சின்னத்திரை ரசிகர்கள் மத்தியில் தொடர்ந்து வரவேற்பை பெற்று வரும் சீரியல்களில் ‘பாண்டியன் ஸ்டோர்ஸ்’ தொடருக்கும் முக்கியமான இடம் உண்டு.

குடும்ப உறவுகள், அண்ணன்–தம்பிகளின் பாசம், திருமண வாழ்க்கை, குடும்பத்திற்குள் ஏற்படும் பிரச்சினைகள் என பல்வேறு உணர்வுகளை மையமாக வைத்து ஒளிபரப்பாகி வரும் இந்தத் தொடருக்கு தனி ரசிகர்கள் பட்டாளமே உள்ளது. 

இதையும் படிங்க: டோரதி விமர்சனம்: கீர்த்தி சுரேஷின் துணிச்சலான கதைக்களம்..!! இளையராஜாவின் இசை பலம் – கார்த்திக் சுப்பராஜின் ‘டோரதி’ எப்படி இருக்கு..!

ஒவ்வொரு கதாபாத்திரத்தையும் ரசிகர்கள் தங்களது குடும்பத்தில் ஒருவராகவே பார்க்கும் அளவுக்கு இந்தத் தொடர் மக்கள் மத்தியில் பிரபலமாகியுள்ளது.

தற்போது சீரியலின் கதைக்களமும் அடுத்தடுத்த திருப்பங்களுடன் விறுவிறுப்பாக நகர்ந்து வருகிறது. சுகன்யா–பழனி வளைகாப்பு நிகழ்ச்சி சமீபத்தில் கோலாகலமாக நடைபெற்ற நிலையில், அடுத்ததாக மயிலின் வளைகாப்பு நிகழ்ச்சி பாண்டியன் வீட்டில் விமர்சையாக நடைபெற உள்ளது. 

இதனை மையமாக வைத்து வரும் காட்சிகள் சீரியல் ரசிகர்களிடம் எதிர்பார்ப்பை ஏற்படுத்தியுள்ளன. பாண்டியன் குடும்பத்தைச் சுற்றி நகர்ந்து வரும் கதையில், சுகன்யா–பழனியின் வளைகாப்பு நிகழ்ச்சி முக்கியமான நிகழ்வாக அமைந்தது. 

குடும்ப உறுப்பினர்கள் அனைவரும் ஒன்று கூடி நடத்தும் விசேஷ நிகழ்ச்சி என்பதால், இந்தக் காட்சிகள் தொடரில் உறவுகளுக்கு இடையிலான பல்வேறு உணர்வுகளை வெளிப்படுத்தும் வகையில் அமைந்திருந்தன.

வளைகாப்பு போன்ற குடும்ப நிகழ்ச்சிகள் சீரியல்களில் ரசிகர்களை எளிதாக கவரும் அம்சமாக இருந்து வருகின்றன.  காரணம், ஒரு குடும்பத்தில் உள்ள பல கதாபாத்திரங்களையும் ஒரே இடத்தில் கொண்டு வருவதுடன், அவர்களுக்கிடையேயான பாசம், கருத்து வேறுபாடு மற்றும் மனக்கசப்பு போன்றவற்றையும் ஒரே நிகழ்வின் மூலம் வெளிப்படுத்த முடியும்.

இதையும் படிங்க: கருப்பு நிற புடவையில் மாஸ் காட்டும் சுந்தரி..!! நடிகை கேப்ரியல்லா செல்லஸின் லேட்டஸ்ட் கிளாமர் போட்டோஷூட் வைரல்..!