#TNElectionResults2026..! ஜெயக்குமார் தொடர்ந்து பின்னடைவு..! TVK வேட்பாளர் தாமு முன்னிலை..!
ராயபுரம் தொகுதியில் தமிழக வெற்றி கழக வேட்பாளர் விஜய் ராமு முன்னிலை பெற்றுள்ள நிலையில் முன்னாள் அமைச்சர் ஜெயக்குமார் மூன்றாம் இடத்திற்கு தள்ளப்பட்டார்.
தமிழ்நாடு சட்டமன்றத் தேர்தல் 2026-இன் வாக்கு எண்ணிக்கை மே 4 அன்று தீவிரமாக நடைபெற்று வரும் நிலையில், சென்னை ராயபுரம் தொகுதியில் அதிமுகவின் மூத்த தலைவரும் முன்னாள் அமைச்சருமான டி. ஜெயக்குமார் தொடர்ந்து பின்னடைவைச் சந்தித்து வருகிறார். தமிழக வெற்றிக் கழக வேட்பாளரான ஆட்டோ ஓட்டுநர் விஜய் தாமு என்று அழைக்கப்படும் கே.வி. விஜயதாமு இந்தத் தொகுதியில் தெளிவான முன்னிலை பெற்று கவனத்தை ஈர்த்துள்ளார்.
ராயபுரம் தொகுதி சென்னையின் பாரம்பரியமான மற்றும் முக்கியமான தொகுதிகளில் ஒன்று. கடந்த 2021 தேர்தலில் திமுகவின் மூர்த்தி.ஆர்.ஐட்ரீம் பெரும் வெற்றி பெற்றிருந்த நிலையில், அதிமுகவின் ஜெயக்குமார் இரண்டாவது இடத்தில் இருந்தார். இம்முறை ஜெயக்குமார் எட்டாவது முறையாக இதே தொகுதியில் போட்டியிட்டு வருகிறார்.
அவரது நீண்டகால அனுபவம் மற்றும் உள்ளூர் தொடர்பு இருந்தபோதிலும், தேர்தல் பிரசாரத்தின்போதே TVK வேட்பாளருடன் நேரடி மோதல் போன்ற சம்பவங்கள் இந்தத் தொகுதியை பேசுபொருளாக்கின. வாக்கு எண்ணிக்கை தொடங்கிய முதல் சுற்றுகளிலிருந்தே TVK வேட்பாளர் விஜய் தாமு முன்னிலை காட்டத் தொடங்கினார். பல அறிக்கைகளின்படி, அவர் ஆயிரக்கணக்கான வாக்குகள் வித்தியாசத்தில் முன்னிலை வகித்தார்.
இதையும் படிங்க: #TNElectionResults2026: ஒற்றை ஆளாய் பிளாஸ்ட் செய்த விஜய்… 23 அமைச்சர்கள் ஷாக்… ஆடிப்போன அதிமுக, பாஜக…!
திமுக வேட்பாளர் ஏ. சுபைர் கான் இரண்டாவது இடத்தில் இருந்தபோது, ஜெயக்குமார் மூன்றாவது இடத்திற்குத் தள்ளப்பட்டார். காலை மணி நேர அப்டேட்களின்படி இந்தப் போக்கு தொடர்ந்தது. TVK-வின் புதிய அலை மற்றும் விஜயின் செல்வாக்கு இந்தத் தொகுதியில் வலுவாக எதிரொலித்திருப்பதாக அரசியல் பார்வையாளர்கள் கருதுகின்றனர். விஜய் தாமு ஒரு சாதாரண ஆட்டோ ஓட்டுநர். அவரது பின்னணி மக்களிடையே பெரும் எதிரொலியை ஏற்படுத்தியுள்ளது.
இதையும் படிங்க: செம அப்செட்..! வாக்கு எண்ணும் மையத்திலிருந்து வெளியேறிய தமிழிசை..!!
