பொள்ளாச்சியில் வீ த லீடர்ஸ் அமைப்பின் முதல் மாநாடு பிரம்மாண்டமான ஏற்பாடுகளுடன் நடைபெற உள்ளது. கோயம்புத்தூர் மாவட்டத்தின் பொள்ளாச்சி நகரம் இந்த நிகழ்வை முன்னிட்டு புதிய உற்சாகத்துடன் தயாராகி வருகிறது. அண்ணாமலை தலைமையில் உருவான இந்த அமைப்பின் முதல் மாநில மாநாடு ஜூலை 12ஆம் தேதி மாலை 4 மணியளவில் நடைபெறவுள்ள நிலையில், அதற்கான ஏற்பாட்டுப் பணிகள் தீவிரமாக முன்னெடுக்கப்பட்டு வருகின்றன. மாநாட்டின் மையக் கருப்பொருளாக 'போதையில்லா பொள்ளாச்சி' என்ற விழிப்புணர்வு நிகழ்வு அமைக்கப்பட்டுள்ளது.

தமிழகம் முழுவதும் போதைப்பொருள் பழக்கத்தை ஒழித்து, இளைஞர்களை சரியான பாதையில் வழிநடத்தும் நோக்கத்துடன் இந்த மாநாடு திட்டமிடப்பட்டுள்ளது. இதன் மூலம் பொள்ளாச்சியை முன்மாதிரியாக்கி, பின்னர் முழு தமிழகத்தையும் போதையில்லாத மாநிலமாக மாற்றும் பெரிய திட்டம் இந்த அமைப்பின் முன்னெடுப்பாக இருக்கும். மாநாட்டுத் திடலில் பூமி பூஜை ஏற்கெனவே நடைபெற்று முடிந்துள்ளது. பிரம்மாண்டமான மேடை அமைப்பு, ஒலி ஒளி ஏற்பாடுகள், பாதுகாப்பு ஏற்பாடுகள் உள்ளிட்ட அனைத்து வசதிகளும் உயர்தரமாக செய்யப்பட்டு வருகின்றன.

இந்த மாநாட்டில் தமிழகத்தின் பல்வேறு பகுதிகளிலிருந்து லட்சக்கணக்கான உறுப்பினர்கள் மற்றும் ஆதரவாளர்கள் கலந்துகொள்ளும் வகையில் ஏற்பாடுகள் செய்யப்பட்டுள்ளன. சுமார் 25,000 முதல் ஒரு லட்சம் பேர் வரை பங்கேற்பார்கள் என்ற எதிர்பார்ப்பு நிலவுகிறது. இளைஞர்களை கவரும் வகையில் செல்பி பாயிண்ட்கள், கலை நிகழ்ச்சிகள், விழிப்புணர்வு அரங்குகள் உள்ளிட்ட பல்வேறு இணையமான ஏற்பாடுகள் மாநாட்டுத் திடலில் உருவாக்கப்பட்டு வருகின்றன.

இதையும் படிங்க: அரசியல் ஆட்டத்தை ஆரம்பித்த அண்ணாமலை! We the Leaders அமைப்பின் தலைவராக முதல் குரல்!!

அமைப்பின் புதிய கொடியை அண்ணாமலை இந்த மாநாட்டிலேயே அறிமுகம் செய்ய உள்ளார். இது அமைப்பின் புதிய பயணத்திற்கு சின்னமாக அமையும். மாநாட்டிற்கான பணிகள் முழு வீச்சில் நடைபெறும் வகையில் உள்ளூர் நிர்வாகிகள், தொண்டர்கள் மற்றும் தன்னார்வலர்கள் அணி அணியாகப் பணியாற்றி வருகின்றனர். போக்குவரத்து ஏற்பாடுகள், குடிநீர் வசதி, மருத்துவ முகாம்கள், பாதுகாப்புப் படைகள் என ஒவ்வொரு அம்சமும் கவனமாகத் திட்டமிடப்பட்டுள்ளது. 

இதையும் படிங்க: "எ.வ.வேலு மட்டும் போதாது"... திமுக ஆட்சியின் 5 ஆண்டு ஊழல்களைத் தோண்டி எடுக்கணும்... அண்ணாமலை வரவேற்பு..!