அதிமுகவை விட்டுப் பிரிந்து சென்ற சசிகலா, டிடிவி தினகரன் மற்றும் ஓ.பன்னீர்செல்வம் உள்ளிட்ட அனைவரும் மீண்டும் கட்சிக்கு வர வேண்டும் என்றும், பிரிந்துபோன அனைவரையும் கழகப் பொதுச்செயலாளர் எடப்பாடி பழனிசாமி ஒருங்கிணைத்துக் கட்சியைப் பலப்படுத்துவார் என்றும் முன்னாள் அமைச்சரும் தொண்டாமுத்தூர் சட்டமன்ற உறுப்பினருமான எஸ்.பி. வேலுமணி தெரிவித்துள்ளார்.

தமிழக அரசியலில் அதிமுகவின் உட்கட்சி விவகாரங்கள் மற்றும் இணைப்பு குறித்த விவாதங்கள் மீண்டும் தீவிரமடைந்துள்ள நிலையில், செய்தியாளர்களைச் சந்தித்த எஸ்.பி. வேலுமணி கட்சியின் தற்போதைய நிலை மற்றும் எதிர்கால நகர்வுகள் குறித்து மனம் திறந்து பேசியுள்ளார்.

இதையும் படிங்க: லட்சியத்தால் ஒன்றிணைந்த இயக்கம் அதிமுக..! மக்கள் பணியே முக்கியம்..! EPS பெருமிதம்.!

எடப்பாடி பழனிசாமியை எதிர்ப்பது அல்லது விமர்சனம் செய்வது எங்கள் நோக்கமல்ல, அவரை விமர்சிக்க நாங்கள் எப்போதும் தயாராகவும் இல்லை. அதிமுகவை விட்டுப் பல்வேறு சூழ்நிலைகளால் பிரிந்து சென்ற அனைவரையும் பொதுச்செயலாளர் எடப்பாடி பழனிசாமி மீண்டும் ஒருங்கிணைப்பார் என்று முழுமையாக நம்புகிறோம். கட்சியை அவர் மேலும் வலிமைப்படுத்த வேண்டும்.

சசிகலா, டிடிவி தினகரன் மட்டுமல்லாமல், தற்போது திமுக ஆதரவு நிலைப்பாட்டில் இருக்கும் அண்ணன் ஓ. பன்னீர்செல்வம் கூட மீண்டும் தாய் கழகமான அதிமுகவிற்குத் திரும்பி வர வேண்டும். 31 ஆண்டுகள் தமிழ்நாட்டைத் தொடர்ந்து ஆட்சி செய்து வரலாறு படைத்த மாபெரும் மக்கள் இயக்கமான அதிமுகவை யாராலும் எளிதில் அசைத்துவிட முடியாது. கட்சியைப் பலப்படுத்தத் தேவையான அனைத்து நடவடிக்கைகளையும் அண்ணன் இபிஎஸ் உரிய நேரத்தில் எடுப்பார் என்று அவர் திட்டவட்டமாகத் தெரிவித்தார்.

அதிமுகவின் முக்கிய சீனியர் நிர்வாகிகளில் ஒருவரான எஸ்.பி. வேலுமணியின் இந்த இணைப்பு மற்றும் ஒருங்கிணைப்பு குறித்த கருத்து, தமிழக அரசியல் வட்டாரத்திலும் அதிமுக தொண்டர்கள் மத்தியிலும் மீண்டும் பெரும் பரபரப்பையும் எதிர்பார்ப்பையும் ஏற்படுத்தியுள்ளது

இதையும் படிங்க: மின் கொள்முதலில் மெகா ஊழல்..? விஜய் அரசு மீது எடப்பாடி பழனிசாமி பரபரப்பு குற்றச்சாட்டு..!