பாகிஸ்தான் தொடர்ந்து இயற்கை பேரழிவுகளால் அச்சுறுத்தலுக்கு ஆளாகி வருகிறது. ஆப்கானிஸ்தானுடன் தீவிர மோதல் போக்கை கடைபிடித்து வந்த பாகிஸ்தான், இன்று இயற்கையின் அச்சுறுத்தலால் ஆட்டம் கண்டு போயுள்ளது. 

பாகிஸ்தானில் தொடர் நிலநடுக்கங்கள் ஏற்பட்டு வருகின்றன. மூன்று நாட்களாக நிலநடுக்கங்களால் நாடு அதிர்ந்துள்ளது. திங்கட்கிழமை காலை 4.7 ரிக்டர் அளவிலான நிலநடுக்கம் ஏற்பட்டதை அடுத்து மக்கள் அச்சத்தில் வீடுகளை விட்டு வெளியே ஓடினர். நிலநடுக்கத்தால் பல பகுதிகளில் வீடுகள் இடிந்து விழுந்ததாக கூறப்படுகிறது. பெரும் சொத்து இழப்பு ஏற்பட்டுள்ளது. நிபுணர்களின் கூற்றுப்படி, பாகிஸ்தான் நில அதிர்வு மிகுந்த பகுதியில் அமைந்துள்ளதால், எதிர்காலத்தில் இதுபோன்ற சம்பவங்கள் மீண்டும் நிகழக்கூடும் என்று எச்சரிக்கைகள் விடுக்கப்பட்டுள்ளன.

தொடர் நிலநடுக்கங்கள் பாகிஸ்தானை உலுக்கி எடுத்து வருகின்றன. கடந்த மூன்று நாட்களாக பாகிஸ்தானின் பல பகுதிகளில் நிலநடுக்கங்கள் ஏற்பட்டுள்ளன . இதன் காரணமாக, மக்கள் அச்சத்தில் வீடுகளை விட்டு வெளியே அலறியடித்துக் கொண்டு வெளியேறும் காட்சிகள் இணையத்தில் வைரலாகி வருகின்றன. கடந்த சனி மற்றும் ஞாயிற்றுக்கிழமையைத் தொடர்ந்து திங்கள்கிழமை காலை 11.12 மணிக்கு பாகிஸ்தானில் நிலநடுக்கம் ஏற்பட்டது.

இதையும் படிங்க: நிலநடுக்கத்தால் ஆட்டம் கண்ட பிலிப்பைன்ஸ்..!! குலுங்கிய கட்டடங்கள்.. சாலையில் தஞ்சமடைந்த மக்கள்..!!

பாகிஸ்தானில் திங்கள்கிழமை காலை நிலநடுக்கம் ஏற்பட்டுள்ளது. அதன் தீவிரம் ரிக்டர் அளவுகோலில் 4.7 ஆக பதிவாகியுள்ளது. நிலநடுக்கத்தின் தீவிரத்தால் பல இடங்களில் வீடுகள் சேதமடைந்தன. மக்கள் உயிருக்கு பயந்து ஓடினர். இருப்பினும், இந்த நிலநடுக்கத்தால் உயிர் சேதம் எதுவும் ஏற்படவில்லை என்று பாகிஸ்தான் அதிகாரிகள் தெரிவித்தனர். தற்போது நிலைமை சீரடைந்துள்ளதாகவும், சேதங்களை மதிப்பாய்வு செய்து வருவதாகவும் உள்ளூர் அதிகாரிகள் தெரிவித்துள்ளனர். நிலநடுக்கத்தால் சொத்துக்களுக்கு சேதம் ஏற்பட்டதாக தெரிவிக்கப்பட்டுள்ளது.

பாகிஸ்தான் நில அதிர்வு மிகுந்த பகுதியில் இருப்பதாக நிபுணர்கள் கூறுகின்றனர். குறிப்பாக, கைபர் பக்துன்க்வா, கில்கிட்-பால்டிஸ்தான் மற்றும் பலுசிஸ்தான் போன்ற பகுதிகள் யூரேசிய பெல்ட்டின் தெற்கு விளிம்பில் அமைந்துள்ளதால் அடிக்கடி நிலநடுக்கங்களுக்கு ஆளாகின்றன. இதேபோல், சிந்து மற்றும் பஞ்சாப் ஆகியவை இந்திய பெல்ட்டின் வடமேற்கு விளிம்பில் அமைந்துள்ளன. இந்த வரிசையில், பாகிஸ்தானின் பல பகுதிகளில் அடிக்கடி நிலநடுக்கங்கள் ஏற்படுவதாகவும், எதிர்காலத்தில் இதுபோன்று நிறைய நில அதிர்வுகள் ஏற்படக்கூடும் என்றும் எச்சரிக்கை விடுத்துள்ளனர். 

சுதந்திரத்திற்கு முன்பு, 1945 ஆம் ஆண்டு, பலுசிஸ்தான் 8.1 ரிக்டர் அளவிலான பதிவான நிலநடுக்கம் மிக ஆபத்தானதாக கருதப்படுகிறது. . சிந்து பகுதியில் குறைந்த அளவிலான நிலநடுக்கங்கள் அடிக்கடி நிகழ்கின்றன என்று நிபுணர்கள் எச்சரிக்கின்றனர், ஆனால் இவை பாதுகாப்பானவை என்று கருதப்படக்கூடாது. இந்தப் பகுதியில் வசிக்கும் மக்கள் விழிப்புடன் இருக்க வேண்டும், அரசாங்கம் பாதுகாப்பு நடவடிக்கைகளை எடுக்க வேண்டும், மேலும் அவசரகால ஏற்பாடுகளை முழுமையாகச் செய்ய வேண்டும் என நிபுணர்கள் வலியுறுத்தியுள்ளனர். 
 

இதையும் படிங்க: இந்தோனேசியாவில் சக்தி வாய்ந்த நிலநடுக்கம்..!! ரிக்டர் அளவுகோலில் 6.7 ஆக பதிவு..!!