முன்னாள் முதலமைச்சர் ஓ.பன்னீர்செல்வம் பல்வேறு அரசியல் திருப்பங்களுக்குப் பிறகு திமுகவில் இணைந்தது தமிழக அரசியலில் பெரும் மாற்றத்தை ஏற்படுத்திய நிகழ்வாக அமைந்தது. அதிமுகவில் நீண்ட காலம் முக்கியப் பொறுப்புகளை வகித்து, மூன்று முறை முதலமைச்சராகப் பணியாற்றிய அவர், கட்சிக்குள் எழுந்த கருத்து வேறுபாடுகளால் 2022-இல் விலக்கப்பட்டார். அதன்பிறகு தனியாகச் செயல்பட்டு வந்த நிலையில், எடப்பாடி பழனிசாமியின் தலைமையை சர்வாதிகாரப் போக்கு கொண்டதாக விமர்சித்தார். இறுதியில் அவர் திமுகவைத் தேர்ந்தெடுத்தார்.

பிப்ரவரி 27, 2026 அன்று சென்னை அண்ணா அறிவாலயத்தில் முதலமைச்சர் மு.க.ஸ்டாலின் முன்னிலையில் திமுகவில் முறையாக இணைந்தார். அவரது மகன் ரவீந்திரநாத் உள்ளிட்ட ஆதரவாளர்களும் உடன் இணைந்தனர். அறிஞர் அண்ணா தொடங்கிய தாய்க்கழகத்திற்குத் திரும்பியதாக அவர் மகிழ்ச்சி தெரிவித்தார்.  திமுகவில் தொடர்ந்து களப்பணி ஆற்றி வந்த முன்னாள் முதலமைச்சர் ஓ.பன்னீர்செல்வம் காலில் ஏற்பட்ட காயம் காரணமாக சென்னையில் உள்ள தனது இல்லத்தில் ஓய்வு எடுத்து வருகிறார்.

வீட்டிலேயே மருத்துவ சிகிச்சையும் பெற்று வரும் நிலையில், அவரது உடல்நலம் குறித்து அக்கறை கொண்ட எதிர்க்கட்சித் தலைவர் உதயநிதி ஸ்டாலின் நேரில் சென்று சந்தித்து நலம் விசாரித்தார். காயம் காரணமாக வெளியூர் பயணம் மேற்கொள்ள முடியாத நிலையில் இருந்த ஓ.பன்னீர்செல்வம், பசும்பொன் சென்று முத்துராமலிங்கத் தேவருக்கு மரியாதை செலுத்த முடியவில்லை. அதனால் சென்னை இல்லத்திலேயே தேவரின் உருவப்படத்திற்கு மலர் தூவி வணக்கம் செலுத்தினார். இந்தச் சூழலில்தான் உதயநிதி ஸ்டாலின் அவரது இல்லத்திற்கு வந்து சந்தித்தார். இருவரும் அமர்ந்து பேசினர்.

இதையும் படிங்க: ஜப்பான் ஆசிய பாரா விளையாட்டு: தமிழக வீரர்களை நேரில் பாராட்டிய உதயநிதி ஸ்டாலின்!

உதயநிதி ஸ்டாலின், ஓ.பன்னீர்செல்வத்தின் உடல்நிலை குறித்து விரிவாக விசாரித்தார். சிகிச்சை எவ்வாறு நடைபெற்று வருகிறது என்பதையும் அறிந்து கொண்டார். இந்தச் சந்திப்பு அரசியல் சூழலில் இருந்தாலும், அது மரியாதை மற்றும் மனிதநேய அடிப்படையிலான ஒன்றாகவே அமைந்தது. முன்னாள் முதலமைச்சர் ஒருவர் உடல்நலக்குறைவால் வீட்டில் ஓய்வில் இருக்கும்போது, எதிர்க்கட்சித் தலைவர் நேரில் சென்று நலம் விசாரிப்பது தமிழக அரசியலில் காணப்படும் நாகரிக அம்சங்களில் ஒன்றாகப் பார்க்கப்படுகிறது.

இதையும் படிங்க: ஒருபக்கம் குழந்தைகள் மாயம்..! மறுபக்கம் அக்யூஸ்ட்டுகள் தப்பித்தல்.! DUMMY CM..! கண்டித்த உதயநிதி.!!