திராவிட முன்னேற்றக் கழகத்தின் மகளிரணி, கட்சியின் முக்கியமான சார்பு அணிகளில் ஒன்றாக விளங்குகிறது. திமுக 1949-ஆம் ஆண்டு பேரறிஞர் அண்ணா அவர்களால் தொடங்கப்பட்ட போது, திராவிட இயக்கத்தின் அடிப்படையில் சமூக நீதி, சமத்துவம், பகுத்தறிவு ஆகிய கொள்கைகளை முன்னிறுத்தியது. இந்த இயக்கத்தின் தொடர்ச்சியாக, பெண்களின் உரிமைகள் மற்றும் முன்னேற்றத்தை வலியுறுத்தும் வகையில் மகளிரணி உருவாக்கப்பட்டது.

திமுகவின் வரலாற்றில் பெண்களுக்கு சொத்தில் சம உரிமை, கல்வி வாய்ப்புகள், அரசியல் பங்களிப்பு ஆகியவற்றை ஊக்குவிப்பதில் மகளிரணி முக்கிய பங்காற்றி வருகிறது. முதலமைச்சர் ஸ்டாலின் தலைமையில், 29.12.2025 அன்று திருப்பூர் மாவட்டம், பல்லடத்தில், "வெல்லும் தமிழ்ப் பெண்கள்" தி.மு.க. மேற்கு மண்டல மகளிர் அணி மாநாடு கறுப்பு சிகப்பு மகளிர் அணி படையின் மாபெரும் எழுச்சியோடு வெற்றிகரமாக நடைபெற்றதைத் தொடர்ந்து டெல்டா மண்டல மகளிரணி மாநாடு நடைபெற இருக்கிறது என்று அறிவிக்கப்பட்டது. 

தஞ்சாவூர் மாவட்டம், செங்கிப்பட்டியில் இன்று "வெல்லும் தமிழ்ப் பெண்கள்” தி.மு.க. டெல்டா மண்டல மகளிர் அணி மாநாடு நடைபெற உள்ளது. இந்த மாநாட்டில் முதலமைச்சர் ஸ்டாலின் கலந்து கொண்டு சிறப்புரையாற்றுகிறார். மாநாட்டுக்கு துணைப் பொதுச்செயலாளரும், எம்.பி.யுமான கனிமொழி தலைமையில் தி.மு.க. முதன்மைச் செயலாளரும், அமைச்சருமான கே.என். நேரு முன்னிலையில் மாநாடு நடைபெற உள்ளது. தஞ்சையில் நடைபெறும் பல்வேறு நிகழ்ச்சிகளில் பங்கேற்பதற்காக முதல்வர் ஸ்டாலின் புறப்பட்டார்.

இதையும் படிங்க: குடியரசு தின விழாவில் அணிவகுத்த அலங்கார ஊர்திகள்..! களைகட்டிய நிகழ்ச்சிகள்..!

பல நிகழ்ச்சிகளில் பங்கேற்கும் முதல்வர் ஸ்டாலின் இன்று மாலை நடைபெறும் திமுக மகளிர் அணி மாநாட்டில் பங்கேற்கிறார். துணை முதலமைச்சர் உதயநிதி ஸ்டாலினும் தஞ்சைக்கு புறப்பட்டார். திமுக மகளிர் அணி மாநாட்டுக்கு முதல்வர் ஸ்டாலின் அழைப்பு விடுத்துள்ளார். திராவிட இயக்கத் தீரர்களை வாரி வழங்கிய தஞ்சை மண்ணில் மாலை சந்திப்போம் என தெரிவித்துள்ளார். சட்டமன்றத் தேர்தல் நெருங்கிய நிலையில் நடைபெறும் திமுக மாநாடு என்பதால் மிகவும் முக்கியத்துவம் வாய்ந்த ஒன்றாகவும் அரசியலில் உற்று நோக்கும் நிகழ்வாகவும் பார்க்கப்படுகிறது. 

இதையும் படிங்க: நெருங்கும் தேர்தல்... உற்று நோக்கும் அரசியல் களம்..! திமுக மகளிர் அணி மாநாட்டில் முதல்வர் ஸ்டாலின் பங்கேற்பு..!