தமிழ் சினிமாவின் பிரமாண்ட நட்சத்திரங்களுள் ஒருவராக விளங்கும் நடிகை த்ரிஷா கிருஷ்ணன், 42 வயதிலும் தனது அழகு, கவர்ச்சி மற்றும் உடல்நல பராமரிப்பால் இளம் தலைமுறை நாயகிகளுக்கே சவால் விடுகிறார். 2000களின் தொடக்கத்தில் இருந்து இன்று வரை தமிழ், தெலுங்கு திரைப்பட ரசிகர்களின் மனதில் “கனவுக் கன்னி” என்ற பெயரால் வாழும் இவர், தன் இயல்பான சிரிப்பும், கலங்காத குணமும் காரணமாக ரசிகர்களால் மிகவும் நேசிக்கப்படுகிறார்.

த்ரிஷா முதன் முதலில் தமிழ் ரசிகர்களுக்கு அறிமுகமானது “மௌனம் பேசியதே” திரைப்படத்தின் மூலம். அந்த படத்தில் த்ரிஷாவின் எளிமையான நடிப்பு, முகபாவனை, மென்மையான குரல் ஆகியவை ரசிகர்களை ஈர்த்தன. ஆனால், த்ரிஷாவை பெரும் அளவில் தமிழ் சினிமா ரசிகர்களிடம் கொண்டு சென்றது விக்ரம் நடிப்பில் வெளிவந்த “சாமி” திரைப்படமே. அந்த படத்தில் அவர் நடித்த புனிதா என்ற கதாபாத்திரம் இன்றும் ரசிகர்களால் மறக்க முடியாத ஒன்று. அதன் பின், “லேசா லேசா, அலை, எனக்கு 20 உனக்கு 18, கில்லி, ஆயுத எழுத்து, திருப்பாச்சி, ஜி, ஆறு, உனக்கும் எனக்கும், கிரீடம்” போன்ற பல ஹிட் படங்களில் நடித்ததன் மூலம், த்ரிஷா தனது நிலையை தமிழ்த் திரையுலகில் உறுதிப்படுத்தினார். காலக்கெடுவில் சில வருடங்கள் த்ரிஷா திரைப்படங்களில் இருந்து சிறிது பின்தங்கி இருந்தார்.

பல புதிய நடிகைகள் வரிசையாக வந்ததால், த்ரிஷா மார்க்கெட்டில் சிறிதளவு மாற்றம் ஏற்பட்டது. ஆனால், அவருடைய ரசிகர் வட்டம் மட்டும் ஒருபோதும் குறையவில்லை. அவரின் கம்பேக் மிகச் சிறப்பாக அமைந்தது “பொன்னியின் செல்வன்” திரைப்படத்தின் மூலம். மணிரத்னம் இயக்கிய இந்த வரலாற்று திரைப்படம் த்ரிஷாவுக்கு புதிய உயரத்தைத் தந்தது. “குந்தவை தேவியாய்” த்ரிஷா நடித்த விதம், அவரது தோற்றம், நடிப்பு, பெருமை, சாமர்த்தியம் ஆகியவற்றால் ரசிகர்களும் விமர்சகர்களும் பெரிதும் பாராட்டினர். இதன் மூலம், த்ரிஷா மீண்டும் தமிழ் மற்றும் தெலுங்கு திரைப்படங்களில் முன்னணி நடிகை என்கிற இடத்தை உறுதிப்படுத்தினார். தற்போது த்ரிஷா தெலுங்கு சூப்பர் ஸ்டார் சிரஞ்சீவியுடன் “விஸ்வம்பரா” திரைப்படத்தில் நடித்து வருகிறார். அதேபோல் தமிழ் சினிமாவில் சூர்யாவுடன் “கருப்பு ஆகி” என்ற திரைப்படத்தில் ஜோடியாக நடித்துவருகிறார். இரு திரைப்படங்களுமே ரசிகர்களிடம் பெரும் எதிர்பார்ப்பை ஏற்படுத்தியுள்ளன.

