தமிழக வெற்றிக் கழகத்தின் தலைவரும், நடிகருமான விஜய், 2026 சட்டமன்றத் தேர்தலில் தனது அரசியல் அறிமுகத்தை சிறப்பாக்கும் வகையில் பெரம்பூர் மற்றும் திருச்சி கிழக்கு ஆகிய இரு தொகுதிகளில் போட்டியிடுவதாக அறிவித்துள்ளார். இந்த முடிவு கட்சியின் முதல் வேட்பாளர் பட்டியல் வெளியீட்டின்போது அறிவிக்கப்பட்டது. விஜய் தனது பெயரை “சி. ஜோசப் விஜய்” என்று குறிப்பிட்டு, இரு தொகுதிகளிலும் தவெக சார்பில் களமிறங்குவதை உறுதிப்படுத்தினார்.

இது அவரது முதல் சட்டமன்றத் தேர்தல் அனுபவம் என்பதால், அரசியல் வட்டாரங்களில் பெரும் கவனத்தை ஈர்த்துள்ளது.பெரம்பூர் தொகுதி சென்னையின் வடக்குப் பகுதியில் அமைந்துள்ளது. இது முன்பு சிபிஎம் கோட்டையாக இருந்தாலும், சமீப ஆண்டுகளில் திமுகவின் கட்டுப்பாட்டில் உள்ளது. தற்போதைய எம்எல்ஏ ஆர்.டி. சேகர் ஆவார். விஜய் இங்கு போட்டியிடுவதன் மூலம் சென்னை நகரின் நகர்ப்புற வாக்காளர்களிடையே தனது செல்வாக்கை விரிவுபடுத்த நோக்கமாகக் கொண்டுள்ளார்.

திருச்சி கிழக்கு தொகுதி மத்திய தமிழகத்தின் முக்கியப் பகுதியில் உள்ளது. பெரம்பூர் மற்றும் திருச்சி கிழக்கு ஆகிய இரண்டு தொகுதிகளை விஜய் தேர்வு செய்து போட்டியிடுவது பயம் என்றும் நம்பிக்கையின்மை என்றும் பல்வேறு விமர்சனங்கள் முன்வைக்கப்பட்டு வருகிறது. இருப்பினும் தமிழக வெற்றிக்கழகம் தரப்பில் இது முக்கியமான வியூகம் என்ற கருதப்படுகிறது. இந்த நிலையில், விடுதலை சிறுத்தைகள் கட்சியை திருமாவளவன் பரப்புரை மேற்கொண்டார். அப்போது விஜய் குறித்து விமர்சனம் செய்திருந்தார்.

இதையும் படிங்க: சூறாவளி பிரச்சாரம்...! சென்னையில் தவெக தலைவர் விஜய் பரப்புரைக்கு அனுமதி..!!

திமுகவை வீழ்த்த வேண்டும் என்பதை விஜயின் நோக்கம் என்று அவர் கூறி வருவதாகவும் திமுகவை வீழ்த்தி அந்த இடத்துக்கு விஜய் வர முடியுமா என்றும் கேள்வி எழுப்பினார். பெரம்பூர் தொகுதியில் அவர் வெற்றி பெறுவதே கேள்விக்குறிதான் என்றும் திருமாவளவன் விமர்சனம் செய்துள்ளார். அவர் முதலமைச்சர் ஆகிவிட முடியுமா என்றும் கட்சி தொடங்கிய இரண்டே வருடத்தில் ஆட்சி அமைத்திட முடியுமா எனவும் சவால் விட்டார். அவருக்கே சந்தேகம் இருப்பதால்தான் திருச்சி கிழக்கிலும் சேர்த்து போட்டு விடுவதாக தெரிவித்துள்ளார். 

இதையும் படிங்க: “நம்ம ஊரு கார பையன் கரூர்ல போய்...” - தவெகவுக்கு சம்மட்டி அடி கொடுத்த அதிமுக முன்னாள் அமைச்சர்....!