சின்னத்திரையில் இருந்து வெள்ளித்திரைக்கு சென்று ரசிகர்கள் மத்தியில் தனக்கென ஒரு இடத்தை பிடித்திருக்கும் பிரபலங்களில் ஒருவராக சிவாங்கி கிருஷ்ணகுமார் இருக்கிறார்.

பாடகியாகவும், தொலைக்காட்சி பிரபலமாகவும் அறிமுகமான இவர், தனது குழந்தைத்தனமான பேச்சு, துறுதுறுப்பான செயல்பாடுகள் மற்றும் இயல்பான நடிப்பால் ரசிகர்களை கவர்ந்தார்.

இதையும் படிங்க: ரூ.40 லட்சம் பண விவகாரம்..!! நடிகர் ராஜ்கிரணுக்கு நிபந்தனை முன்ஜாமீன்.. சென்னை ஐகோர்ட்டு அதிரடி உத்தரவு..!

குறிப்பாக ‘குக் வித் கோமாளி’ நிகழ்ச்சியில் சிவாங்கி பங்கேற்ற பிறகு அவருக்கான ரசிகர்கள் வட்டாரம் மிகப்பெரிய அளவில் அதிகரித்தது.

சிவாங்கி என்றாலே முதலில் நினைவுக்கு வருவது அவரது கலகலப்பான பேச்சும், நிகழ்ச்சிகளில் அவர் வெளிப்படுத்தும் எனர்ஜியும்தான்.

‘சூப்பர் சிங்கர்’ நிகழ்ச்சியின் மூலம் தொலைக்காட்சியில் அறிமுகமான அவர், பாடகியாக தனது திறமையை வெளிப்படுத்தியிருந்தார்.

தொடர்ந்து ‘குக் வித் கோமாளி’ நிகழ்ச்சியில் கோமாளியாக களமிறங்கியபோது, போட்டியாளர்களுடன் அவர் செய்த காமெடி, குறும்புகள் மற்றும் நிகழ்ச்சியில் வெளிப்படுத்திய இயல்பான குணம் ஆகியவை ரசிகர்களை வெகுவாக கவர்ந்தன.

அந்த நிகழ்ச்சியின் மூலம் கிடைத்த வரவேற்பை தொடர்ந்து சிவாங்கிக்கு சினிமாவிலும் வாய்ப்புகள் குவியத் தொடங்கின. தற்போது நடிகையாகவும் தனது பயணத்தை தொடர்ந்து வரும் அவர், சமூக வலைதளங்களிலும் மிகவும் ஆக்டிவாக இருந்து வருகிறார்.

குறிப்பாக இன்ஸ்டாகிராமில் தனது அன்றாட வாழ்க்கை, படப்பிடிப்பு அனுபவங்கள், நண்பர்களுடனான தருணங்கள் மற்றும் பயண புகைப்படங்களை அவ்வப்போது பகிர்ந்து வருகிறார்.

இந்த நிலையில், சிவாங்கி சமீபத்தில் இலங்கைக்கு சுற்றுலா சென்றுள்ளார். அங்கு அவர் எடுத்துக்கொண்ட புகைப்படங்களை தனது இன்ஸ்டாகிராம் பக்கத்தில் பகிர்ந்துள்ளார்.

இயற்கை அழகுடன் கூடிய பல்வேறு இடங்களில் அவர் எடுத்துள்ள புகைப்படங்கள் தற்போது சமூக வலைதளங்களில் ரசிகர்களின் கவனத்தை ஈர்த்து வருகின்றன.

இலங்கையின் இயற்கை அழகு, பசுமையான சூழல் மற்றும் சுற்றுலா தலங்களின் பின்னணியில் சிவாங்கி எடுத்துள்ள புகைப்படங்கள் அவரது வழக்கமான சமூக வலைதள பதிவுகளில் இருந்து சற்று வித்தியாசமாக அமைந்துள்ளன.

இதையும் படிங்க: ‘லவ் & வார்’ படத்தில் இதுவரை பார்க்காத ஆலியா பட்..! அரைகுறை ஆடையில் நியூ ஜெனரேஷன் கேபரேட் லுக்.. அந்தமாரி டான்ஸாம்..!