பலகட்ட தாமதங்களுக்குப் பிறகு, திட்டமிட்டபடி பால்கன்-9 ராக்கெட் மூலம் இன்று நண்பகல் 12.01 மணிக்கு இந்திய வீரர் சுபான்ஷு சுக்லா குழு விண்வெளி நிலையத்திற்கு புறப்பட்டது. 28 மணிநேர பயணத்திற்கு பிறகு, நாளை மாலை 4.30 மணிக்கு சர்வதேச விண்வெளி நிலையத்தை ஸ்பேஸ் எக்ஸ் டிராகன் விண்கலம் அடைய உள்ளது. 

இத்திட்டத்தின் கீழ், இந்திய விமானப்படையின் குரூப் கேப்டன் சுபான்ஷு சுக்லா, அமெரிக்காவைச் சேர்ந்த மிஷன் கமாண்டர் பெக்கி விட்சன், ஹங்கேரியைச் சேர்ந்த திபோர் கபு மற்றும் போலந்தைச் சேர்ந்த ஸ்லாவோஸ் உஸ்னான்ஸ்கி ஆகியோர் சர்வதேச விண்வெளி நிலையத்திற்கு சென்று, இரண்டு வாரங்கள் தங்கி ஆய்வு செய்கின்றனர்.   

இதையும் படிங்க: இந்த டைம் மிஸ்ஸே ஆகாது.. நாளை விண்வெளிக்கு செல்கிறார் சுபான்ஷு சுக்லா..!

இதில் இந்தியாவுக்காக 7 ஆய்வுகளை செய்கிறார் சுபான்ஷூ சுக்லா. ஏற்கனவே ஐந்து முறை இந்த பயணம் ஒத்திவைக்கப்பட்ட நிலையில், தற்போது பால்கன் ராக்கெட் மூலம் இன்று விண்வெளிக்கு திட்டமிட்டப்படி இந்த பயணம் அமைந்துள்ளது. 40 ஆண்டுகளுக்கு பிறகு இந்தியர் ஒருவர் விண்வெளி பயணம் மேற்கொள்கிறார் என்ற பெருமையை பெற்றுள்ளார் சுபான்ஷூ சுக்லா.

மேலும் இவர் பாசிப்பயறு, வெந்தயத்தை முளைக்க வைத்து ஆய்வு செய்கிறார். சுக்லா மேற்கொள்ளும் மற்றொரு முக்கிய ஆராய்ச்சி, விண்வெளியில் உண்ணக்கூடிய நுண்ணுயிர் பாசிகளின் மீது நுண் ஈர்ப்பு கதிர்வீச்சின் தாக்கம். ஈர்ப்பு விசை இல்லாத நிலையில் இந்த நுண்ணுயிரிகள் எவ்வாறு வளர்கின்றன என்பதை அவர் ஆய்வு செய்வார்.

இந்நிலையில், இந்திய விண்வெளி வீரர் சுபான்ஷூ சுக்லாவுக்கு பிரதமர் மோடி வாழ்த்து தெரிவித்துள்ளார். இதுதொடர்பாக அவர் தனது எக்ஸ் தளப் பதிவில், 

இந்தியா, ஹங்கேரி, போலந்து, அமெரிக்க வீரர்களை ஏற்றிச் சென்ற விண்வெளிப் பயணத்தின் வெற்றிகரமான ஏவுதலை வரவேற்கிறோம். 140 கோடி இந்தியர்களின் விருப்பங்கள், நம்பிக்கைகள், அபிலாஷைகளை தன்னுடன் சுபான்ஷு சுக்லா சுமந்து செல்கிறார். சுபான்ஷு சுக்லாவுக்கும் மற்ற விண்வெளி வீரர்களுக்கும் வெற்றி கிடைக்க வாழ்த்துகள் என பதிவிட்டுள்ளார்.

இதையும் படிங்க: இந்த டைம் கன்ஃபார்ம்.. 5வது முறையாக பிக்ஸான டேட்..! ஜூன் 22ல் விண்வெளி செல்கிறார் சுபான்ஷு சுக்லா..!