தமிழகத்தில் கத்தரி வெயில் எனப்படும் ‘அக்னி நட்சத்திரம்’ நிறைவடைந்த நிலையிலும், கோடை வெயிலின் உக்கிரம் நாளுக்கு நாள் அசுர வேகத்தில் அதிகரித்து வருகிறது. வெயிலின் கொடுமையால் பொதுமக்கள், வாகன ஓட்டிகள் மற்றும் உழைக்கும் வர்க்கத்தினர் சொல்லொணாத் துயரத்திற்கு ஆளாகியுள்ளனர். இந்தச் சூழலில், கோடை வெயிலின் தாக்கத்திலிருந்து பொதுமக்களைப் பாதுகாக்கும் நோக்கில், தமிழக வெற்றிக் கழகத்தின் (TVK) முக்கிய ஆளுமையும் அமைச்சருமான திரு. என். ஆனந்த் அவர்கள், தவெக தொண்டர்கள் மற்றும் நிர்வாகிகளுக்கு இன்று மிக முக்கியமான அவசர உத்தரவு ஒன்றைப் பிறப்பித்துள்ளார்.

தற்பொழுது மாநிலம் முழுவதும் நிலவி வரும் கடுமையான கோடை வெயிலின் காரணமாக, மக்களுக்கு உடலில் மிக எளிதாக நீர்ச்சத்து குறைபாடு (Dehydration) மற்றும் வெப்பச் சலனம் சார்ந்த உடல்நலக் குறைபாடுகள் ஏற்படுவதற்கான வாய்ப்புகள் மிக அதிகமாக உள்ளது. எனவே, மக்களின் ஆரோக்கியத்தைப் பாதுகாப்பது தார்மீகக் கடமை என அவர் சுட்டிக்காட்டியுள்ளார்.

தமிழகம் முழுவதும் உள்ள தவெக மாவட்ட, ஒன்றிய, நகர மற்றும் பகுதி நிர்வாகிகள் அனைவரும் தங்களது பகுதிகளில் பொதுமக்கள் அதிகமாகக் கூடும் முக்கிய இடங்கள், பேருந்து நிலையங்கள் மற்றும் சந்தைப் பகுதிகளில் உடனடியாகப் போர்க்கால அடிப்படையில் ‘நீர்மோர்ப் பந்தல்களை’ அமைத்துச் செயல்பாட்டிற்குக் கொண்டு வர வேண்டும் என்று அமைச்சர் அதிரடியாக உத்தரவிட்டுள்ளார்.

இதையும் படிங்க: வெயிலின் தாக்கம் குறையும் வரை பள்ளிகள் திறப்பை தள்ளி வைக்க வேண்டும்! முன்னாள் அமைச்சர் அன்பில் மகேஸ் கோரிக்கை!

இந்த நீர்மோர்ப் பந்தல்களில் வெறும் தண்ணீரை மட்டும் வழங்காமல், கோடை வெயிலை அடியோடு தணிக்கும் இயற்கையான பானங்களான சுவையான மோர், இளநீர், உடலுக்குக் குளிர்ச்சி தரும் நுங்கு மற்றும் சத்தான பழச்சாறுகள் (Fruit Juices) ஆகியவற்றைத் தவெகவினர் பொதுமக்களுக்குத் தாராளமாக அள்ளி வழங்க வேண்டும் என்று அவர் தனது அறிக்கையில் கறாராகக் குறிப்பிட்டுள்ளார்.

இதையும் படிங்க: தகிக்கும் வேலூர்: மீண்டும் 108 டிகிரியை எட்டிய வெயில் - மக்கள் கடும் அவதி!