தென்னிந்திய திரையுலகில் சமீப ஆண்டுகளில் தனக்கென ஒரு தனி இடத்தை பிடித்த நடிகை என்றால் அது கீர்த்தி சுரேஷ் தான். இயற்கை அழகும், திறமையான நடிப்பும், ஒவ்வொரு கதாபாத்திரத்திலும் தனித்துவம் காட்டும் திறனும் ஆகியவற்றால் ரசிகர்கள் மத்தியில் பிரபலமானவர். இப்படி இருக்க கீர்த்தி சுரேஷ் சினிமாவில் சாதாரணமாக வந்து வெற்றி பெற்றவர் அல்ல. கடந்த 2000-ம் ஆண்டு, குழந்தை நட்சத்திரமாகவே சினிமா பயணத்தை தொடங்கினார். மலையாள சினிமா துறையில் பிரபலமான குடும்பத்தில் பிறந்த அவர், சிறு வயதிலிருந்தே கலைத்துறையில் ஆர்வம் காட்டினார்.

அவரது தந்தை சுரேஷ் குமார் ஒரு பிரபல தயாரிப்பாளர், தாய் மெனகா ஒரு முன்னணி நடிகை. எனவே கீர்த்திக்கு சினிமா துறையின் நடையை சிறு வயதிலிருந்தே தெரிந்திருந்தது. பின்பு 2013-ம் ஆண்டு மலையாளத்தில் வெளிவந்த “கீதாஞ்சலி” என்ற திரைப்படத்தின் மூலம் அவர் கதாநாயகியாக அறிமுகமானார். அந்தப் படம் நல்ல வரவேற்பைப் பெற்றது, மேலும் கீர்த்தியின் திறமைக்கு சினிமா உலகம் முழுவதும் பாராட்டு தெரிவித்தது. அதைத் தொடர்ந்து அவர் தமிழில் “இதுதான் மாயம்” என்ற படத்தின் மூலம் ஹீரோயினாக அறிமுகமானார். தமிழ் திரையுலகில் அவர் நடித்த சில படங்கள் அவரை ரசிகர்களின் மனதில் நிலைநிறுத்தியது. குறிப்பாக தனுஷ், சிவகார்த்திகேயன், விஜய், விக்ரம், சூர்யா, விஷால் போன்ற முன்னணி நடிகர்களுடன் கீர்த்தி நடித்திருப்பது அவரது திறமையையும், ரசிகர்களிடம் பெற்ற பெரும் வரவேற்பையும் காட்டுகிறது. அத்துடன் “ரெமோ”, “பேரன்பு”, “சர்கார்”, “சாண்டாரா” போன்ற பல படங்களில் அவர் நடித்ததன் மூலம் தமிழ் திரையுலகில் தன்னுடைய இடத்தை உறுதிப்படுத்தினார்.

தமிழில் மட்டுமல்லாமல், தெலுங்கு சினிமாவிலும் கீர்த்தி சுரேஷ் மிகப்பெரிய ரசிகர் பட்டாளத்தை பெற்றுள்ளார். கடந்த 2018-ம் ஆண்டு வெளிவந்த “மகாநதி” என்ற படம் அவருக்கு ஒரு வரலாற்று திருப்புமுனையாக அமைந்தது. அந்தப் படத்தில் அவர் நடித்தது புராண நடிகை சாவித்திரியின் கதாபாத்திரம். அந்த கதாபாத்திரத்தில் அவர் காட்டிய உண்மையான உணர்வுகள், வலிமையான நடிப்பு – இவரை தேசிய விருது வென்ற நடிகையாக உயர்த்தியது. அந்த தேசிய விருதே அவரது கலைத்திறனுக்கு கிடைத்த மிகப்பெரிய அங்கீகாரம். இவ்வளவு காலம் கீர்த்தி தனது தனிப்பட்ட வாழ்க்கை குறித்து பேசாமல் இருந்தவர். ஆனால் சமீபத்தில் தெலுங்கில் பிரபலமாக ஒளிபரப்பாகும் “ஜெயம்மு நிஷ்யம்முரா” என்ற நிகழ்ச்சியில் கலந்து கொண்டு, தனது காதல் மற்றும் திருமண வாழ்க்கையை பற்றிய அதிர்ச்சி தகவலை பகிர்ந்துள்ளார். அந்த நிகழ்ச்சியை பிரபல நடிகர் ஜகபதி பாபு தொகுத்து வழங்கினார். அவரது நேர்மையான கேள்விகளுக்கு, கீர்த்தியும் சிரித்தபடி ஆனால் உண்மையாக பதிலளித்தார்.

இதையும் படிங்க: தெலுங்கு சினிமாவில் நடிகை கீர்த்தி சுரேஷ்..! திருமணத்திற்கு பின் வெளியாக உள்ள மாஸ் ஹிட் மூவி..!

