கடந்த இரண்டு நாட்களாக கிடுகிடுவென உயர்ந்து வந்த தங்கம் விலை இன்று சற்று குறைந்துள்ளது நகை வாங்க காத்திருப்போருக்கு நிம்மதியை ஏற்படுத்தியுள்ளது. 

நேற்றைய வர்த்தகத்தின் படி, 22 காரட் ஆபரண தங்கம் கிராம் 8,975 ரூபாய்க்கும், சவரன் 71,800 ரூபாய்க்கும் விற்பனையானது.

இதையும் படிங்க: இனி நகை வாங்குவது கனவு தான்...! ஏறுமுகத்தில் தங்கம் விலை.. கலக்கத்தில் இல்லத்தரசிகள்..!

தங்கம் விலை நிலவரம் (23/05/2025): 

இன்றைய நிலவரப்படி, (வெள்ளி கிழமை) 22 காரட் ஆபரண தங்கத்தின் விலை கிராமிற்கு 35 ரூபாய் குறைந்து 8 ஆயிரத்து 940 ரூபாய்க்கும், சவரனுக்கு 280 ரூபாய் குறைந்து 71 ஆயிரத்து 520 ரூபாய்க்கும் விற்பனையாகி வருகிறது. இருப்பினும் தங்கம் விலை ஒரு சவரன் ரூ.72 ஆயிரத்தை நோக்கி சென்று கொண்டிருக்கிறது. இது மக்களிடையே சற்று கலக்கத்தை ஏற்படுத்தியுள்ளது.

இன்றைய வர்த்தகத்தின் போது 24 காரட் சுத்த தங்கத்தின் விலை கிராமிற்கு 38 ரூபாய் குறைந்து 9 ஆயிரத்து 753 ரூபாய்க்கும், சவரனுக்கு 304 ரூபாய் குறைந்து 78 ஆயிரத்து 024 ரூபாய்க்கும் விற்பனையாகி வருகிறது. 

வெள்ளி விலை நிலவரம்:

தங்கம் விலை குறைந்தது போல் வெள்ளி விலையும் இன்று குறைந்துள்ளது. வெள்ளி கிராமிற்கு 1 ரூபாய் குறைந்து 111 ரூபாய்க்கும், கிலோவிற்கு ரூ.1000 குறைந்து ஒரு லட்சத்து 11 ஆயிரம் ரூபாய்க்கும் விற்பனையாகிறது. 

சரிவுக்கான காரணம் என்ன?

அமெரிக்க டாலரின் மதிப்பு உயர்ந்துள்ளதால் சர்வதேச சந்தையில் தங்கத்தின் மீதான முதலீடு குறைந்துள்ளது.

இதையும் படிங்க: தடாலடியாக உயர்வு.. காலையிலேயே தலைசுற்ற வைக்கும் தங்கம் விலை..!