தமிழ்நாட்டில் சட்டமன்றத் தேர்தல்கள் தொடர்ந்து பணக்காரர்களின் ஆதிக்கத்தை அதிகரித்து வருவதாக ஜனநாயக சீர்திருத்தங்களுக்கான சங்கம் மற்றும் தமிழ்நாடு கண்காணிப்பாளர்கள் அமைப்புகளின் பகுப்பாய்வு அறிக்கை தெரிவிக்கிறது. கடந்த சட்டமன்றத் தேர்தலில் 224 வேட்பாளர்களின் சொத்து விவரங்களை ஆராய்ந்தபோது 192 பேர் கோடீஸ்வரர்களாக இருந்தனர். இந்நிலையில், 2026 சட்டமன்றத் தேர்தலில் வெற்றி பெற்ற எம்.எல்.ஏக்களின் எண்ணிக்கை மேலும் ஒன்று அதிகரித்துள்ளது. மொத்தம் 193 எம்.எல்.ஏக்கள் கோடீஸ்வரர்களாக அடையாளம் காணப்பட்டுள்ளனர்.
இந்த ஆய்வில், தமிழக வெற்றி கழகம் சார்பில் திருவள்ளூர் தொகுதியில் போட்டியிட்டு வெற்றி பெற்ற டி. அருண்குமாரின் சுயச்சான்றிதழ் ஆவணங்கள் இந்திய தேர்தல் ஆணைய இணையதளத்தில் தெளிவாக இல்லாத காரணத்தால் பகுப்பாய்வுக்கு உட்படுத்தப்படவில்லை என்று குறிப்பிடப்பட்டுள்ளது. வெற்றி பெற்ற 193 எம்.எல்.ஏக்களின் ஒட்டுமொத்த சொத்து மதிப்பு 48.35 கோடியாகக் கணக்கிடப்பட்டுள்ளது. தனிப்பட்ட முறையில் அதிக சொத்து மதிப்பு கொண்டவர்களின் பட்டியலில் முதலிடம் லால்குடி தொகுதியில் அதிமுக சார்பில் வெற்றி பெற்ற லீமாரோஸ் அவர்களுக்குப் பதிவாகியுள்ளது. இவரது சொத்து மதிப்பு ரூ.58,637 கோடிக்கு மேல் என்பது குறிப்பிடத்தக்கது.
இதையும் படிங்க: கொட்டித் தீர்க்கபோகும் மழை..! 7 மாவட்டங்களுக்கு ஆரஞ்சு அலர்ட்..!!
இரண்டாவது இடத்தில் தமிழக வெற்றி கழகத் தலைவர் ச. ஜோசப் விஜய் உள்ளார். திருச்சி கிழக்கு மற்றும் பெரம்பூர் தொகுதிகளில் வெற்றி பெற்ற இவரது சொத்து மதிப்பு ரூ.648 கோடிக்கு மேல் என மதிப்பீடு செய்யப்பட்டுள்ளது. மூன்றாவது இடத்தில் வில்லிவாக்கம் தொகுதியில் தவெக சார்பில் வெற்றி பெற்ற அதவ் அர்ஜுனா அவர்களின் சொத்து மதிப்பு ரூ.534 கோடியாக உள்ளது. குறைந்த சொத்து மதிப்பு கொண்ட எம்.எல்.ஏக்களில் முதல் இடத்தில் ஆம்பூர் தொகுதி தவெக வேட்பாளர் தாஹிரா உள்ளார். இவரது சொத்து மதிப்பு ரூ.4 லட்சத்திற்கும் குறைவாக உள்ளது.
மயிலம் தொகுதி தவெக வேட்பாளர் கே. சிவகுமார் ரூ.5 லட்சத்திற்கும் குறைவான சொத்து மதிப்பையும், திருத்துரைப்பூண்டி (தனி) தொகுதியில் இந்திய கம்யூனிஸ்ட் கட்சி வேட்பாளர் கே. மாரிமுத்து ரூ.13 லட்சத்திற்கும் குறைவான சொத்து மதிப்பையும் கொண்டுள்ளனர்.கட்சி வாரியாக சராசரி சொத்து மதிப்பைப் பொறுத்தவரை, அதிமுக எம்.எல்.ஏக்களின் சராசரி ரூ.152.89 கோடியாகவும், தமிழக வெற்றி கழக எம்.எல்.ஏக்களின் சராசரி ரூ.27.09 கோடியாகவும், திமுக எம்.எல்.ஏக்களின் சராசரி ரூ.14.34 கோடியாகவும் பதிவாகியுள்ளது.
இந்த புள்ளிவிவரங்கள் தேர்தல் அரசியலில் பணம் மற்றும் செல்வாக்கின் ஆதிக்கம் அதிகரித்து வருவதை சுட்டிக்காட்டுகின்றன. ஜனநாயக சீர்திருத்த அமைப்புகள், வேட்பாளர்களின் சொத்து விவரங்களை முழுமையாகவும் தெளிவாகவும் பராமரிக்க நடவடிக்கை எடுக்க வேண்டும் என வலியுறுத்தியுள்ளன.
இதையும் படிங்க: Breaking News!! இரண்டாக உடைகிறது அதிமுக! களத்தில் குதித்த விஜய்! தவெகவுக்கு எஸ்.பி வேலுமணி - சி.வி.சண்முகம் ஆதரவு?!