விஜய் தொலைக்காட்சியில் தொடங்கிய முதல் நாளில் இருந்து இப்பொழுது வரை டிஆர்பியில் முதல் இடத்தில் கெத்தாக இருக்கும் “சிறகடிக்க ஆசை”யின், இன்று ஒளிபரப்பான எபிசோடு ரசிகர்களை சற்று ஏமாற்றியதோடு, சிரிப்பிலும் முழுக வைத்தது.

பல மாதங்களாக எதிர்பார்த்து காத்திருந்த ரோஹினி சம்பந்தப்பட்ட பெரிய ரகசியம் வெளிவரும் என அனைவரும் நினைத்திருந்த நிலையில், அது வெறும் புஸ்வானம் போல அமைதியாக சுழன்று கரைந்துவிட்டது. ரோஹினி பற்றிய உண்மையை தெரிந்தும், மீனா எதையும் வெளியில் சொல்லாமல் வீட்டை விட்டு தனது அம்மா, தம்பி வீட்டுக்குச் சென்று அமைதியாக அங்கே தங்கி விட்டது ரசிகர்களை கொதிக்க வைத்தது. ஒருவரும் ஏன் பேசவில்லை… ஏன் ஈர்ப்பு இல்லை… ஏன் சண்டை கூட இல்லை என்று கமெண்ட் பகுதியில் பார்வையாளர்கள் புலம்பிய நிலையில், உணர்ச்சி கலக்கிய நகைச்சுவையும் சேர்ந்து கதையை இன்று சற்று வித்தியாசமான திசை நோக்கி இழுத்துச் சென்றது. மீனா இல்லாத இல்லத்தில், முத்து வீட்டிற்கு வந்ததும் மனோஜ், ரோஹினி, விஜயா மூவரும் ‘இது தான் நமக்கு கிடைத்த வாய்ப்பு’ என்ற மனநிலையில் அவரை வார்த்தையால் பேசி தாக்கத் தொடங்கினார்கள்.

முத்துவும் யாரிடமும் தப்ப விடாமல், “ரோஹினி தான் மீனா வீட்டை விட்டு போவதற்கான காரணம்” என சத்தம் போட்டதும், வீட்டிலே வாக்குவாதம் ஒரு அளவுக்கு மேல் உயர்ந்தது. அதுமட்டுமல்லாமல் என்னைக்கும் இல்லாம ரோகிணி விட்டு வேலை எல்லாத்தையும் இன்று செய்ய, அதுல டவுட் ஆன முத்து, என்ன பார்லர் அம்மா, இனிமே மீனா இந்த வீட்டுக்கு வரக்கூடாதுன்னு இந்த வேலை எல்லாம் செய்றீங்களா என கேட்க, மீண்டும் வாக்குவாதம் தொடங்கிடிச்சி. அப்பறம் எப்படியோ வாக்குவாதம் முடிவுக்கு வர, வழக்கம்போல அண்ணாமலை அந்த இடத்தை தனது சின்ன மேடையாக மாற்றி “சாப்பிட்டு போ முத்து” என கோபக் குரலில் கூற, முத்து உடனே “வேண்டாம் பா… என் மனைவி பற்றி பேசல... அவ இல்லைனா இங்க எனக்கு சோறு போடவும் ஆள் இல்ல என புரிஞ்சிக்கிட்டேன்” என பதிலடி கொடுது போயிட்டாப்ல.

இதையும் படிங்க: சூடுபிடிக்கும் நடிகர் விஷால்-லைகா நிறுவன வழக்கு..!! சென்னை ஐகோர்ட் போட்ட அதிரடி உத்தரவு என்ன..??

இதையெல்லாம் பார்த்த ரசிகர்கள் சிரித்தும் சிந்தித்தும் இருக்க, அடுத்த நொடியே முத்து இன்னும் தீயைத் தூண்டும் மாதிரி “என் மனைவி சமையலை நீ சாப்பிடவே கூடாது” என்று வெடித்து விட்டார். இந்த சண்டை அத்தனைக்கும் நடுவே, முத்துவின் உண்மையான உணர்ச்சி வரி ரசிகர்களைக் கலங்கவும் சிரிக்கவும் வைத்தது “மீனா இருந்தால்தான் எனக்கு இந்த வீட்டில் சாப்பாடு கிடைக்கும்… அதை என் மனசுக்குத் தெரியும்” என அந்த வார்த்தை தான். இந்த ஒரு வசனம் இணையத்தில் வைரலானது. முத்துவின் பசி-பாசம் கலந்த உரையாடலை மீம்கள், ரீல்ஸ், ஸ்டேட்டஸ்கள் அனைத்தும் மீண்டும் மீண்டும் விவாதித்தன.

அடுத்த பக்கம் மீனா—அம்மா வீட்டில் ஒரே அமைதியாக, தேநீர் குடித்து, தம்பியை பார்த்து ஒரு சிரிப்பும் கூட இல்லாமல் சும்மா அமர்ந்து இருந்தார். “என்னம்மா… ஏன் முகத்தை இப்படி வச்சிருக்க?” என்று அவர்களும் கேட்டும், மீனா இன்னும் எதுவும் வெளிப்படுத்தாததால் கதை அடுத்த கியரில் போகாமல் நிற்பது போல ஏற்பட்டது. இதைக் கண்டு ரசிகர்கள் “மீனா… பேச முடியாதா? சின்ன ரியாக்ஷனாவது கொடு” என்று தலையைத் தலையில் அடித்துக் கொண்டார்கள். இதையெல்லாம் கவனிக்காமல், இன்றைய முழு எபிசோடு சண்டை, பசி, அமைதி, சந்தேகம் என்ற நான்கு முக்கிய உணர்வுகளால் நிரம்பியது.

ரோஹினியின் ரகசியம் இன்னும் பூட்டிய பீரோவாகவே உள்ளது. மனோஜ் இன்னும் சூடாக, விஜயா ரியாக்டராக, அண்ணாமலை சத்தமாக, முத்து பசியாக, மீனா மவுனமாக, கதை மெதுவாக செல்லும் இந்த ஓட்டம் ரசிகர்களை கோபப்படுத்தியும் கவர்ந்தும் இருக்கிறது. ஆனால் TRP விஷயத்தில், இந்த புஸ்வானம் காட்சியே பலரின் கவனத்தை ஈர்த்ததோடு, சமூக வலைதளங்களில் என ட்ரெண்டாகி விட்டது. இன்றைய எபிசோடில் உண்மையில் ரகசியம் கசக்குமா… மீனா வாயைத் திறப்பாளா… ரோஹினியின் முகமூடி கிழியும் தருணமா…

அல்லது முத்துவுக்கு சாப்பாடு கிடைக்குமா என்பதை ரசிகர்கள் ஆவலுடன் காத்திருக்கின்றனர். இப்படியே சிரிப்பு + வைரல் + சஸ்பென்ஸ் சேர்ந்து பறக்கும் “சிறகடிக்க ஆசை”, ரசிகர்களை நாளுக்கு நாள் பசியும் சஸ்பென்சும் கலந்த சுவாரஸ்யத்தில் வைத்துக்கொண்டு தொடர்கிறது.

இதையும் படிங்க: மீண்டும் தியேட்டரில் மாஸ் என்ட்ரி கொடுக்கும் ராஜு பாய்..!! 'அஞ்சான்' ரீரிலீஸ் எப்போ தெரியுமா..??