்டமாகத் தெரிவித்துள்ளார். பாஜக மற்றும் திமுக ஆகிய இரு கட்சிகளின் கொள்கைகளும் முற்றிலும் வெவ்வேறானவை என்பதால், அவை இரண்டும் அரசியல் ரீதியாக ஒருபோதும் ஒன்றிணைய முடியாது என்று அவர் தெளிவுபடுத்தியுள்ளார்.

கடந்த ஜூலை 8-ஆம் தேதி நடைபெற்ற 'இண்டியா' (INDIA) கூட்டணிக் கூட்டத்தில் திமுக பங்கேற்காதது குறித்து டெல்லியில் செய்தியாளர்கள் எழுப்பிய கேள்விக்கு ஜெயராம் ரமேஷ் விளக்கமளித்தார்:

இதையும் படிங்க: செம்மொழி பூங்கா திட்டத்தில் ரூ.40 கோடி ஊழல்! திமுக ஆட்சியை வெளுத்து வாங்கிய வானதி சீனிவாசன்!

கடந்த 8-ஆம் தேதி நடைபெற்ற இண்டியா கூட்டணிக் கூட்டத்தில் திமுக பங்கேற்கவில்லை என்பது உண்மைதான். தமிழ்நாட்டில் தற்போதைய அரசியல் சூழலில் நாங்கள் தவெக (தமிழ்நாட்டின் ஆளும் கட்சி) அரசை ஆதரிக்கிறோம். இதன் காரணமாகவே திமுக அந்தக் கூட்டத்தைப் புறக்கணித்தது.

கூட்டத்தில் பங்கேற்காத போதிலும், இரு கட்சிகளுக்கும் இடையேயான நாடாளுமன்ற உறவு சுமுகமாகவே உள்ளது என்று குறிப்பிட்ட அவர், கூட்டத்தில் அவர்கள் கலந்து கொள்ளவில்லை என்றாலும், நாடாளுமன்றத்தில் நாங்கள் தொடர்ந்து திமுக நாடாளுமன்ற உறுப்பினர்களுடன் (MPs) நெருங்கிய தொடர்பில் இருந்து வருகிறோம். பாசிச சக்திகளுக்கு எதிரான எங்களது ஜனநாயக் குரல் நாடாளுமன்றத்தில் ஒன்றாகவே ஒலிக்கும் என்று கூட்டணிக் குழப்பங்களுக்கு முற்றுப்புள்ளி வைக்கும் விதமாகப் பேசினார்.

இதையும் படிங்க: அரசின் அனைத்து உதவிகளும் கிடைக்க உடன் நிற்போம்! சபரிவர்மன் இல்லத்தில் பொன். ராதாகிருஷ்ணன் உறுதி!