தென்னிந்திய திரையுலகில் முன்னணி நடிகையாக வலம் வரும் கீர்த்தி சுரேஷ், தன்னுடைய தன்னம்பிக்கையும் திறமையாலும் ரசிகர்களிடம் தனித்த இடத்தை பிடித்துள்ளார். 2013-ம் ஆண்டு மலையாள சினிமாவிலிருந்து அறிமுகமான இவர், தற்போது தமிழ், தெலுங்கு, மலையாளம் என மூன்று மொழித் திரையுலகிலும் பிரபலமாகியுள்ளார். ஆனால் சமீபத்தில் கீர்த்தி சுரேஷ் தனது முதல் திரைப்பட அனுபவத்தை நினைவுகூர்ந்தபோது, அந்த நாட்களில் சந்தித்த சவால்களை மனமுவந்து பகிர்ந்துள்ளார்.

இப்படி இருக்க கீர்த்தி சுரேஷின் திரைப்படப் பயணம் மலையாள திரைப்படமான ‘கீதாஞ்சலி’ (2013) மூலமாக தொடங்கியது. அந்தப் படத்தை பிரபல இயக்குநர் பிரியதர்ஷன் இயக்கியிருந்தார். நடிகை சவுதர்யா பாக்யநாதனின் மகளாக சினிமா உலகுக்குள் வந்தாலும், கீர்த்தி தனது திறமையால் தனக்கென ஒரு பெயரை உருவாக்க முயன்றார். அந்த தொடக்க காலத்தை நினைவுகூர்ந்த கீர்த்தி, சமீபத்தில் நடந்த ஒரு பேட்டியில், தனது முதல் படத்தில் நேர்ந்த ஒரு மறக்க முடியாத சம்பவத்தை வெளிப்படையாகப் பகிர்ந்துள்ளார். அவர் பேசுகையில், “எனது மலையாள திரைப்படப் பயணம் ‘கீதாஞ்சலி’ மூலம் தொடங்கியது. அந்தப் படத்தை இயக்கியவர் பிரியதர்ஷன் அவர்கள். நான் புதியவர் என்பதால் மிகுந்த நெருக்கடியில் இருந்தேன். ஒரு காட்சியை படமாக்கிய பிறகு, அவர் என்மீது கடுமையாகக் கோபப்பட்டார். எனது நடிப்பில் குறை இருந்ததாக நினைத்தேன்.

அவர் என்னை அனைவரின் முன்னிலும் திட்டிய அந்த நொடி எனக்கு பெரும் மன அழுத்தத்தை தந்தது. அது எனது முதல் படம் என்பதால், நான் மிகுந்த உணர்ச்சிவசப்பட்டு அழுதேன். அந்த நிமிடத்தில் நான் ஒரு தவறு செய்துவிட்டேன் என எண்ணினேன். ஆனால் பின்னர் புரிந்தது அவர் ஒரு இயக்குநராக எப்போதும் ஒவ்வொருவரிடமும் ஒரே தீவிரத்துடன் நடந்து கொள்கிறார். அவர் தனது சொந்த மகள் கல்யாணி பிரியதர்ஷனையும் அதேபோல் கண்டிப்பார். அது ஒரு கலைஞனாக வளர்ச்சிக்கு உதவும் விதமாகவே அவர் செய்கிறார் என்பதையும் பின்னர் உணர்ந்தேன்” என்றார்.

இதையும் படிங்க: 15 வருட காத்திருப்பு...திருணம் செய்ய தடையாக இருந்த அந்த விஷயம்..! நடிகை கீர்த்தி சுரேஷ் ஓபன் டாக்..!

