கடந்த ஜூலை 1 அன்று, அமெரிக்க அதிபர் டொனால்டு டிரம்ப், இந்தியாவுடன் ஒரு பெரிய வர்த்தக ஒப்பந்தத்திற்கான பேச்சுவார்த்தைகள் நடைபெற்று வருவதாகவும், இது மிகவும் தனித்துவமான ஒப்பந்தமாக இருக்கும் என்றும் அறிவித்தார். இந்த ஒப்பந்தம் மூலம் அமெரிக்க நிறுவனங்கள் இந்திய சந்தையில் குறைந்த வரிகளுடன் நுழைய முடியும் என்று அவர் குறிப்பிட்டார். 

இந்த அறிவிப்பு, இந்தியா-அமெரிக்கா இடையேயான பொருளாதார உறவுகளில் புதிய திருப்பத்தை உருவாக்கலாம் என்று கருதப்படுகிறது, ஆனால் இது இந்திய நிறுவனங்களுக்கு சவால்களையும், வாய்ப்புகளையும் கொண்டுவரலாம் என நிபுணர்கள் எச்சரித்துள்ளனர்.

டிரம்ப், தனது இரண்டாவது பதவிக் காலத்தில், அமெரிக்காவின் வர்த்தகக் கொள்கைகளை மேம்படுத்துவதற்கு முனைப்பு காட்டி வருகிறார். இந்தியா உள்ளிட்ட பல நாடுகள், அமெரிக்க பொருட்களுக்கு அதிக இறக்குமதி வரி விதிப்பதாக அவர் தொடர்ந்து விமர்சித்து வருகிறார். உதாரணமாக, இந்தியா அமெரிக்க வாகனங்களுக்கு 100% வரை வரி விதிப்பதாக அவர் சுட்டிக்காட்டியுள்ளார். 

இதையும் படிங்க: கவனமா இருங்க! சான்ஸ் கிடைச்சா மிஸ் பண்ணாதீங்க! ஈரானில் உள்ள இந்தியர்களுக்கு தூதரகம் வார்னிங்!

இதற்கு பதிலடியாக, இந்தியாவுடன் ஒரு “குறைந்த வரி” ஒப்பந்தத்தை உருவாக்குவதன் மூலம், அமெரிக்க நிறுவனங்களுக்கு இந்திய சந்தையில் சமமான போட்டி வாய்ப்பை உறுதி செய்ய முயற்சிக்கிறார். இந்த ஒப்பந்தம், இந்தியாவின் சந்தை அணுகலை திறப்பதற்கு முக்கியமானதாகக் கருதப்படுகிறது, இது இதுவரை வெளிநாட்டு நிறுவனங்களுக்கு கட்டுப்படுத்தப்பட்டிருந்தது.

இதுகுறித்து  நிருபர்கள் சந்திப்பில் டிரம்ப் கூறியதாவது: நாங்கள் இந்தோனேசியாவுடன் ஒரு ஒப்பந்தம் செய்தோம். நான் அவர்களின் மிகச்சிறந்த ஜனாதிபதியுடன் பேசினேன். இந்தோனேசியாவில், எல்லாவற்றையும் நாங்கள் முழுமையாக அணுக முடியும். உங்களுக்குத் தெரியும்.

நாங்கள் எந்த வரிகளையும் செலுத்த மாட்டோம். அதுதான் ஒப்பந்தத்தின் மிகப்பெரிய பகுதியாக இருக்கலாம். நாங்கள் இந்தியாவிற்குள் நுழையப் போகிறோம். நீங்கள் புரிந்து கொள்ள வேண்டும். எங்கள் மக்களால் உள்ளே செல்ல முடியவில்லை.

கரீபியன், ஆப்ரிக்கா நாடுகளில் இருந்து இறக்குமதி செய்யப்படும் பொருட்களுக்கு 10 சதவீத வரி விதிக்க திட்டமிடப்பட்டு உள்ளது. அனைத்திற்கும் ஒரு வரியை நாங்கள் நிர்ணயிப்போம். குறைந்தது 100 நாடுகளுக்கு 10% க்கும் அதிகமான வரி விதிக்கப்படும் என கூறினார்.

இந்தியா- அமெரிக்கா இடையே வர்த்தக ஒப்பந்தம் இன்னும் இறுதி செய்யப்படவில்லை. குறிப்பிட்ட காலக்கெடுவுக்குள் பெரிய வர்த்தக ஒப்பந்தத்தை முடிவு செய்ய வேண்டும் என்ற அவசரத்தில் இந்தியா செயல்படவில்லை. இரு நாடுகளும் பலன்பெறும் வகையில் முடிவுகள் இருந்தால் மட்டுமே ஏற்று கொள்வோம் என இந்தியா தரப்பில் தெரிவிக்கப்பட்டு உள்ளது.

இதையும் படிங்க: என்ன நடக்கும்னு உங்களுக்கே தெரியும்!! இந்தியாவுக்கு நேட்டோ வார்னிங்! புடினால் வந்த வினை!!