இந்திய திரை உலகின் பாட்ஷாவான ஷாருக்கான், இன்று வெறும் ஒரு நடிகரல்ல, உலகளாவிய அங்கீகாரம் பெற்ற கலாச்சாரப் புரட்சி என்று சொன்னால் மிகையாகாது. இவர் வாழும் மும்பை நகரத்தின் “மன்னத்” எனும் பங்களா, ரசிகர்களின் புனித தலமாகவே பார்க்கப்படுகிறது. அவரை நேரில் காண கனவுகள் காண்பதும், முயற்சி செய்வதும் ஏராளமான ரசிகர்களின் இயல்பு. இந்த வகையில், சமீபத்தில் ஒரு ரசிகர் எடுத்த தெறிக்கவைக்கும் முயற்சி, இணையத்தில் கலக்கும் வீடியோவாக மாறியுள்ளது.

அந்த நபர் ஒருவர் உணவுப் பையுடன் டெலிவரி பாயாக ஷாருக்கான் வீட்டிற்குள் நுழைய முயற்சி செய்த வீடியோ, சமூக வலைதளங்களில் பல லட்சம் பார்வைகள் பெற்று வைரலாகியுள்ளது. இந்த முயற்சியில் ஈடுபட்டவர் சுபம் பிரஜாபத், சமூக ஊடகங்களில் பிரபலமான ஒரு யூடியூப் மற்றும் இன்ஸ்ட்டாகிராம் இன்பிலியூசர். இப்படிப்பட்ட  இவர் கடந்த சில ஆண்டுகளாக “prank” மற்றும் “social experiment” வகை வீடியோக்கள் மூலம் ரசிகர்களிடம் இடம் பிடித்துள்ளார். அவருடைய வீடியோக்களில் உண்மை மற்றும் பொய், திறமை மற்றும் விவாதங்கள் என்ற எல்லைகளைக் கடந்து புதியபடியாக எதையாவது சோதிப்பது வழக்கம்.

இந்த முயற்சியில் அவர் எடுத்த விபரீதமான ‘டெலிவரி பாய்’ வேடம், அதைச் செயல்படுத்திய விதம், மக்களிடம் வரவேற்பை பெற்றுள்ளது. குறிப்பாக பிரபலங்களை நேரில் காண மக்களின் விருப்பங்கள் பரவலாகவே உள்ளன. ஆனால், ஷாருக்கானின் வீடு என்பது சுமாரான பிரபலமான ஒருவரின் இடம் அல்ல. மன்னத் எனும் அந்த பங்களா, மும்பையில் உள்ள சட்டபூர்வ பாதுகாப்பு கொண்ட பிரமாண்டமான சொத்து. தினமும் ஆயிரக்கணக்கான ரசிகர்கள் அவரது வீட்டு வாசலை தரிசிக்கிறார்கள். இந்த சூழ்நிலையில், “அவரை நேரில் காண முடியுமா?” என சோசியல் மீடியா பிரபலம் சுபம் பிரஜாபத் செய்த முயற்சி, பலரையும் வியப்பில் ஆழ்த்தியுள்ளது.

அவர் போட்ட திட்டம் நேரடியாக உணவுப் பையுடன் வருகை தருவது தான்.. அந்த வீடியோவில் சுபம், உணவு டெலிவரி பாயாக Zomato-style சிகப்புப் பையுடன் காபி கப்புடன் காட்சியளிக்கிறார். அவர் பேசுகையில் “காபி டெலிவரி செய்ய வந்திருக்கேன்... பின் வாசல் வழியாக எடுத்து சொல்லியிருந்தாங்க” என்று கூறுகிறார். அவர் பேசும் தைரியம், உடை அமைப்பு, மற்றும் சாமர்த்தியம் என அனைத்தையும் பார்த்து இதை உண்மையாக நம்பிய காவலாளர், பிரஜாபத்தை பின் கதவு வழியாக வீட்டுக்குள் செல்ல சொன்னார். இப்படி முன் காவலாளி அனுமதி அளித்தாலும், வீட்டிற்குள் நுழைந்ததும் அடுத்தபடியாக இருந்த பாதுகாவலர் ஒருவரால் சுபம் நிறுத்தப்படுகிறார். அந்த காவலர், திடீரென சந்தேகத்தின் அடிப்படையில் பிரஜாபத்தைத் தடுத்து, “நீங்க யார்? எந்த கம்பெனி? யாருக்குக் காபி?” என்ற கேள்விகளை கேக்க ஆரம்பிக்கிறார். இதை நேரில் எடுத்துக் காண்பிக்கும் வீடியோவில், பிரஜாபத்தின் முகத்தில் தோன்றும் நெருக்கடி, பதற்றம் மற்றும் நடிப்பு வெளிப்படையாக காணப்படுகிறது.

