தமிழ் சினிமாவின் முன்னணி நடிகருமான "தளபதி" விஜய் தற்போது அரசியல் பயணத்தில் தீவிரமாக ஈடுபட்டு வரும் நிலையில், அவரது இல்லத்தில் நேற்று மாலை நிகழ்ந்த சம்பவம் சென்னை மக்களிடையே அதிர்ச்சியையும் அதேசமயம் கவலையையும் ஏற்படுத்தியுள்ளது. சென்னை அருகே நீலாங்கரை பகுதியில் நடிகர் விஜய் தங்கியிருக்கும் வீடு உள்ளது. சமீப காலமாக அவர் அரசியல் மற்றும் திரைப்பட வேலைகளுக்காக தொடர்ந்து வெளியூரில் இருப்பதாலும், அங்கு குறைவான மனிதர் வருகை உள்ளதாலும், வீட்டில் பாதுகாப்பு பணியாளர்கள் மட்டுமே நிரந்தரமாக இருப்பது வழக்கம்.

வீடு அழுத்தமாக பாதுகாக்கப்பட்ட இடம் என்றாலும்... நேற்று மாலை நேரம், அந்த வீட்டில் உள்ள மொட்டைமாடியில் ஒருவர் நிசப்தமாக அமர்ந்திருப்பதைக் காண்பித்து, வீட்டில் பாதுகாப்பில் இருந்த காவலாளிகள் அதிர்ச்சி அடைந்தனர். முதலில் அவர் யார் என்ற ஐயத்தில், சற்று அருகில் சென்று கேட்டபோது, அவர் அமைதியாக பதிலளிக்காமல் இருந்ததாகவும், மௌனமாகவே இருந்ததாகவும் கூறப்படுகிறது. இதில் சந்தேகத்துடன் நடந்த காவலாளிகள், அவரை பிடித்து அருகிலுள்ள நீலாங்கரை போலீசாரிடம் ஒப்படைத்தனர். போலீசார் அவரை காவல்நிலையத்திற்கு அழைத்துச் சென்று விசாரணை நடத்தினர். பொதுவாக எந்த ஒரு பிரபலத்தின் இல்லத்துக்குள் அனுமதியின்றி நுழைவது கடுமையான குற்றம்.

இந்நிலையில் போலீசாரின் விசாரணையில், அந்த வாலிபர் மதுராந்தகம் பகுதியில் வசித்து வரும் அருண் (24 வயது) என்பதும் தெரியவந்துள்ளது. அருண் கடந்த 4 ஆண்டுகளாக மனநலக்குறைவால் பாதிக்கப்பட்டவர் என்றும், தற்பொழுது அவர் வேளச்சேரியில் உள்ள தனது சித்தி வீட்டில் தங்கியிருப்பதும், அவருக்கு தொடர்ந்து மனநல சிகிச்சை அளிக்கப்படுவதாகவும் தெரியவந்தது. இது தான் தற்போது போலீசாரிடையே மிக முக்கியமான கேள்வியாக உள்ளது. விஜய் வீடு இருக்கும் அந்த பகுதியில் சுமார் 7 அடிக்கு மேல் உயரம் கொண்ட சுவர், சிசிடிவி கேமராக்கள், மற்றும் இரவு, பகல் பாதுகாப்பு காவலாளிகள் என்ற அடித்தளத்தில் பாதுகாப்பு இருந்தபோதிலும், அருண் என்பவர் எப்படி வீட்டுக்குள் நுழைந்து நேராக மொட்டையடிக்கு சென்றார் என்பது மிகப் பெரிய கேள்விக்குறியாக உள்ளது. இதற்காக போலீசார் தற்போது அந்த வீட்டு சிசிடிவி காணொளிகளை ஆய்வு செய்து வருகிறார்கள்.

இதையும் படிங்க: ரோடு ஷோவுக்கு இந்த வண்டி போதுமா குழந்த..! விஜய் வாங்கிய புது பஸ்ஸின் வீடியோவே இப்படி மிரட்டுதே..!

