தமிழ் சின்னத்திரையிலும், பின்னர் வெள்ளித்திரையிலும் தனது தனித்துவமான நகைச்சுவை நடிப்பால் மக்கள் மனதில் அழியாத இடம் பிடித்த நடிகர் ரோபோ சங்கர் நேற்று இரவு 09:05 மணியளவில் உடல்நலக் குறைவால் காலமானார். அவரது மறைவு, தமிழ் திரை உலகில் பெரும் அதிர்ச்சியையும், மனவேதனையையும் ஏற்படுத்தியுள்ளது.

ரோபோ சங்கர் தமிழ் மக்களுக்கு முதலில் அறிமுகமானது சின்னத்திரையில். பல நகைச்சுவை நிகழ்ச்சிகள், ரியாலிட்டி ஷோக்கள், மற்றும் ஸ்டேண்ட்அப் காமெடிகளின் மூலம் மக்கள் மத்தியில் ஒரு தனி அடையாளமாக விளங்கியவர். அவரது முகபாவனைகள், பேச்சுத் திறன், சிக்கனமான வசனங்கள் என இவை அனைத்தும் அவரை ஒரு சிறந்த நகைச்சுவை நடிகனாக உயர்த்தியது. தொடர்ந்து, அவருக்கு வெள்ளித்திரை வாய்ப்புகள் கிடைக்க ஆரம்பித்தன. சிறு சிறு வேடங்களாக தொடங்கிய அவர், இப்போது முன்னணி நடிகர்களுடன் நடிக்கும் அளவுக்கு வளர்ந்தார். அவரது திரைப்பயணத்தில் முக்கியமான இடம் பிடித்தது விஜய்யுடன் நடித்த 'புலி' படம். பின்னர் அஜித் நடிப்பில் வெளிவந்த 'விஸ்வாசம்', தனுஷ் நடித்த 'மாரி', சிவகார்த்திகேயனின் வேலைக்காரன்', மிரட்டல், மாயவன், ராஜாதி ராஜா, சந்தானம் நடிக்கும் பல படங்கள், என தொடர்ந்து பல முன்னணி நட்சத்திரங்களுடன் முக்கிய காமெடி வேடங்களில் நடித்து, அவருக்கு ஒரு தனி ரசிகர் வட்டத்தை உருவாக்கிக் கொண்டார். அவரது ஒவ்வொரு கதாபாத்திரத்திலும், சிறு நேரம் மட்டுமே திரையில் இருந்தாலும் கூட, அந்த காட்சிகளை ரசிகர்கள் மனதில் பதிந்து விடும் அளவுக்கு அவர் தனது நடிப்பை வெளிப்படுத்தினார். சில வருடங்களுக்கு முன்னர், மஞ்சள் காமாலை போன்ற கல்லீரல் சம்பந்தமான நோயால் பாதிக்கப்பட்ட ரோபோ சங்கர், ஒரு கட்டத்தில் தீவிர சிகிச்சைக்கு உட்பட்டார்.

இந்த நிலையில் இருந்தபோதும், மீண்டும் படப்பிடிப்புகளில் பங்கேற்க வேண்டும் என்ற உறுதியுடன் சிகிச்சைக்கு பதிலளித்து, திரையுலகில் மீண்டும் கால் பதித்தார். ஆனால், சமீபமாக மீண்டும் உடல்நலம் பாதிக்கப்பட்டதால், அவர் சென்னையில் உள்ள ஒரு தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். மருத்துவமனையில் கடந்த சில நாட்களாக அவர் சிகிச்சைக்கு பதிலளிக்காமல், கவலைக்கிடமான நிலையில் இருந்ததாக தகவல்கள் தெரிவிக்கின்றன. இந்நிலையில், நேற்று இரவு 9.05 மணியளவில் மருத்துவர்கள் பலத்த சிகிச்சை அளித்தும் பலனின்றி அவரது உயிர் பிரிந்ததாக அறிவிக்கப்பட்டது. ரோபோ சங்கரின் மரணம் திரையுலகையே வியப்படைய செய்துள்ளது. தமிழ் சினிமா நடிகர்கள், இயக்குநர்கள், தொழில்நுட்ப கலைஞர்கள், ரசிகர்கள் என அனைவரும் சமூக வலைதளங்களில் இரங்கல் தெரிவித்து வருகின்றனர்.

இதையும் படிங்க: விஜய் இடத்தை நிரப்ப வந்த எஸ்.கே..! ரசிகர்கள் கோஷங்களுக்கு சிவகார்த்திகேயன் கொடுத்த நச் பதில்..!

அவரது உடலை பார்க்க வந்த ரசிகர்கள், உறவினர்கள், நண்பர்கள், மற்றும் திரையுலக சகோதரர்கள் அனைவரும் ஒரு முகமாக துக்கம் மற்றும் சோகத்தில் மூழ்கியுள்ளனர். “சினிமாவே இன்னும் நிறைய கொடுக்க வேண்டிய ஒரு கலைஞரை இழந்துவிட்டது” என்ற எண்ணம் அவரைச் சுற்றியுள்ளவர்களின் மனதை பதைத்து விடுகிறது. இந்நிலையில், நடிகர் சிவகார்த்திகேயன், ரோபோ சங்கரின் வீட்டுக்கு நேரில் வந்து அவரது உடலுக்கு அஞ்சலி செலுத்தி, அவரது குடும்பத்தினரிடம் ஆறுதல் கூறியதாக தகவல்கள் தெரிவிக்கின்றன. சிவகார்த்திகேயனும், ரோபோ சங்கரும் பல திரைப்படங்களில் இணைந்து நடித்த அனுபவம் கொண்டவர்கள். இருவருக்குமான நட்பும் நெருக்கமும், இந்த அஞ்சலி நிகழ்வில் வெளிப்பட்டது. சிவகார்த்திகேயன் மட்டுமல்ல, பல திரைப்பிரபலர்களும் அடுத்து அடுத்து வந்து, இறுதி மரியாதை செலுத்தி வருகின்றனர். ரோபோ சங்கரின் உடல், இன்று மதியம் அவரது சொந்த இடத்தில் இறுதிச் சடங்கு நடைபெற உள்ளதாக அவரது குடும்பத்தினர் தெரிவித்துள்ளனர்.

பொது மக்களும், திரை உலகத்தினர் பலரும் இறுதி சடங்கில் பங்கேற்க வருகின்றனர். நடிகர் கமல் ஹாசன், வரலட்சுமி சரத்குமார், வெங்கட்பிரபு, மற்றும் பல பிரபலங்கள் அவரை நினைத்து உருக்கமான வார்த்தைகளை பகிர்ந்துள்ளனர். இப்படியாக பலரும் அவரது உடலுக்கு அஞ்சலி செலுத்தி வரும் நிலையில் ரோபோ சங்கரின் நெருங்கிய நண்பரான நடிகர் சிவகார்த்திகேயன், நேரில் சென்று அவரது உடலுக்கு அஞ்சலி செலுத்தி குடும்பத்தில் உள்ள அனைவருக்கும் ஆறுதல் கூறி இருக்கிறார். 
 

இதையும் படிங்க: தெலுங்கு படங்களை குறித்து இப்படி சொல்லிட்டாரே..! நடிகர் சிவகார்த்திகேயன் ஓபன் டாக்..!