தமிழ் தொலைக்காட்சி உலகில் ரசிகர்களின் மனதில் நீங்காத இடத்தை பிடித்த தொகுப்பாளினிகளில் முக்கியமானவர் திவ்யதர்ஷினி, அனைவராலும் அன்போடு அழைக்கப்படும் டிடி.
சின்னத்திரையில் ஒரு நிகழ்ச்சியை எப்படி சுவாரஸ்யமாக கொண்டு செல்ல வேண்டும் என்பதற்கு எடுத்துக்காட்டாக விளங்கியவர் அவர்.
தனது இயல்பான பேச்சு, நகைச்சுவையான அணுகுமுறை, விருந்தினர்களுடன் எளிதாக பழகும் திறன் ஆகியவற்றின் மூலம் பல ஆண்டுகளாக ரசிகர்களின் விருப்பமான தொகுப்பாளினியாக இருந்து வருகிறார்.
இதையும் படிங்க: சினிமாவை விட்டு போனாலும்.. தளபதிக்கு மவுசு குறையல..!! ஜனநாயகன் ரிலீஸ்.. ஜிவி பிரகாஷை தொடர்ந்து பேக் அடித்த லோகேஷ் கனகராஜ்..!
விஜய் டிவி என்றாலே நினைவுக்கு வரும் முக்கியமான முகங்களில் ஒன்றாக திகழும் டிடி, தனது நீண்ட கால தொலைக்காட்சி பயணத்தில் பல பிரபலமான நிகழ்ச்சிகளை தொகுத்து வழங்கியுள்ளார்.
குறிப்பாக, அவர் தொகுத்து வழங்கிய ‘காஃபி வித் டிடி’ நிகழ்ச்சி ரசிகர்கள் மத்தியில் மிகப்பெரிய வரவேற்பை பெற்றது.
திரை பிரபலங்களுடன் அவர் நடத்திய சுவாரஸ்யமான உரையாடல்கள், அவர்களின் தனிப்பட்ட அனுபவங்களை வெளிக்கொண்டு வந்த விதம் என அந்த நிகழ்ச்சி தனி ரசிகர் பட்டாளத்தை உருவாக்கியது.
ஒரு தொகுப்பாளராக மட்டுமல்லாமல், பல சினிமா நிகழ்ச்சிகள், விருது விழாக்கள், இசை வெளியீட்டு விழாக்கள் போன்ற பிரம்மாண்டமான நிகழ்வுகளிலும் டிடி தனது தனித்துவமான பாணியில் நிகழ்ச்சிகளை தொகுத்து வழங்கி வந்தார்.
மேடையில் அவரது தன்னம்பிக்கையான பேச்சும், நேர்த்தியான நிகழ்ச்சி நடத்தும் முறையும் பலராலும் பாராட்டப்பட்டது.
ஆனால், கடந்த சில ஆண்டுகளாக டிடியின் தொலைக்காட்சி நிகழ்ச்சிகள் குறைந்தன. இதற்கு முக்கிய காரணமாக அவரது உடல்நிலை பிரச்சனைகள் கூறப்பட்டன.
நீண்ட நேரம் நிற்பது மற்றும் தொடர்ச்சியாக நிகழ்ச்சிகளை தொகுத்து வழங்குவது அவருக்கு சிரமமாக இருந்ததால், வழக்கமான தொலைக்காட்சி நிகழ்ச்சிகளில் இருந்து அவர் சற்று விலகி இருந்தார்.
இருப்பினும், சினிமா தொடர்பான முக்கிய நிகழ்ச்சிகள், இசை வெளியீட்டு விழாக்கள் மற்றும் சில சிறப்பு நிகழ்வுகளில் மட்டும் அவ்வப்போது தோன்றி ரசிகர்களை சந்தித்து வருகிறார்.
இதையும் படிங்க: என் புருஷன் தான் எனக்கு மட்டும் தான்னு இருக்கணும்..!! வருங்கால வாழ்க்கை துணை குறித்து மனம் திறந்த நடிகை பிரீத்தி முகுந்தன்..!