வீடு சுற்றியுள்ள வீதிகள், அருகிலுள்ள கடைகள், அங்குள்ள நகர காவல் கண்காணிப்பு கேமராக்களிலும் பொருத்தப்பட்ட வீடியோக்கள் மூலம் அவரது அந்நிய நுழைவு குறித்து தடயங்கள் சேகரிக்கப்படுகிறது. அருணை மருத்துவ பரிசோதனைக்காக அரசு மருத்துவமனைக்கு அழைத்துச் சென்ற போலீசார், முதற்கட்ட சோதனையில் அவர் மனநலம் பாதிக்கப்பட்டவர் என உறுதி செய்துள்ளனர். இதனையடுத்து, கீழ்ப்பாக்கத்தில் உள்ள அரசு மனநல மருத்துவமனையில் அவரை அனுமதித்து சிகிச்சை அளிக்க நடவடிக்கை எடுக்கப்பட்டுள்ளது. அதோடு, அவர் ஏற்கனவே எங்கெங்கு சிகிச்சை பெற்றுள்ளார், தற்போது உள்ள மனநல நிலை எப்படி இருக்கிறது என்பதை அறிந்து, அவரது குடும்பத்தினருடன் தொடர்பு கொண்டு, மேலதிக தகவல்களை போலீசார் சேகரிக்கின்றனர். இந்த சம்பவம் வெளியானதிலிருந்து, நீலாங்கரை பகுதியில் சிறிது நேரம் பரபரப்பு நிலவியது.

சில நிமிடங்களுக்கு விஜய் ரசிகர்கள் கூட அந்த வீட்டு அருகே திரண்டனர்.  இது ஒரு நேரடி தாக்கம் அரசியல் களத்திலும் இருக்கலாம் என சிலர் கருத்து தெரிவிக்கின்றனர். ஏனெனில், தற்போது விஜய் தனது "தமிழக வெற்றிக் கழகம்" என்ற அரசியல் கட்சியை நடத்தி வருவதால், அவர் மீது தொடர்ந்து கண்காணிப்புகள், எதிர்பாராத சவால்கள், மற்றும் பாதிப்பு ஏற்படுத்தும் முயற்சிகள் இடம்பெறக்கூடும் எனவும் சிலர் அஞ்சுகிறார்கள். இது உண்மையில் சாதாரண ஒரு மனநலம் பாதிக்கப்பட்ட நபரின் தானாக நிகழ்ந்த செயலா, அல்லது மற்றும் யாராவது திட்டமிட்டு செய்த தானா என்பதையும் போலீசார் விசாரிக்கின்றனர். இப்படி இருக்க நீலாங்கரை காவல் நிலைய அதிகாரிகள் இது குறித்து அளித்த தகவலில், “இது தற்போது ஒரு தனிப்பட்ட மனநலக் கோளாறு கொண்ட நபரால் ஏற்பட்ட நிகழ்வாகவே தோன்றுகிறது.

ஆனால், எப்படியாயினும், இது பிரபலமான நபரின் இல்லம் என்பதால், எல்லா கோணத்திலும் விசாரணை நடக்கிறது. மேலும், வீட்டின் பாதுகாப்பு நிலையும் பார்வையிடப்படுகிறது” என தெரிவித்தனர். இந்தச் சம்பவம் மூலம், பிரபலங்களின் இல்லங்கள், அரசியல் தலைவர்களின் வீடுகள், மற்றும் பொதுவான உயராதிகாரிகளின் பாதுகாப்பு குறித்து, மீண்டும் ஒரு முறை திறந்த விசாரணை மற்றும் பாதுகாப்பு மீளாய்வின் அவசியம் தோன்றுகிறது. அந்த வாலிபர் தற்பொழுது சிகிச்சைக்காக அனுமதிக்கப்படுகிறார். ஆனால், அவரின் மனநிலை முழுமையாக தெளிவாகிய பிறகு, இந்த சம்பவத்தின் முழு பின்னணி இன்னும் வெளிவரும் என எதிர்பார்க்கப்படுகிறது.
 

இதையும் படிங்க: ரோடு ஷோவுக்கு இந்த வண்டி போதுமா குழந்த..! விஜய் வாங்கிய புது பஸ்ஸின் வீடியோவே இப்படி மிரட்டுதே..!