முன்னாள் முதல்வர் மு.க. ஸ்டாலின் அவர்கள் அண்மையில் வெளியிட்ட அறிக்கையில், தமிழக அரசின் சமீபத்திய நடவடிக்கைகள் குறித்து கடும் விமர்சனம் தெரிவித்துள்ளார். உயர்நீதிமன்றத்தில் வழக்குகள் நடைபெற்றுக் கொண்டிருக்கும் நிலையிலும், சட்டமன்றக் கூட்டத்தொடர் நடைபெற்றுக் கொண்டிருக்கும் சூழலிலும், முழுக்க முழுக்க அரசியல் காரணங்களுக்காகவே கழக முதன்மைச் செயலாளர் சகோதரர் கே.என். நேரு மீது சோதனை நடவடிக்கை மேற்கொள்ளப்பட்டுள்ளதாக அவர் குற்றம் சாட்டியுள்ளார்.

இந்தச் சோதனை நடவடிக்கை த.வெ.க. அரசால் மேற்கொள்ளப்பட்டுள்ளது என்றும், இது அரசியல் பழிவாங்கல் நோக்கத்துடன் செய்யப்பட்டது என்றும் ஸ்டாலின் சுட்டிக்காட்டியுள்ளார். ஆட்சி அமைப்பதற்காக மற்ற கட்சிகளின் சட்டமன்ற உறுப்பினர்களை ராஜினாமா செய்ய வைத்து, சட்டமன்ற வளாகத்திலேயே அவர்களைத் தம் கட்சியில் சேர்த்தது மற்றும் குதிரை பேரம் நடத்தியது ஆகியவற்றை மக்கள் நன்கு அறிவர் என்று அவர் நினைவுபடுத்தியுள்ளார்.

அது தொடர்பான புகார்களில் லஞ்ச ஒழிப்புத்துறை முதல் தகவல் அறிக்கையைக் கூட பதியாத நிலைமை இருப்பதையும் அவர் சுட்டிக்காட்டியுள்ளார்.இந்திய ஜனநாயகத்தின் இருண்ட பக்கமாக இந்தப் போக்கு தொடர்ந்து கொண்டிருக்கும் நிலையில், வழக்கம்போல் திசைதிருப்பும் நடவடிக்கையைக் கையில் எடுத்துள்ளது இந்த அரசு என்று ஸ்டாலின் கூறியுள்ளார். கே.என். நேரு மற்றும் கழகமும் புதிய அரசின் இத்தகைய பூச்சாண்டிகளுக்கு அஞ்சிட மாட்டோம் என்றும், சட்டத்தின் வழியில் அனைத்தையும் எதிர்கொண்டு வெல்வோம் என்றும் உறுதியளித்துள்ளார்.

இதையும் படிங்க: இனி Z+ இல்ல..!! ஸ்டாலினுக்கு பாதுகாப்பு குறைப்பு..! காவல் நிலையத்தில் புதிய மாற்றம்..!!

இந்த அறிக்கை தமிழக அரசியல் வட்டாரங்களில் பெரும் பரபரப்பை ஏற்படுத்தியுள்ளது. நீதிமன்ற நடவடிக்கைகள் மற்றும் சட்டமன்ற நடவடிக்கைகள் தொடர்ந்து நடைபெற்று வரும் வேளையில் இதுபோன்ற நடவடிக்கைகள் மேற்கொள்ளப்படுவது ஜனநாயக விழுமியங்களுக்கு எதிரானது என்ற கருத்து பல தரப்பிலும் எழுந்துள்ளது.

இதையும் படிங்க: ஷாக் மேல ஷாக்... அன்பில் மகேஷின் அதிகாரம் குறைப்பு... திமுக கட்டமைப்பில் அதிரடி மாற்றம்.!!