கோலிவுட் திரையுலகில் பல தசாப்தங்களாக இடைவிடாது பயணித்து வரும் நடிகர்களில் ஒருவர் சரத்குமார். நடிப்பு, அரசியல், சமூகப் பொறுப்பு என பல தளங்களில் தன் முத்திரையை பதித்துள்ள அவர், வயதை மீறிய உடல் தகுதி மற்றும் இளமைத் தோற்றம் காரணமாக இன்றும் ரசிகர்களின் கவனத்தை ஈர்த்து வருகிறார்.

இந்த ஆண்டில் அவர் நடித்த 3 BHK மற்றும் Dude ஆகிய திரைப்படங்கள் மக்கள் மத்தியில் நல்ல வரவேற்பை பெற்றுள்ள நிலையில், சரத்குமார் மீண்டும் ஒரு முறை தன் நடிப்பு திறனை நிரூபித்திருக்கிறார். தமிழ் சினிமாவில் 1980களில் அறிமுகமான சரத்குமார், ஆரம்ப காலங்களில் வில்லன் மற்றும் துணை நடிகர் கதாபாத்திரங்களில் நடித்திருந்தாலும், பின்னர் கதாநாயகனாக உயர்ந்து பல வெற்றிப் படங்களை கொடுத்துள்ளார். சூரியவம்சம், நாட்டாமை, சமுத்திரம், நட்புக்காக போன்ற படங்கள் அவரை மக்கள் மனங்களில் உறுதியாக பதிய வைத்தன. குறிப்பாக குடும்ப உணர்வுகளையும் சமூக பொறுப்பையும் மையமாகக் கொண்ட கதைகளில் அவர் செய்த நடிப்பு, அனைத்து வயதினரையும் கவர்ந்தது.

இந்நிலையில், இந்த ஆண்டு வெளியான 3 BHK திரைப்படத்தில் அவர் நடித்த பாத்திரம், நடுத்தர வர்க்க குடும்பத்தின் உணர்வுகளை மிக இயல்பாக வெளிப்படுத்தியது. அதேபோல், Dude படத்தில் அவர் எடுத்துக் கொண்ட மாறுபட்ட கதாபாத்திரமும் விமர்சகர்களின் பாராட்டைப் பெற்றது. வயது ஒரு தடையல்ல என்பதற்கு எடுத்துக்காட்டாக, தொடர்ந்து புதிய கதைகளையும் சவாலான பாத்திரங்களையும் தேர்ந்தெடுத்து நடித்து வருகிறார் சரத்குமார். இப்படி இருக்க நடிப்பைத் தாண்டி, அவர் அவ்வப்போது அளிக்கும் பேட்டிகளும் சமூக வலைதளங்களில் வைரலாகி வருகிறது. வாழ்க்கை, உடல் நலம், ஒழுக்கம், இளைய தலைமுறைக்கு அவர் வழங்கும் அறிவுரைகள் போன்றவை பலரையும் சிந்திக்க வைக்கின்றன.

இதையும் படிங்க: நடிகை அதுல்யா ரவி ஹோம்லி லுக்கில் எடுத்த அழகிய போட்டோஷூட் இதோ..!

சமீபத்தில் அவர் கலந்து கொண்ட ஒரு நிகழ்ச்சியில், தன் வயதை பற்றியும் உடல் ஆரோக்கியம் பற்றியும் பேசிய கருத்துகள் தற்போது இணையத்தில் அதிகமாக பகிரப்பட்டு வருகிறது. அந்த நிகழ்ச்சியில் பேசிய சரத்குமார், “நான் இப்போது 71 வயதாகிறேன். இந்த வயதிலும் நான் சுறுசுறுப்பாக இருக்கிறேன் என்றால் அதற்கு முக்கிய காரணம் என் வாழ்க்கை முறைதான். நான் புகைப்பிடிப்பதில்லை, மதுபானம் அருந்துவதும் இல்லை. நல்ல பழக்க வழக்கங்களை கடைபிடித்து வருகிறேன்” என்று கூறினார். மேலும், “உடல் நலத்திற்கு ஒழுக்கமான வாழ்க்கை மிகவும் அவசியம். எதை சாப்பிடுகிறோம், எப்போது தூங்குகிறோம், மனதை எவ்வாறு சமநிலைப்படுத்துகிறோம் என்பதெல்லாம் முக்கியம்” என்றும் அவர் விளக்கினார். சரத்குமாரின் இந்த பேச்சு, ரசிகர்கள் மட்டுமல்லாது பொதுமக்களிடமும் நல்ல வரவேற்பை பெற்றுள்ளது.

