காசியாபாத்: உத்தரப் பிரதேச மாநிலம் காசியாபாத்தில் நான்கு வயது சிறுமி கொடூரமான பாலியல் வன்கொடுமைக்கு உள்ளாக்கப்பட்டு கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.

கடந்த ஏப்ரல் 11ஆம் தேதி இரவு ஷாலிமார் கார்டன் பகுதியில் சாலையோரத்தில் நிறுத்தப்பட்டிருந்த ஒரு காருக்கு அடியில் சிறுமியின் சடலம் கண்டெடுக்கப்பட்டது. உள்ளூர் போலீசார் உடனடியாக சடலத்தை மீட்டு பிரேதப் பரிசோதனைக்கு அனுப்பினர். 

பரிசோதனை அறிக்கையில் சிறுமி கொடூரமான பாலியல் வன்கொடுமைக்கு உள்ளாக்கப்பட்டிருந்தது உறுதியானது. அவரது கழுத்து மற்றும் பிறப்புறுப்புகளில் ஆழமான காயங்கள் இருந்ததாக தெரியவந்தது. குழந்தை மிகக் கொடூரமான தாக்குதலுக்கு உள்ளாகியிருப்பது தெளிவாகியது.

இதையும் படிங்க: ரூ.8,000 கூப்பனில் என்ன பொருள் வாங்கலாம்? எந்த கடையில் வாங்கலாம்?! மு.க.ஸ்டாலின் முன் பெண் உற்சாகம்!

முதற்கட்ட விசாரணையில் இந்த கொடூரக் குற்றத்தைச் செய்தது சிறுமியின் மாமா ஜமீல் என்கிற சோட்டு என்று தெரியவந்தது. சிறுமி வீட்டில் தனியாக இருந்தபோது அவரை வெளியே அழைத்துச் சென்ற ஜமீல், கொடூரத்தைச் செய்துவிட்டு, சடலத்தை காருக்கு அடியில் மறைத்து வைத்துவிட்டு தலைமறைவாகியுள்ளார். 

இந்த சம்பவம் தெரிந்ததும் உள்ளூர் மக்களும் உறவினர்களும் பெரும் அதிர்ச்சியடைந்தனர். ஜமீலை உடனடியாக கைது செய்யக் கோரி அவர்கள் போராட்டத்தில் ஈடுபட்டனர்.

போலீசார் உடனடியாக போக்சோ சட்டத்தின் கீழ் வழக்குப் பதிவு செய்து, தலைமறைவாக உள்ள ஜமீலை பிடிக்க தனிப்படை அமைத்து தீவிர தேடுதல் வேட்டையில் ஈடுபட்டுள்ளனர். சிறுமியின் குடும்பத்தினர் மற்றும் பகுதி மக்கள் நீதி கேட்டு குரல் எழுப்பி வருகின்றனர். இந்த சம்பவம் குழந்தைகளின் பாதுகாப்பு குறித்து மீண்டும் பெரும் கவலையை ஏற்படுத்தியுள்ளது.

குழந்தைகள் மீதான வன்முறை சம்பவங்கள் தொடர்ந்து அதிகரித்து வரும் நிலையில், இத்தகைய கொடூரங்கள் தடுக்க உரிய நடவடிக்கைகள் எடுக்கப்பட வேண்டும் என்று சமூக ஆர்வலர்கள் வலியுறுத்துகின்றனர். காசியாபாத் போலீசார் தீவிரமாக செயல்பட்டு, குற்றவாளியை விரைவில் பிடித்து நீதி வழங்க வேண்டும் என்று பொதுமக்கள் கோரிக்கை விடுத்துள்ளனர். இந்த சம்பவம் முழு மாநிலத்தையும் உலுக்கியுள்ளது.

இதையும் படிங்க: எங்கள் விவகாரங்களில் தலையிட வேண்டாம்!! அமெரிக்காவுக்கு சீனா நேரடி வார்னிங்!!