என்ன மக்களே ரெடியா..? தொடர் சரிவில் தங்கம் விலை.. ஆனா வெள்ளி ரேட்..?

தங்கம் விலை கடந்த சில நாட்களாகவே ஏற்ற, இறக்கத்துடனேயே காணப்பட்டு வருகிறது. அந்த வகையில், கடந்த சனிக்கிழமை தங்கம் விலை அதிரடியாக குறைந்தது. அதன்படி, சென்னையில் ஆபரணத் தங்கத்தின் விலை சவரனுக்கு ரூ.1,200 குறைந்து ரூ.71,840-க்கு விற்பனை செய்யப்பட்டது. கிராமுக்கு ரூ.150 குறைந்து ரூ.8,980-க்கு விற்பனை செய்யப்பட்டது. இதனை தொடர்ந்து திங்கட்கிழமையும் தங்கம் விலை சவரனுக்கு ரூ.200 குறைந்தது. இந்நிலையில், தொடர்ந்து 3வது நாளாக இன்றும் தங்கத்தின் விலை குறைந்துள்ளது.

தங்கம் விலை நிலவரம் (10/06/2025): 

இன்றைய நிலவரப்படி, (செவ்வாய்கிழமை) 22 காரட் ஆபரண தங்கத்தின் விலை கிராமுக்கு ரூ.10 குறைந்து ஒரு கிராம் 8 ஆயிரத்து 945 ரூபாய்க்கும், சவரனுக்கு ரூ.80 குறைந்து 71 ஆயிரத்து 560 ரூபாய்க்கும் விற்பனையாகி வருகிறது. 

இதையும் படிங்க: தங்கம் விலையில் இன்று மாற்றம் இல்லை.. ஆனால் எகிறிய வெள்ளி விலை..!

இன்றைய வர்த்தகத்தின் போது 24 காரட் சுத்த தங்கத்தின் விலை கிராமுக்கு ரூ.11 குறைந்து ஒரு கிராம் 9 ஆயிரத்து 758 ரூபாய்க்கும், சவரனுக்கு ரூ.88 குறைந்து 78 ஆயிரத்து 064 ரூபாய்க்கும் விற்பனையாகி வருகிறது. 

வெள்ளி விலை நிலவரம்:

தங்கம் விலை குறைந்த நிலையில் வெள்ளியின் விலை சற்று அதிகரித்துள்ளது. கிராமுக்கு 1 ரூபாய் அதிகரித்து, 119 ரூபாய்க்கும், கிலோவிற்கு ரூ.1,000 அதிகரித்து ஒரு லட்சத்து 19 ஆயிரம்  ரூபாய்க்கும் விற்பனையாகிறது. 

சரிவுக்கான காரணம் என்ன?

அமெரிக்க டாலரின் மதிப்பு உயர்ந்துள்ளதால் சர்வதேச சந்தையில் தங்கத்தின் மீதான முதலீடு குறைந்துள்ளது.

இதையும் படிங்க: ரூ.73 ஆயிரத்தை தாண்டிய தங்கம் விலை.. அதிர்ச்சியில் இல்லத்தரசிகள்..!