தூத்துக்குடி மாவட்டம் விளாத்திகுளம் அருகே உள்ள வேடநத்தம் கிராமத்தைச் சேர்ந்த பிளஸ் டூ மாணவி ஒருவர், 2026 மார்ச் மாதம் 10ஆம் தேதி மாலை வீட்டிலிருந்து வெளியே சென்று மாயமானார். மறுநாள் அருகிலுள்ள காட்டுப் பகுதியில் பாலியல் வன்கொடுமை செய்யப்பட்ட நிலையில் அவரது சடலம் கண்டெடுக்கப்பட்டது. இந்தக் கொடூர சம்பவம் தமிழகம் முழுவதும் பெரும் அதிர்ச்சியையும் கோபத்தையும் ஏற்படுத்தியது. குற்றவாளியாக தர்ம முனீஸ்வரன் என்பவர் கைது செய்யப்பட்டு, அவர் மீது போக்சோ உள்ளிட்ட பிரிவுகளின் கீழ் வழக்கு பதிவு செய்யப்பட்டுள்ளது.

நடிகரும் அரசியல் பிரமுகருமான எஸ்.வி. சேகர் இந்த விவகாரம் குறித்து பொதுவெளியில் பேசியபோது, சர்ச்சையை ஏற்படுத்தும் வகையில் கருத்து தெரிவித்தார். அவர், “அந்தப் பெண் புதருக்கு பின்னால் ஏன் போனார்? புதருக்கு லைட் போட முடியுமா? போலீஸ் புதருக்கா லைட் போடுவார்கள்?” என்று கேள்வி எழுப்பினார். 

அவரது கருத்துக்கு அதிமுக கடும் கண்டனம் தெரிவித்துள்ளது. திமுக ஆதரவாளரும், திமுக தலைவர் ஸ்டாலினின் நடைபயிற்சி நண்பருமான நடிகர் SV சேகர், திமுக ஆட்சிக்கு முட்டு கொடுக்க வேண்டும் என்பதற்காக தூத்துக்குடி மாணவி கொலை வழக்கு பற்றி எவரும் சொல்லவே கூசும் வகையில் அருவருக்கத்தக்க கருத்தை தெரிவித்து உள்ளது கண்டனத்திற்குரியது என்று கூறியுள்ளது.

இதையும் படிங்க: அமைச்சர்களை ஜெயிக்க வைக்க டீலிங்... அதிமுக தொகுதி ஒதுக்கீட்டை விமர்சித்த சீமான்..!!

திமுக-வுடன் யார் சேர்ந்தாலும் அவர்களுக்கும் திமுக குணம் வந்துவிடும் போல என்று தெரிவித்து உள்ளது. இது எஸ் வி சேகரின் கருத்து மட்டுமல்ல என்று. ஸ்டாலின் நடத்திய ஐந்தாண்டு ஆட்சியைப் பார்த்தால் அவருக்கும் இதே எண்ணம் தான் இருக்கும் என்றே எண்ண தோன்றுகிறது எனவும் தெரிவித்து உள்ளது. தமிழக பெண்களை பற்றி, அவர்களின் பாதுகாப்பு பற்றி இவ்வளவு இழிவான எண்ணம் கொண்ட இவர்களின் ஆட்சி மீண்டும் வரவேண்டுமா என கேள்வி எழுப்பி உள்ளது. தமிழகம்வாழவேண்டும் என்றால், திமுக வீழவேண்டும் என தெரிவித்துள்ளது. 

இதையும் படிங்க: மத்திய அரசுக்கு EPS ஏதாச்சு அழுத்தம் கொடுத்தாரா? தமிழிசை வாரிசு அரசியல் இல்லையா? அமைச்சர் சேகர்பாபு சரமாரி கேள்வி..!!