தமிழகத்தின் பல்வேறு மாவட்டங்களில் வானிலை நிலவரம் மாற்றம் அடைந்துள்ளது. இன்று சில மாவட்டங்களில் கனமழை பெய்ய வாய்ப்புள்ளதாக அறிவிக்கப்பட்டுள்ளது. ஈரோடு, திண்டுக்கல், மதுரை, நாமக்கல், கள்ளக்குறிச்சி மற்றும் திருவண்ணாமலை ஆகிய ஆறு மாவட்டங்களில் இன்று கனமழைக்கு வாய்ப்பு ஏற்பட்டுள்ளது. இந்த மாவட்டங்களில் மேகமூட்டம் அதிகரித்து மழைவீழ்ச்சி தீவிரமடையும் நிலை காணப்படுகிறது.

மலைப்பகுதிகளிலும் சமவெளிப் பகுதிகளிலும் சமமான அளவில் மழை பெய்யும் வாய்ப்பு உள்ளது. மக்கள் வெளியே செல்லும்போது கவனமாக இருக்க வேண்டும் என்றும், தேவையற்ற பயணங்களைத் தவிர்க்குமாறும் அறிவுறுத்தப்படுகிறது.நாளை வானிலை மேலும் மாறும் என எதிர்பார்க்கப்படுகிறது.

நீலகிரி, ஈரோடு, சேலம், தர்மபுரி, கிருஷ்ணகிரி, மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை மற்றும் திருச்சி ஆகிய பதினொரு மாவட்டங்களில் கனமழைக்கு வாய்ப்புள்ளது. மேற்கு தொடர்ச்சி மலைப்பகுதிகளான நீலகிரி மற்றும் அதை ஒட்டிய மாவட்டங்களில் மழைவீழ்ச்சி அதிகமாக இருக்கும். சேலம், தர்மபுரி, கிருஷ்ணகிரி போன்ற வடக்கு மாவட்டங்களிலும் ஈரப்பதம் அதிகரித்து கனமழை பெய்யும் சூழல் உருவாகியுள்ளது.

இதையும் படிங்க: வங்க கடலில் காற்றழுத்த தாழ்வு மண்டலம்! சென்னை உள்பட 9 துறைமுகங்களில் புயல் எச்சரிக்கை கூண்டு!

கடலோர மாவட்டங்களான மயிலாடுதுறை, நாகப்பட்டினம், திருவாரூர், தஞ்சாவூர் ஆகிய இடங்களில் காற்றுடன் கூடிய மழை பெய்ய வாய்ப்புள்ளது. திருச்சி மற்றும் புதுக்கோட்டை பகுதிகளிலும் இதேபோல் மழைவீழ்ச்சி தீவிரமடையும்.இந்த மழை காரணமாக சில பகுதிகளில் நீர்நிலைகள் நிரம்பி வரும் வாய்ப்பு உள்ளது. குறைந்த அழுத்தத் தாழ்வு மண்டலங்களின் தாக்கத்தால் காற்று வீசும் வேகமும் அதிகரிக்கலாம்.

இதையும் படிங்க: வெளுக்கப்போகுது மழை... குடைக் கொண்டு போங்க மக்களே... 19 மாவட்டங்களுக்கு வானிலை மையம் அலர்ட்..!!