டெல்லியில் மத்திய உள்துறை அமைச்சர் அமித் ஷா தலைமையில் தமிழக பா.ஜ., மையக்குழு கூட்டம் சமீபத்தில் நடைபெற்றது. கூட்டத்துக்குப் பிறகு தமிழக பா.ஜ.,-வின் முக்கிய நிர்வாகிகள் சிலரை அமித் ஷா தனியாக அழைத்துப் பேசினார். அப்போது அவர் தமிழகத்தில் பா.ஜ.,-வை வலுப்படுத்தும் வகையில் முக்கிய உத்தரவுகளை பிறப்பித்தார்.
அமித் ஷா கூறியதாவது, “மேற்கு வங்காளத்தில் மம்தா பானர்ஜி ரவுடிகளை வைத்து அராஜக அரசியல் செய்தார். மக்கள் ஆதரவுடன் பா.ஜ., அவரது ஆட்சியை அகற்றியது. அடுத்த இலக்கு தமிழகம் தான். பிரதமர் நரேந்திர மோடியை தமிழக மக்கள் விரும்புகின்றனர்” என்றார்.
மேலும், “மாவட்டம் வாரியாக கட்சி நிர்வாகிகளை அழைத்து மாநில தலைமை ஆலோசனை கூட்டங்களை தொடர்ந்து நடத்துங்கள். மாவட்டங்களுக்கு சுற்றுப்பயணம் செய்து தொண்டர்களை நேரில் சந்தியுங்கள். வரும் 2029 லோக்சபா தேர்தலில் தமிழகத்தில் பா.ஜ., 20 தொகுதிகளில் வெற்றி பெற வேண்டும். அதற்கான பணிகளை இப்போதே தீவிரப்படுத்துங்கள்” என அறிவுறுத்தினார்.
இதையும் படிங்க: திமுகவும், தவெகவும் தான் நம்ம கொள்கை எதிரிகள்!! தமிழக பாஜகவினருக்கு அமித்ஷா அட்வைஸ்!
விரைவில் மத்திய அமைச்சர்கள் தொடர்ச்சியாக தமிழகம் வருவார்கள் என்றும், அவர்கள் மூலம் மத்திய அரசின் நலத்திட்டங்களை மக்களிடம் கொண்டு செல்ல வேண்டும் என்றும் அமித் ஷா வலியுறுத்தினார். அதே நேரத்தில், தவெக அரசின் தவறுகளையும் தொடர்ந்து மக்களிடம் எடுத்துரைக்குமாறு அவர் கூறினார்.
தமிழக பா.ஜ.,-வினர் இந்த உத்தரவுகளை செயல்படுத்த தீவிர ஆலோசனையில் ஈடுபட்டுள்ளனர். மாநில தலைமை மட்டத்தில் இருந்து மாவட்ட அளவில் கூட்டங்கள் மற்றும் சுற்றுப்பயணங்கள் விரைவில் தொடங்கும் என எதிர்பார்க்கப்படுகிறது. 2029 லோக்சபா தேர்தலை மனதில் வைத்து பா.ஜ., தமிழகத்தில் தனது அடித்தளத்தை வலுப்படுத்த முயற்சி எடுப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது.
தற்போதைய தவெக அரசுக்கு எதிராக மக்கள் மனநிலையை பா.ஜ., சரியாக பயன்படுத்தினால் தமிழக அரசியலில் பெரும் மாற்றம் ஏற்படும் என பா.ஜ., தொண்டர்கள் நம்பிக்கை தெரிவிக்கின்றனர். அமித் ஷாவின் இந்த திட்டங்கள் தமிழக பா.ஜ.,-வுக்கு புதிய உத்வேகத்தை அளித்துள்ளன.
அடுத்த இரண்டு ஆண்டுகளில் தமிழக அரசியல் களம் எப்படி மாறும் என்பதை நோக்கி அனைவரின் பார்வையும் திரும்பியுள்ளது.
இதையும் படிங்க: அண்ணாமலை விலகியதும் ஆட்டம் காணும் பாஜக! தமிழக நிர்வாகிகளுடன் அமித்ஷா அவசர ஆலோசனை!