அதில் பேசிய கீர்த்தி சுரேஷ்,  “என் கணவர் ஆண்டனி தட்டில் சிறப்புமிக்க நபர். நாங்கள் பள்ளியில் படித்துக் கொண்டிருந்த காலத்திலிருந்தே ஒருவரையொருவர் அறிந்திருந்தோம். அப்போது ஒருவருக்கொருவர் மீது ஈர்ப்பு இருந்தது. ஆனால் அப்போது எங்கள் வாழ்க்கை குறிக்கோளில் கவனம் செலுத்தினோம். உறவை வெளிப்படுத்தவில்லை. பின் என் கணவர் ஆண்டனி தற்போது கத்தாரில் தனியாக தொழில் செய்து வருகிறார். நாங்கள் இடைவெளியில் 5 ஆண்டுகள் ஒருவரையொருவர் பார்க்காமல் இருந்தோம். ஆனாலும் அந்த உறவில் எந்த சிதைவுமில்லை. அன்பும் நம்பிக்கையும் மட்டுமே எங்களை இணைத்திருந்தது. அதுமட்டுமல்லாமல் நாங்கள் வெவ்வேறு மதங்களைச் சேர்ந்தவர்கள் என்பதால், எங்கள் காதலை பெற்றோர்கள் ஏற்றுக்கொள்வார்களா என்ற பயம் இருந்தது. பல மாதங்கள் அந்த எண்ணத்திலேயே இருந்தோம்.

சுமார் 4 ஆண்டுகளுக்கு முன், என் காதல் விஷயத்தை அப்பாவிடம் சொன்னேன். அவருக்கு அதிர்ச்சி அளித்தது உண்மை. ஆனால் அவர் எந்த கோபமும் காட்டவில்லை. மாறாக, ‘நீங்கள் இருவரும் மகிழ்ச்சியாக இருந்தால் அதுவே முக்கியம்’ என்று சொன்னார். அந்த வார்த்தைகள் எனக்கு மிகப்பெரிய ஆறுதலாக அமைந்தது,” என கீர்த்தி சுரேஷ் கூறினார். சும்மா இல்லை அவருக்காக நான் 15 வருடங்கள் காத்திருந்தேன். நாங்கள் 15 வருட காதல் வாழ்க்கையில் பல தடைகளை சந்தித்தோம். ஆனால் அந்த தடைகளை தாண்டி இன்று திருமண பந்தத்தில் இணைந்து இருக்கிறோம். இதற்கெல்லாம் கடவுளுக்கு நன்றி” என தெரிவித்து இருக்கிறார். இதனை கேட்ட ரசிகர்கள் பலரும் “இது சினிமா கதையை விட அழகான உண்மையான காதல் கதை” என கூறினர். இந்த பேட்டியின் வீடியோ வெளிவந்த சில மணி நேரங்களுக்குள்ளேயே சமூக வலைதளங்களில் வைரலாகியது.

பலரும் கீர்த்தியின் நேர்மையான பேச்சை பாராட்டினர். கீர்த்தியின் இந்த வெளிப்படையான பேச்சு, தெலுங்கு மீடியா உலகில் பெரும் பரபரப்பை ஏற்படுத்தியது. பல தொலைக்காட்சி சேனல்கள், யூடியூப் பக்கங்கள், மற்றும் ரசிகர்கள் இதை விவாதித்தனர். திருமணத்திற்கு பிறகும் கீர்த்தி சுரேஷ் தனது கலைப்பயணத்தை நிறுத்தவில்லை. அவர் தற்போது தமிழ், தெலுங்கு, மற்றும் ஹிந்தி ஆகிய மொழிகளில் பல படங்களில் நடிக்க ஒப்பந்தமாகியுள்ளார். மேலும், தனது சொந்த தயாரிப்பு நிறுவனத்தை தொடங்கும் முயற்சியிலும் இருப்பதாக கூறப்படுகிறது. ஆகவே கீர்த்தி சுரேஷின் வாழ்க்கை ஒரு சிறந்த ஊக்ககதை. குழந்தை நட்சத்திரமாக தொடங்கி, தேசிய விருது வென்ற நடிகையாக உயர்ந்தவர்.

அதே நேரத்தில், 15 வருடங்கள் காத்திருந்து தனது உண்மையான காதலை வென்ற பெண்ணாகவும் அவர் ரசிகர்களிடையே பெரும் மரியாதையை பெற்றுள்ளார். அவரது இந்த காதல் கதை சினிமாவை விட மேலான உணர்வுகளைக் கொண்டது என்று ரசிகர்கள் கூறுகிறார்கள். கீர்த்தி சுரேஷ் தற்போது “காதலும், கனவும், வெற்றியும் இணைந்த நடிகை” என்ற பட்டத்தை ரசிகர்களிடமிருந்து பெற்றுள்ளார்.

இதையும் படிங்க: தெலுங்கு சினிமாவில் நடிகை கீர்த்தி சுரேஷ்..! திருமணத்திற்கு பின் வெளியாக உள்ள மாஸ் ஹிட் மூவி..!