அண்ணா பல்கலைக்கழகத்தில் பேராசிரியராக பணியாற்றிய ஞானவேல் பாபு என்பவர் தனக்கு பாலியல் தொல்லை கொடுத்ததாக மூன்றாம் ஆண்டு பயிலும் மாணவி ஒருவர் போலீசில் புகார் அளித்தார். தனக்கு மட்டுமல்லாது தனது தோழிகளுக்கும் அவர் பாலியல் தொல்லை கொடுத்ததாக குற்றம் சாட்டியுள்ளார். ஏற்கனவே அண்ணா பல்கலைக்கழகத்தின் மாணவி பாலியல் வன்கொடுமை செய்யப்பட்ட சம்பவம் பெரும் அதிர்வலைகளை ஏற்படுத்தியது.

தற்போது மீண்டும் பாலியல் புகார் எழுந்துள்ள சம்பவம் அதிர்ச்சியை ஏற்படுத்தியிருக்கிறது. இந்த சம்பவத்திற்கு அதிமுக கண்டனம் தெரிவித்துள்ளது. 2024 டிசம்பரில் அண்ணா பல்கலை. மாணவி பாலியல் வழக்கில் நீதிக்கான கேள்வியான யார் அந்த SIR ? என்று அதிமுக கேட்டதாக தெரிவித்தது. அது நாடு முழுவதும் எதிரொலித்தது என்றும் ஆனால், அன்றைய திமுக அரசு எந்த SIR-ஐ காக்க நினைத்ததோ, அக்கேள்விக்கான பதில் இன்றளவும் மர்மமாகவே உள்ளது எனவும் கூறியது.

ஞானசேகரன் மட்டுமே குற்றவாளி என கீழமை நீதிமன்றம் தீர்ப்பு அளித்துள்ளது என்றும் இப்படி ஒரு சம்பவம் நடந்த பின்பாவது அண்ணா பல்கலைக்கழக மாணவிகள் பாதுகாப்பை உறுதி செய்திருக்க வேண்டும் என தெரிவித்துள்ளது. ஆனால் பெண்கள் பாதுகாப்பை முற்றிலும் மறந்துவிட்ட ஸ்டாலின் மாடல் திமுக அரசோ, எந்த நடவடிக்கையும் எடுக்காததால், அதே அண்ணா பல்கலைக்கழக வளாகத்தில் இருந்து மற்றுமொரு செய்தி வந்திருப்பது வெட்கக்கேடானது என்று சாடியது. 

இதையும் படிங்க: #BREAKING: அதிமுக 2 ஆம் கட்ட வேட்பாளர் பட்டியல் வெளியீடு..! 127 வேட்பாளர்கள் யார்? முழு விவரம்...!!

பெண்களை ஆபாசமாக பேசுவது, பாதிக்கப்பட்ட பெண்களை கொச்சைப்படுத்துவது என பெண்கள் வெறுப்பு மனப்பான்மை கொண்ட ஆட்சியில் பெண்கள் எப்படி பாதுகாப்பாக இருக்க முடியும் என கேள்வி எழுப்பப்பட்டுள்ளது. தைரியமாக முன்வந்து மாணவி புகார் அளித்தது பாராட்டுக்குரியது என்றும் இப்படிப்பட்ட  வழக்குகளை முறையாக விசாரிக்க வேண்டும் எனவும் வலியுறுத்தி உள்ளது. எடப்பாடி பழனிச்சாமி கூறியது போல், விரைவில் அமையப்போகும் அஇஅதிமுக அரசு, அந்த SIR யார் என்பதைக் கண்டறிந்து கூண்டில் ஏற்றும் என்றும் கூறியுள்ளது. 

இதையும் படிங்க: #BREAKING: புதிய தமிழகம் கட்சி தனித்துப் போட்டி... கூட்டணி இழுபறியால் கிருஷ்ணசாமி அதிரடி அறிவிப்பு..!!