டெல்லியில் வரும் ஆகஸ்ட் 4-ஆம் தேதி நடைபெறவுள்ள தனது புதிய நூல் வெளியீட்டு விழாவில், தேவையற்ற கூட்ட நெரிசல் ஏற்படும் என்பதைக் கருத்தில் கொண்டு முதலமைச்சர் விஜய் கலந்து கொள்ள வேண்டாம் எனத் தானே கேட்டுக்கொண்டதாக மதிமுக பொதுச்செயலாளர் வைகோ அதிரடியாகத் தெரிவித்துள்ளார்.
மதிமுக பொதுச்செயலாளர் வைகோ எழுதியுள்ள புதிய நூலின் வெளியீட்டு விழா குறித்துச் செய்தியாளர்களிடம் அவர் விவரித்தார். அப்போது பேசிய அவர், வருகிற ஆகஸ்ட் 4-ஆம் தேதி டெல்லியில் எனது புதிய புத்தக வெளியீட்டு விழா மிகவும் விமரிசையாக நடைபெறவுள்ளது. இந்த விழாவில் முதலமைச்சர் கலந்து கொண்டால் இயல்பாகவே மாபெரும் கூட்ட நெரிசல் உருவாகும் என்பதால், நானே அவரிடம் நிகழ்விற்கு நேரில் வர வேண்டாம் எனக் கூறி மறுத்துவிட்டேன் என்றார்.
மேலும் தொடர்ந்த அவர், அதேநேரத்தில், இப்புத்தகத்தின் தமிழாக்கப் பதிப்பைச் சென்னையில் நடைபெறும் பிரம்மாண்ட விழாவில் வெளியிடுமாறு முதலமைச்சரிடம் கோரிக்கை விடுத்தேன். அவரும் அதற்கு முழு சம்மதம் தெரிவித்து, நிச்சயம் வெளியிட்டுத் தருவதாக உறுதியளித்துள்ளார் எனக் குறிப்பிட்டார்.
இதையும் படிங்க: பள்ளிக்கரணை சதுப்பு நில விவகாரம்! முதல்வர் விஜய் தலையிட்டு வரையறை செய்ய அன்புமணி ராமதாஸ் கோரிக்கை!
டெல்லியில் நடைபெறவுள்ள தேசிய அளவிலான இந்த புத்தக வெளியீட்டு விழாவில், காங்கிரஸ் மூத்த தலைவர் ராகுல் காந்தி நூலை வெளியிட, சமாஜ்வாதி கட்சித் தலைவர் அகிலேஷ் யாதவ் அதன் முதல் பிரதியைப் பெற்றுக் கொள்ளவுள்ளார் என்றும் வைகோ தெரிவித்தார். மேலும், தனது இந்தப் புதிய புத்தகத்தின் முன்னுரையில் திமுகவுக்கான தனது மனமார்ந்த நன்றியைத் தெளிவாகப் பதிவு செய்துள்ளதாகவும் அவர் நெகிழ்ச்சியுடன் சுட்டிக்காட்டினார்.
இதையும் படிங்க: "எங்கண்ணன் 'V' கச்சேரி"..!! ஜனநாயகன் ரிலீஸை திருவிழா போல கொண்டாடனும்..! தவெகனருக்கு அறிவுறுத்தல்..!!