தமிழக வெற்றிக் கழக அரசு பொறுப்பேற்று நூறு நாட்களை நிறைவு செய்துள்ள நிலையில், முதலமைச்சர் சி. ஜோசப் விஜய் தலைமைச் செயலகத்தில் ஒரு சிறப்பு நிகழ்ச்சியை நடத்தினார். அந்த நிகழ்ச்சியில் செய்தி மற்றும் மக்கள் தொடர்புத் துறை சார்பில் தயாரிக்கப்பட்ட “மக்கள் நலனை இலக்காகக் கொண்ட அரசின் 100 நாள் சாதனை மலர்” என்ற புத்தகத்தை அவர் வெளியிட்டார். இந்த மலர், கடந்த நூறு நாட்களில் அரசு மேற்கொண்ட முக்கிய நடவடிக்கைகளையும், மக்கள் நலத் திட்டங்களையும் விரிவாக தொகுத்து வழங்கியிருக்கிறது.

அதே நேரத்தில் “ஒரு புதிய தொடக்கம்” என்ற தலைப்பிலான காலப்பேழை புத்தகமும் வெளியிடப்பட்டது. இந்த வெளியீடு தமிழக அரசியல் வரலாற்றில் ஒரு முக்கிய மைல்கல்லாக அமைந்துள்ளது.மே மாதம் பத்தாம் தேதி முதலமைச்சராகப் பொறுப்பேற்ற விஜய், தனது அரசை மக்கள் மையப்படுத்தியதாக அறிவித்திருந்தார். லஞ்சமற்ற, நேர்மையான, வெளிப்படையான நிர்வாகத்தை உருவாக்குவதே தனது முதன்மை இலக்கு என்று அவர் பலமுறை வலியுறுத்தியிருந்தார். அந்த வாக்குறுதிகளை நிறைவேற்றும் வகையில் கடந்த நூறு நாட்களில் பல்வேறு துறைகளிலும் வேகமான நடவடிக்கைகள் மேற்கொள்ளப்பட்டன.

பெண்களின் பாதுகாப்பை உறுதிப்படுத்தும் நோக்கில் சிங்கப்பெண் சிறப்பு அதிரடிப்படை உருவாக்கப்பட்டது. இது பெண்களுக்கு எதிரான குற்றங்களைத் தடுக்கவும், விரைவான நடவடிக்கை எடுக்கவும் வழிவகுக்கும் என எதிர்பார்க்கப்படுகிறது. அதேபோல் போதைப்பொருள் ஒடுக்குமுறைக்காக அறுபத்தைந்து சிறப்பு அதிரடிப்படைகளும் அமைக்கப்பட்டன.குடும்பங்களின் பொருளாதாரச் சுமையைக் குறைக்கும் வகையில் இருநூறு யூனிட் கட்டணமில்லா மின்சாரம் வழங்கும் திட்டம் அமல்படுத்தப்பட்டது. இது பல இலட்சக்கணக்கான குடும்பங்களுக்கு நிவாரணமாக அமைந்துள்ளது. மதுப்பழக்கத்தைக் கட்டுப்படுத்தும் முயற்சியில் எழுநூற்று பதினேழு டாஸ்மாக் மதுபானக் கடைகள் மூடப்பட்டன.

இதையும் படிங்க: பவர் கட் முதல் சட்டம் - ஒழுங்கு வரை.. 100 நாட்களில் விஜய் ஆட்சியின் முக்கிய சொதப்பல்கள்!! லிஸ்ட் இதோ!!

இது சமூக நலனில் குறிப்பிடத்தக்க மாற்றத்தை ஏற்படுத்தும் என அரசு தரப்பில் கூறப்படுகிறது. விவசாயிகளின் நலனுக்காக ஆறாயிரம் கோடி ரூபாய் அளவுக்கு பயிர்க்கடன் தள்ளுபடி அறிவிக்கப்பட்டது. கரும்பு டன் ஒன்றுக்கு நான்காயிரம் ரூபாய், நெல் குவிண்டால் ஒன்றுக்கு இரண்டாயிரத்து எழுநூற்று ஐம்பது ரூபாய் சிறப்பு ஊக்கத்தொகையும் வழங்கப்படும் என அறிவிக்கப்பட்டது.பெண்கள் மற்றும் குடும்ப நலத் திட்டங்களில் தாய்மாமன் தங்க மோதிரம் திட்டத்திற்கு ஐந்நூற்று அறுபது கோடி ரூபாய் ஒதுக்கீடு செய்யப்பட்டது. அண்ணனின் சீர் திட்டத்தின் கீழ் திருமண நன்னாளில் எட்டு கிராம் தங்க நாணயமும், ஒரு பட்டுப் புடவையும் வழங்கப்படும் என அறிவிக்கப்பட்டு அதற்கு எண்ணூற்று பன்னிரண்டு கோடி ரூபாய் ஒதுக்கப்பட்டது. வெற்றி வீடு திட்டத்திற்கு முூவாயிரத்து ஐந்நூறு கோடி ரூபாய் ஒதுக்கீடு செய்யப்பட்டு, வீடற்ற மக்களுக்கு தரமான வீடுகள் கட்டித் தரும் பணிகள் தொடங்கப்பட்டுள்ளன. இதுபோல பல்வேறு திட்டங்களை தமிழக வெற்றிக்கழக அரசு செயல்படுத்தி இருப்பதாக கூறி சாதனை மலர் வெளியிடப்பட்டுள்ளது.

இதையும் படிங்க: "NO TENSION"..! அதான் ஆன்லைன் இருக்கே... இணைய வழி பத்திரப்பதிவு திட்டத்தை தொடங்கி வைத்த முதல்வர் விஜய்..!!