இதையும் படிங்க: ஏலே.. பண்டிகையை கொண்டாடுங்களே..! நடிகை திரிஷா-வுக்கு கல்யாணமாம்.. தீயாக பரவும் தகவல்..!

இந்நிலையில், கடந்த சில நாட்களாக நடிகை த்ரிஷா திருமணம் செய்ய உள்ளார் என்ற வதந்திகள் வேகமாக இணையத்தில் பரவின. குறிப்பாக, பஞ்சாப் மாநிலத்தைச் சேர்ந்த ஒரு தொழிலதிபருடன் த்ரிஷா விரைவில் திருமணம் செய்வதாக சில ஊடகங்கள் மற்றும் இணையப் பக்கங்கள் தகவல்கள் வெளியிட்டன. சில சமூக வலைதளங்கள், “த்ரிஷா விரைவில் பஞ்சாப் தொழிலதிபரை மணக்கவிருக்கிறார்” என்று தலைப்பிட்டுக் கதைகளைப் பதிவிட்டன. சிலர் அவருடைய “திருமண தேதி நிச்சயிக்கப்பட்டுவிட்டது” என்றும் கூறினர். இதனால் ரசிகர்கள் இடையே பெரும் ஆர்வம் ஏற்பட்டுள்ளது. இந்த வதந்திகள் அதிகரித்த போது, த்ரிஷா அமைதியாக இருக்காமல், தனது இன்ஸ்ட்டாகிராம் ஸ்டோரியில் பதிலடி அளித்தார்.

ஆனால் அவர் வழக்கம்போல் நகைச்சுவையுடனும் தன்னம்பிக்கையுடனும் பதிலளித்தார். அவரது பதிவில், “எனது வாழ்க்கை பற்றி மற்றவர்கள் முடிவு செய்வதை நான் மிகவும் விரும்புகிறேன். இனி என் ஹனிமூனையும் அவர்களே பிளான் செய்வதற்காக காத்துக் கொண்டிருக்கிறேன்!” என பதிவிட்டுள்ளார். இந்த ஒரே வரியால் த்ரிஷா வதந்திகளை நகைச்சுவையாக சிதறடித்துவிட்டார்.  இந்தப் பதிவுக்கு பிறகு, த்ரிஷாவின் ரசிகர்கள் சமூக வலைதளங்களில் பெரும் ஆதரவு காட்டி வருகின்றனர். இது முதல் முறை அல்ல.  த்ரிஷா தற்போது தனது வாழ்க்கையின் முக்கியமான கட்டத்தில் இருக்கிறார். சமூக ஊடகங்களில் பல பிராண்ட் கம்பெயின்கள், மனிதநேய திட்டங்கள், விலங்குகள் பாதுகாப்பு பிரச்சாரங்கள் ஆகியவற்றில் அவர் ஈடுபட்டு வருகிறார். “திருமண வாழ்க்கை ஒருநாள் வரும், ஆனால் அதற்குள் நான் என்னைச் சிறப்பாக உருவாக்கிக்கொள்வதே முக்கியம்” எனும் எண்ணத்துடன் அவர் வாழ்கிறார்.

ஆகவே திருமண வதந்திகளை நகைச்சுவையுடன் முறியடித்த த்ரிஷா மீண்டும் ரசிகர்களின் இதயத்தை கவர்ந்துள்ளார். 42 வயதிலும் தன்னம்பிக்கையுடன், உற்சாகத்துடன், தொழில் மற்றும் தனி வாழ்க்கையை சமநிலைப்படுத்தி முன்னேறி வருகிறார். அவரது இன்ஸ்டா ஸ்டோரி ஒரு சின்ன பதிலாக இருந்தாலும், அதன் பின்னால் ஒரு பெரிய செய்தி இருக்கிறது. அதுதான் “என் வாழ்க்கை என்னுடையது. அதை நான் தான் தீர்மானிப்பேன்” என்பது தான்.

இதையும் படிங்க: அழகில் துளிகூட குறை வைக்காத நடிகை திரிஷா..! அழகிய ஸ்டில் கலெக்ஷன்ஸ்..!