தமிழகம், புதுவை மற்றும் காரைக்கால் பகுதிகளுக்கான வானிலை அறிக்கையின்படி, கடந்த 24 மணி நேரத்தில் தமிழகத்தில் ஓரிரு இடங்களில் மழை பெய்துள்ளது. புதுவை மற்றும் காரைக்கால் பகுதிகளில் வறண்ட வானிலை நிலவியது. அதிகபட்ச மழை கன்னியாகுமரி மாவட்டம் திற்பரப்பில் 7.6 மில்லிமீட்டராகப் பதிவானது.வெப்பநிலையில் குறிப்பிடத்தக்க மாற்றம் இல்லை. அதிகபட்ச வெப்பநிலை பல இடங்களில் இயல்பிலிருந்து 2 முதல் 5 டிகிரி செல்சியஸ் வரை உயர்ந்துள்ளது. கடலூரில் 36.4 டிகிரி செல்சியஸ் பதிவானது.
குறைந்தபட்ச வெப்பநிலை கரூர் பரமத்தியில் 20.5 டிகிரி செல்சியஸாகவும், உதகமண்டலத்தில் 8.2 டிகிரி செல்சியஸாகவும் இருந்தது.தெற்கு அந்தமான் பகுதியில் நிலவும் காற்றழுத்த தாழ்வு பகுதி மேற்கு-வடமேற்கு திசையில் நகர்ந்து, 31 ஆம் தேதி வாக்கில் தென்கிழக்கு வங்கக்கடலில் காற்றழுத்த தாழ்வு மண்டலமாக வலுப்பெறக்கூடும். பின்னர் ஆந்திரக் கடற்கரையை நோக்கி நகரக்கூடும்.இன்று மேற்கு தொடர்ச்சி மலை மாவட்டங்கள் மற்றும் தெற்கு கடலோர தமிழகத்தில் ஓரிரு இடங்களில் லேசான மழை பெய்யக்கூடும். ஏனைய பகுதிகளில் வறண்ட வானிலை நிலவக்கூடும்.
நாளை மேற்கு தொடர்ச்சி மலை மற்றும் கடலோரப் பகுதிகளிலும், புதுவை, காரைக்காலிலும் லேசான மழை பெய்ய வாய்ப்புள்ளது.நவம்பர் முதல் தேதி வடக்கு கடலோர மாவட்டங்கள், மேற்கு தொடர்ச்சி மலைப் பகுதிகள் மற்றும் சில உள்மாவட்டங்களில் இடி மின்னலுடன் லேசானது முதல் மிதமான மழை பெய்யக்கூடும். இரண்டாம் தேதி நீலகிரியில் கனமழை பெய்ய வாய்ப்புள்ளது. பிற பகுதிகளில் லேசானது முதல் மிதமான மழை பெய்யக்கூடும். மூன்றாம் மற்றும் நான்காம் தேதிகளில் மேற்கு தொடர்ச்சி மலை மற்றும் வட தமிழகத்தில் மிதமான மழை எதிர்பார்க்கப்படுகிறது. ஐந்தாம் தேதி தமிழகம் முழுவதும் ஓரிரு இடங்களில் லேசானது முதல் மிதமான மழை பெய்யக்கூடும்.
இதையும் படிங்க: நாகைக்கு ஆரஞ்சு அலர்ட்.! வெளுக்கப்போகும் மழை..!! தமிழகத்திற்கு எச்சரிக்கை..!!
அதிகபட்ச வெப்பநிலையில் அடுத்த சில நாட்களில் பெரிய மாற்றம் இருக்காது. முப்பதாம் மற்றும் முப்பத்தொன்றாம் தேதிகளில் சில இடங்களில் 2 முதல் 3 டிகிரி அதிகமாக இருக்கக்கூடும்.சென்னையில் இன்று வானம் ஓரளவு மேகமூட்டத்துடன் வறண்ட நிலை நிலவக்கூடும். அதிகபட்ச வெப்பநிலை 35-36 டிகிரி செல்சியஸாகவும், குறைந்தபட்சம் 26-27 டிகிரி செல்சியஸாகவும் இருக்கும். நாளை ஒருசில பகுதிகளில் லேசான மழை பெய்ய வாய்ப்புள்ளது.வங்கக்கடல் பகுதிகளில் பலத்த காற்று வீசக்கூடும் என்பதால் மீனவர்கள் அந்தமான் கடல் மற்றும் தென்கிழக்கு வங்கக்கடல் பகுதிகளுக்குச் செல்ல வேண்டாம் என்று அறிவுறுத்தப்படுகிறார்கள். தமிழக கடலோரப் பகுதிகளில் எச்சரிக்கை இல்லை.
இதையும் படிங்க: 5 மாவட்டங்களுக்கு ரெட் அலர்ட்: திருச்சி, தஞ்சையில் அதி கனமழை எச்சரிக்கை...வங்கக்கடலில் புயல் உருவாகிறது!