குறிப்பாக இன்றைய இளம் தலைமுறைக்கு இது ஒரு நல்ல எடுத்துக்காட்டாக பார்க்கப்படுகிறது. திரையுலகில் பலர் தவறான பழக்கங்களுக்கு அடிமையாகி உடல் நலத்தை இழக்கும் சூழலில், சரத்குமார் போன்ற நடிகர்கள் காட்டும் ஒழுக்கமான வாழ்க்கை முறை, மற்றவர்களுக்கு ஊக்கமாக அமைகிறது. அரசியலிலும் ஒரு காலகட்டத்தில் தீவிரமாக செயல்பட்ட சரத்குமார், மக்கள் சேவை என்ற நோக்கத்துடன் பல முயற்சிகளில் ஈடுபட்டுள்ளார். அரசியல் பயணத்தில் பல ஏற்றத் தாழ்வுகளை சந்தித்தாலும், தனிப்பட்ட வாழ்க்கையிலும் தொழிலிலும் ஒழுக்கத்தை கடைபிடித்து வருவது அவரது தனிச்சிறப்பாகும்.

இதனால்தான் அவர் குறித்து பேசும் போது “டிஸிப்ளின்” என்ற வார்த்தை தவிர்க்க முடியாத ஒன்றாக உள்ளது. திரைத்துறையில் இன்றைய இளம் நடிகர்களுடன் கூட இணைந்து நடிக்கத் தயங்காத சரத்குமார், கதைக்கு முக்கியத்துவம் கொடுக்கும் நடிகராக அறியப்படுகிறார். பெரிய ஹீரோ என்ற புகழை விட, கதாபாத்திரத்தின் ஆழம் மற்றும் படத்தின் கருத்து ஆகியவற்றையே அவர் முன்னிலைப்படுத்துவதாக பலர் கூறுகின்றனர். இதனால்தான், வயது 70-ஐ கடந்தபோதும் அவருக்கு தொடர்ந்து நல்ல வாய்ப்புகள் கிடைத்து வருகிறது. ரசிகர்கள் சமூக வலைதளங்களில், “சரத்குமார் உண்மையில் ரியல் ஹீரோ”, “வயதை வென்ற நடிகர்”, “இளைய தலைமுறைக்கு ஒரு பாடம்” போன்ற கருத்துகளை பதிவிட்டு வருகின்றனர். அவரது உடல் தகுதி மட்டுமல்லாமல், மன உறுதியும் நேர்மையும் தான் அவரை இன்றளவும் முன்னணியில் வைத்திருக்கிறது என்பதே பொதுவான கருத்தாக உள்ளது.

மொத்தத்தில், சரத்குமார் ஒரு நடிகர் மட்டுமல்ல, ஒழுக்கமான வாழ்க்கை முறைக்கு ஒரு எடுத்துக்காட்டாகவும் திகழ்கிறார். 71 வயதிலும் சுறுசுறுப்பாக திரையுலகில் செயல்பட்டு வரும் அவர், “வயது என்பது ஒரு எண்ணிக்கை மட்டுமே” என்பதை மீண்டும் மீண்டும் நிரூபித்து வருகிறார். தொடர்ந்து நல்ல கதைகளைத் தேர்ந்தெடுத்து நடித்து, ரசிகர்களை கவர்ந்துவரும் சரத்குமாரின் பயணம், இன்னும் பல ஆண்டுகள் தொடர வேண்டும் என்பதே அவரது ரசிகர்களின் எதிர்பார்ப்பாக உள்ளது.

இதையும் படிங்க: ஆண் இயக்குநர் பெண் இயக்குநர் என்பதெல்லாம் அந்த காலம்..! இப்ப நியூ ட்ரெண்ட் - சுதா கொங்கரா ஸ்பீச்..!