ராணிப்பேட்டை மாவட்டம் சிப்காட் அடுத்த லாலாபேட்டை பகுதியைச் சேர்ந்த நாடோடி தம்பதியினர் சேகர் (46) மற்றும் பிரேமா (23) ஆகியோர் சாலையோரத்தில் பாட்டில்கள் சேகரித்து யாசகம் பெற்று வாழ்ந்து வருகின்றனர்.

அவர்களுக்கு ஒரு வயது பெண் குழந்தை மகேஸ்வரி உள்ளார். கடந்த செப்டம்பர் 23 ஆம் தேதி இரவு சிப்காட் அருகே சாலையோரத்தில் குழந்தையுடன் உறங்கிக் கொண்டிருந்தபோது மகேஸ்வரி காணாமல் போனார். பெற்றோர் சிப்காட் காவல் நிலையத்தில் புகார் அளித்தனர். வழக்கு பதிவு செய்யப்பட்டது.

போதிய துப்பு கிடைக்காததால் ராணிப்பேட்டை காவல் கண்காணிப்பாளர் உத்தரவின்படி ஆறு தனிப்படைகள் அமைக்கப்பட்டு தேடுதல் பணி தீவிரமாக நடைபெற்றது.

இதையும் படிங்க: மதுரை சிறுவன் கொலை வழக்கில் அதிர்ச்சி திருப்பம்? தாய் - மகன் அதிரடி கைது! விசாரணையில் வெளியான பகீர்!

இதுதொடர்பான விசாரணைகள் தொடர்ந்து நடைபெற்று வருகின்றன. பொதுமக்கள் தகவல் தெரிவிக்குமாறு காவல்துறை கோரிக்கை விடுத்தனர்.

இன்று ராணிப்பேட்டை சிப்காட் போலீஸ் நிலைய எல்லைக்கு உட்பட்ட பகுதியில் கடத்தப்பட்ட ஒரு வயது பெண் குழந்தையை சிப்காட் போலீசார் ஆந்திராவில் மீட்டனர்.

இதேபோல் விழுப்புரம் மாவட்டம் செஞ்சி அருகே ஆலம்பூண்டியைச் சேர்ந்த ஏழு வயது சிறுமி ஹேமலதா (இரண்டாம் வகுப்பு) அக்டோபர் 12 ஆம் தேதி முதல் காணாமல் போயுள்ளார். எட்டு தனிப்படைகள் அமைத்து தேடப்பட்டும் முன்னேற்றம் இல்லாததால் வழக்கு சிபிசிஐடிக்கு மாற்றப்பட்டது.

சிபிசிஐடி போலீசார் குடும்பத்தினர், உறவினர்கள் உள்ளிட்ட 20-க்கும் மேற்பட்ட நபர்களிடம் விசாரணை நடத்தி வருகின்றனர். சிறுமியின் அக்கா படித்த நர்சிங் கல்லூரியிலும் விசாரணை நடைபெற்றது. தேடுதல் பணிகள் தொடர்கின்றன.

இதையும் படிங்க: இட்லி கடைக்காரர் வீட்டில் 9 எம்.எம். பிஸ்டல்! 6 தோட்டாக்கள், உலோகச் சிலைகள் பறிமுதல்! கணவன், மனைவி உட்பட 3 பேர் கைது!