👉🏻 delivery boy who tried to enter shahrukh khans house - வீடியோ லிங்க் -click - here - 👈🏻

அதன் பின்புலத்தில் உள்ள மேல் நிலை பாதுகாப்பு சூழ்நிலையின் மீதும் ரசிகர்கள் கவனம் செலுத்த தொடங்கினர். இந்த வீடியோ இன்ஸ்ட்டாகிராம், யூடியூப் போன்ற பிளாட்ஃபாம்களில் வெளியிடப்பட்டது. வெளியான சில மணி நேரங்களிலேயே 10 மில்லியனுக்கும் அதிகமான பார்வைகள், 1 லட்சத்துக்கும் மேற்பட்ட லைக்குகள், மற்றும் ஆயிரக்கணக்கான கருத்துகள் பதிவானது. இந்த முயற்சி பலருக்கு சந்தோஷத்தை ஏற்படுத்தியிருக்கலாம். ஆனால், சிலர் இதை வரம்பு மீறல், தனியுரிமை மீறல், மற்றும் பாதுகாப்பு சட்டத்திற்கே எதிரான செயலாக பார்க்கின்றனர். பிரபலங்களை நேரில் காண விருப்பமிருப்பது இயல்பானது.

ஆனால் அதற்காக சொந்தமாக பாதுகாக்கப்பட்ட இடங்களுக்குள் போலியான அடையாளத்துடன் நுழைவது, சமுதாய ரீதியாக சரியானதா? என பல ஊடகங்கள் மற்றும் பிரபலங்கள் இந்த விஷயத்தில் எச்சரிக்கை நிலைப்பாட்டை எடுத்துள்ளனர். இந்த சம்பவம் ஷாருக்கானின் வீட்டில் நேரில் நடைபெற்றதென வீடியோ காட்டுகின்றது. ஆனால் இதுவரை ஷாருக்கானின் தரப்பிலோ, அவரது பாதுகாப்பு குழுவிலோ இருந்து எந்தவொரு அதிகாரபூர்வ பதிலும் வெளியிடப்படவில்லை. இது ஒரு திட்டமிட்ட வீடியோவா? இல்லையெனில் உண்மையில் நடந்ததா? என்பது இன்னும் துல்லியமாகத் தெரியவில்லை.

ஆகவே சுபம் பிரஜாபத்தின் செயல், ஒரு ரசிகனின் அழுத்தமான ஆசையும், மீடியா தொழில்நுட்பத்தின் வல்லமையும் வெளிப்படுத்துகிறது. ஆனால், இது போன்ற செயல்கள் எதிர்காலத்தில் சட்ட ரீதியான விளைவுகளை ஏற்படுத்தலாம் என்பது உறுதி. மேலும் ஷாருக்கான் போன்ற உலக பிரசித்தி பெற்ற ஒருவர், தினமும் இலட்சக் கணக்கான ரசிகர்களை சந்திக்கிறார். அவரை நேரில் காண விரும்புவது தவறு இல்லை. ஆனால் அதற்கான பாதைகள் நியாயமானவை, பாதுகாப்பானவை ஆக இருக்க வேண்டும்.