இந்த அனுபவத்திற்குப் பிறகு கீர்த்தி தன்னைக் கடுமையாகத் தயார் செய்து, தனது திறமையை நிரூபிக்க முனைந்தார். “அந்த திட்டுதல் எனக்கு ஒரு திருப்புமுனையாக மாறியது,” என கீர்த்தி கூறுகிறார். அதன் பின்னர், கீர்த்தி சுரேஷ் ‘ரெமோ’, ‘சர்க்கார்’ போன்ற பல ஹிட் படங்களில் நடித்தார். குறிப்பாக ‘மகாநதி’ படத்தில் நடிகை சாவித்ரியாக நடித்ததற்காக தேசிய விருது பெற்றது, அவரது வாழ்க்கையில் ஒரு முக்கியமான மைல்கல்லாக அமைந்தது. சமீபத்தில் வெளியான சில படங்கள் எதிர்பார்த்தளவில் வெற்றி பெறவில்லை என்றாலும், கீர்த்தி தற்போது பல புதிய முயற்சிகளில் ஈடுபட்டு வருகிறார். அவர் நடிப்பில் விரைவில் வெளிவரவிருக்கும் முக்கியமான படங்கள் என்றால் ‘ரிவால்வர் ரீட்டா’ — அதிரடி நகைச்சுவை திரைப்படம், ‘கண்ணிவெடி’ — அதிரடி த்ரில்லர் படம், மேலும், ‘அக்கா’ என்கிற வெப் சீரிஸ், இது இந்த ஆண்டின் இறுதிக்குள் ஓடிடி தளங்களில் வெளியாகவுள்ளது.

இந்த வெப் சீரிஸில் கீர்த்தி சுரேஷ் ஒரு புதிய வகை கதாபாத்திரத்தில் நடிப்பதாகவும், இது அவரின் ரசிகர்களுக்கு புதிய அனுபவமாக இருக்கும் என்றும் கூறப்படுகிறது. பிரபலமாக இருந்தாலும், கீர்த்தி எப்போதும் தன்னைப் பொறுமையாக வளர்த்துக்கொள்கிறார். சமீபத்திய பேட்டியில் அவர் பேசுகையில், “சினிமா உலகம் எளிதானது அல்ல. ஒவ்வொரு படமும், ஒவ்வொரு கதாபாத்திரமும் என்னை புதிதாகச் சவால் செய்கிறது. தோல்விகளிலிருந்து கற்றுக்கொள்வதுதான் ஒரு நடிகைக்கு மிகப் பெரிய பலம். நான் இன்று இங்கு இருக்கிறேன் என்றால், அது என் தவறுகளிலிருந்து நான் கற்றது தான். இயக்குநர் பிரியதர்ஷனின் திட்டுதல் எனது மனதில் காயத்தை ஏற்படுத்தியதில்லை, அது ஒரு பாடமாக மாறியது. அவர் என்னை ஒரு சிறந்த நடிகையாக்க உதவினார்.

இன்று அவர் மீது எனக்கு மிகுந்த மரியாதை உள்ளது” என்றார். கீர்த்தி சுரேஷின் ஒவ்வொரு புதிய படத்தையும் ரசிகர்கள் ஆவலுடன் எதிர்நோக்கி வருகிறார்கள். குறிப்பாக ‘ரிவால்வர் ரீட்டா’ படத்தின் போஸ்டர்கள் வெளிவந்தபோதே சமூக வலைதளங்களில் வைரலாகி, ரசிகர்களிடம் பெரும் எதிர்பார்ப்பை ஏற்படுத்தியுள்ளன. ஆகவே ஒரு இயக்குநரின் கண்டிப்பை தன்னம்பிக்கையின் அடிப்படையாக மாற்றிய கீர்த்தி சுரேஷ், இன்று தென்னிந்திய சினிமாவின் மிகுந்த மதிப்புள்ள நடிகைகளில் ஒருவராக திகழ்கிறார்.

அவரது வாழ்க்கைப் பயணம் ஒரு இளம் நடிகைக்குப் பாடமாகவும், தன்னம்பிக்கையுடன் செயல்படுவதற்கான ஊக்கமாகவும் உள்ளது. எனவே “திட்டப்பட்ட அந்த நொடி எனது வாழ்க்கையின் மிகப் பெரிய பாடமாக மாறியது” ஆனாலும் இந்த ஒரு வரி, கீர்த்தி சுரேஷின் கலைஞனாகிய வளர்ச்சியையும் மனவலிமையையும் தெளிவாக வெளிப்படுத்துகிறது.

இதையும் படிங்க: தெலுங்கு சினிமாவில் நடிகை கீர்த்தி சுரேஷ்..! திருமணத்திற்கு பின் வெளியாக உள்ள மாஸ் ஹிட் மூவி..!