ஈரோடு மாவட்டம் பெருந்துறையில் நடைபெற்ற நலத்திட்ட உதவிகள் மற்றும் மகளிர் சுய உதவிக் குழுக்களுக்கு கடன் உதவி வழங்கும் நிகழ்ச்சியில் தமிழக முதலமைச்சர் விஜய் கலந்துகொண்டார். பல்வேறு மாவட்டங்களைச் சேர்ந்த ஆயிரக்கணக்கான மகளிர் சுய உதவிக் குழு உறுப்பினர்களும், நலத்திட்டப் பயனாளிகளும் இந்த விழாவில் பங்கேற்றனர்.

முதலமைச்சர் அவர்கள் பெண்களுக்கு வங்கிக் கடன் உதவிகளை வழங்கியதோடு, பல்வேறு நலத்திட்டங்களின் கீழ் உதவித் தொகைகளையும் வழங்கினார்.நிகழ்ச்சி நடைபெற்றுக்கொண்டிருந்த போது, நலத்திட்ட உதவியைப் பெற்ற ஒரு வயது முதிர்ந்தவர் மேடைக்கு அழைக்கப்பட்டார். உதவியைப் பெற்ற மகிழ்ச்சியில் அவர் முதலமைச்சர் விஜய்யின் அருகில் சென்றார்.

புகைப்படம் எடுக்கப்படும் தருணத்தில் அந்த முதியவர் தனது கையை முதலமைச்சரின் தோள்மீது வைத்துக்கொண்டு இயல்பாகப் போஸ் கொடுத்தார். இந்தக் காட்சி எதிர்பாராதது போல் அமைந்தது.மேடையில் அமர்ந்திருந்த முதலமைச்சர் விஜய் உட்பட அமைச்சர்கள் அனைவரும் இந்தக் காட்சியைப் பார்த்து வாய்விட்டுச் சிரித்தனர். முதியவரின் அப்பாவித்தனமான நடவடிக்கை அனைவரையும் மகிழ்ச்சியில் ஆழ்த்தியது.

இதையும் படிங்க: 6 மாத ஆட்சியிலேயே அரசியல் புயலா? விஜய் அரசின் எதிர்காலம் என்ன? தவெகவுக்கு காத்திருக்கும் சவால்!!

நிகழ்ச்சியில் பங்கேற்றிருந்தோரும் இந்தச் சம்பவத்தைக் கண்டு சிரித்து மகிழ்ந்தனர். முதலமைச்சர் அந்த முதியவருடன் சிறிது நேரம் உரையாடி, அவருக்கு வாழ்த்துகளைத் தெரிவித்தார்.இந்தச் சம்பவம் நிகழ்ச்சியின் சம்பிரதாயத் தன்மையைத் தாண்டி மக்களுடனான நெருக்கத்தை வெளிப்படுத்திய தருணமாக அமைந்தது. முதலமைச்சர் விஜய் மக்களுடன் இயல்பாகப் பழகும் தன்மையை இந்தச் சூழல் மீண்டும் உணர்த்தியது. 

இதையும் படிங்க: “இளைஞர்கள் வாழ்க்கையை இருட்டாக்கிடாதீங்க ப்ரோ...” - சி.எம். விஜய்க்கு அதிமுக மாஜி ஆர்.பி.உதயகுமார் அட்வைஸ்